حصريا على موقع ومدونة روايستا للكاتبة أسماء عبد الهادي
اسكربت
رحلة منحوسة جدا
التصنيف كوميدي رومانسي
__
فى الفيلا الخاصة بالكيلاني
مصطفى الكيلاني قال لابنه
_عز بنت عمك مرام راجعة من الأردن علشان تأخد الماجستير هنا في مصر
عز بلا مبالاة
_طيب بالسلامة اعملها ايه
_تروح تجيبها من مطار القاهرة يا عز وتيجي ع هنا
_لا انا مش فاضي شوف حد غيري او ابعتلها العربية بالسواق وتريحنا
_ودا اسمه اصول يا عز يا ابني وبعدين دي بنت عمك
_معرفهاش يا بابا ومش متعود عليها بعدين دي اكيد هتكون بنت تنكة ورخمة وانا بتخنق من النوع دا بسرعة
_يا ابني هو انت لسه شوفتها ولا اتعرفت عليها علشان تحكم عليها بالشكل دا
_انا عارف ومتأكد من قبل ما اشوفها انا عارف الصنف دا كويس
_صنف ايه يا بني هو شريط دوا
_متركزش يا بابا علشان متهيسش
_طيب هي معاد طيارتها كمان ٣ ساعات
_يعني يادوب تاخد عربيتك وتروحلها من دلوقتي تكون وصلت القاهرة
_بابا شوف انا بقولك ايه وانت تقولي ايه
_عز هي كلمة روح هات مرام بنت عمك من المطار انجز
اتنهد عز بضيق
_ ماشي يا بابا بس خليك فاكرها ها وانتي استنى عليا يا مرام الزفتة ان ما طلعته كله ع دماغك مبقاش انا عز الكيلاني
دخل ابن خالته محمود واول ما شاف عز طالع اوضته بينفخ
قال
_ هه ماله دا بيكلم دبان وشه ليه
مصطفى
_يعني انت مش عارف عز ودماغه الناشفة دايما مدوخني معاه
_ ههه عارف.. عمل ايه المرة دي
_ مكسل انه يروح يجيب بنت عمه من المطار .. بقولك ايه يا محمود ما تروح معاه
_ اروح اعمل ايه
_ محمود
_خلاص خلاص اروح مروحش ليه بس قولي بنت اخوك دي حلوة ؟
_ولا اتلم
_ااه لا مؤاخذة يا عمي خلاص خلاص
_هتروح معاه
_ارشيني وانا اوفق
لقه مصطفى بالمخدة
_غور يالا جاتك البلا هي ناقصاه
_شكرا يا عمي وربنا اشكيك لخالتي
_محمود اتعدل
_خلاص متزعلش هروح معاه وامري لله بس توصي عليا عميد الكلية ها بالله عليه
_ليه عملت ايه المرة دي يا مصيبة
_ولا حاجة هو اللي حاططني في دماغه ومصر انه يرفدني ليه مش عارف
_ليه مش عارف... دا انت داهية متنقلة
_شكرا يا عمي هعتبر ان دا مدح المهم اروح مع عز وانت تكلم العميد بيس
_ماشي يا نيلة اطلع يلا استعجل عز مفيش وقت
_ماشي يا كبير
طلع محمود وخبط ع باب اوضة عز
_اعز اباشا صباحو بمبي ان شاء الله
فتح عز وقال بضيق
_ولا بقولك ايه انت شكلك فايق ورايق سيبني ف اللي انا فيه
_ما اما احنا ف الهوا سوا
_يعني ايه
_يعني انا جاي معاه نجيب المودومزيل بنت عمك من المطار
_يا راجل
_ ابوك دبسني في المشوار ...فضل يتحايل عليا ارأف بعز ابني وانت اللي هتونسه ف المشوار وتخفف عنه علشان انت يا حودا دمك خفيف وميتشبعش منك وعز ميقدرش يستغنى عنك
عز رفع حاجبه
_يا راجل ابويا قالك كدا
_انا عمري كدبت عليه
_انت.. لا ابدا مش كداب خالص
_اهو شوفت كلمة الحق طلعت من بوءك
_طب يلا يا خويا نلحق مشاورنا الهم دا.. ما هو اليوم باين من اوله
_زعلان ليه يا صاحبي دا انا رايحين نجيب بنت يعني وجه حسن وحد يقول للجمال لا
_ ولا بقولك ايه انت جاي تصيع ع بنت عمي
_يا عم وليه اصيع ما يمكن تعجبني ونكتب الكتاب ونعلي الجواب
_اه بالسرعة دي ماشي امشي قدامي يلا
ركبوا العربية وساق عز لحد ما وصل المطار
_ اوف اليوم النهاردة حر اوي
_هو التكيف دا متأكد انه شغال
_انا خلاص تعبت الاستاذة دي مش هتطلع بقا ولا ايه
_عز انت مش المفروض تنزل من العربية وتروح تستقبلها جوا
_لا انا مش نازل تيجي هيا هنا وان كان عاجبها
_ولا دي شكلها بومة علشان كدا انت مش طايفها ؟؟
_ولا اعرف شكلها
_يا سلام ازاي دا اومال بنت عمك ازاي
_سافرت يا سيدي وهي صغيرة وعمي راجل شديد ومحافظ حبتين علشان كدا مشوفتش ليها اي صورة وبصراحة مش مهتم ومش متفائل
محمود بص قدامه وبص ع حد معين
_بس انا متفائل اوي ولا يا عز هي دي بنت عمك
عز بص قدامه واول ما شافها اتعدل ف قاعدته وبلع ريقه وقال بصوت كله صدمة
_معقول دي مرام بنت عمي... هي بقت كدا ازاي
كانت بنت جميلة اوي وملامحها رقيقة
محمود
_يخربيتها دي لو هي تبقى السما اتفتحتلي .. البنت تقول للقمر قوم وانا اقعد مطرحك
_ولا لم نفسك لاحظ انها تبقى بنت عمى
_الوقتي بقت بنت عمك مش كنت مش طايقها
_اصبر بقا نتأكد مش ممكن متكونش هيا
وفجأة رن موبايل عز
_الوو
مرام
_ااا عز انا مرام بنت عمك... عمو مصطفى عطاني رقمك علشان تقابلني ف المطار هو انت لسه موصلتش ولا ايه
_ايه لا وصلت ثواني واكون قدامك...
وقال بتسلية رغم انها قدام عنيه
_بس انتي لابسة ايه علشان اعرفك
_اا هتلاقيني حاطة نضارة بينك ع راسي والشنطة بتاعتي لونها بينك بردو
_تمام جايلك
محمود
_اتسلى بيها يا عز ماشي يا عم
عز
_اكتم انت بقولك ايه خدلك عربية وروح انت
_وربنا ما يحصل دا انا اطير فيها رقاب
_خلاص يا عم يا باي
نزل عز
وقف قدام مرام
_مراام
_اا عز ابن عمو
_اه انا حمدا لله ع السلامة
_ميرسي الله يسلمك
_يلا اتفضلي ع العربية
_اها اوك يلا
_هاتي عنك الشنطة
_لا لا مش تقيلة
_لا هاتي بس
جت تركب ف العربية فعز قال
_اا دا محمود ابن خالتي جه معايا كدا سفلقة متأخديش بالك منه
_اها
محمود
_هاي يا قمر ١٤
_اهلا يا محمود
_حمدا لله ع السلامة
الله يسلمك
وركبت مرام العربية قعدت ع الكرسي الخلفي وعز ومحمود قدام
عز بضبق
_ولا مش لو كنت مجتش معانا كانت زمانها قاعدة جنبي
_ارزاق بقا يا ابن عمي.. سوق سوق
محمود بعدها كلم مرام اللي كانت ساكتة طول الطريق
_ودي اول مرة تيجي هنا مصر يا انسة
_اها من زمان اوي مجتش مصر من ايام ما كنت لسه ١٠ سنين بس قررت اجي اخد الماسجتير هنا واكمل دراستي
_دا من حسن حظنا مصر نورت بيكي
ميرسي
عز بضبق
_خف شوية ها
محمود_الله وانا عملت حاجة دا انا برحب بيها بس
عز
_ وانتي بندرسي ايه يا مرام
_انا بدرس ادارة اعمال زي بابا وبإذن الله ناوية اشتغل مع عمو مصطفى في شركته... كنت ناوية افتح مشروعي الخاص بيا بس عمو اقترح اني اكون معاه وكدا فمكانش عندي اي مانع لاني بحب عمو مصطفى اوي
محمود بهيام
_يا بخته
لكزه عز ف جانبه
_ولا اتلم
محمود انألم
_ اااه منك لله يا بعيد ايدك تقيبلة
مرام
_ف حاجة يا محمود
_اه لا اه قصدي جنبي وجعني فجأة
_سلامتك الف سلامة
_الله يسلمك يا أميرة يا بنت الأمرا
عز ضربه تاني بشدة أكبر
محمود بألم
_اااه
مرام
_ايه الألم اشتد ولا ايه
_اه ايده تقيلة اوي
_هو مين
_الالم
_الالم ايده تقيلة ازاي ؟
عز
_متركزيش مع الواد دا لان دماغه لاسعة
مرام
_اها .. بس احنا ممكن نقف عند صيدلية ونجيب منها مسكن
عز
_لا لا هو هيبقى كويس متشغليش بالك
جالها تلقون
_الو ايه يا عمو .. ااه وصلت الحمد لله وفي العربية مع عز ومحمود.. الله يسلمك يا عمو.. حاضر هاخد بالي من نفسي.. لا متقلقش كله حاجة تمام سلام يا عمو
عز
_مرام ايه رايك نقف عند مطعم ونتغدى سوا اكيد جعتي
_لا لا افضل أكل مع عمو لما نوصل مش عايزة اتأخر عليه اكيد منتظرني
عز بضبق
_ اوك
محمود همسله
_كبستك يا حلو ... ولسه دي شكلها هتنفضلك تماما
_ولا حل عن سمايا والا
_لا ارجوك جنبي كفاية
فضلت مرام طول الطريق مشغولة ف اللاب بتاعها وعز يراقبها من مراية العربية
محمود
_بص قدامك انت اللي سايق ها هتودينا ف داهية
_اخرس انت
وبعد فترة
وصلوا للفيلا واستقبلها الكيلاني بفرحة
_بنت اخويا الغالية
_عمو حبيبي وحشتنى اوي
_وانتي اكتر يا بنتي ها طمنيني عنك عاملة ايه
_الحمد لله تمام يا عمو...
جت مرات مصطفى وكانت ست طيبة واسمها فريدة
_اهلا وسهلا يا مرام نورتي بيتك التاني يا حبيبتي
_شكرا يا طنط تسلمي
مصطفى
_طب يلا علشان نتغدى ما بعض وتطلعي اوضتك ترتاحي
مرام
_تمام يلا
وقعدوا كلهم يتغدوا
ومرام كانت طول الوقت بتهزر مع مصطفى وفريدة ومتجاهلة عز تماما هو ومحمود
ودا ضايقه اكتر وقرر انه يطلع اوضته
عز
_انا شبعت وطالع اوضتي ارتاح عن اذنكم
وبعد شوية مرام شبعت وقالت
_تسلم ايديكي يا طنط فريدة الأكل تحفة اوي
فريدة
_ بالهنا والعافبة يا حبيبتي
محمود
_عجبك أكل مصر ... هو ولا اكل الأردن
_كل بلد وليها أكلها اللي بيميزها واكيد بردو الأكل المصري غير ولا ايه
محمود
_ايوة كدا هو دا الانتماء للوطن ولا بلاش
مرام ضحكت
_طيب يلا انا هطلع ارتاح ف اوضتي
فريدة
_ طب انا هاجي معاكي اوريكي اوضتك
مرام
_لا بلاش تتعبي نفسك يا طنط قوليلي انهي اوضة وانا هطلعها
_ماشي هي تاني اوضة ع ايدك الشمال
_اوك استأذن الله
مصطفى
اطلعي ارتاحي يا بنتي
طلعت مرام
محمود ف نفسه
_يابخته يا عز هتجاور الوجه الحسن
وبعدها قال
_عمي انا عايز اقعد عندكم هنا يومين
فريدة بجدية
_محمود قوم روح على بيتكم
_ليه كدا بس اخالتي
_مش اتغديت على بيتكم يلا
محمود بضبق
_شايف يا عمي خالتي بتطردني
ضحك مصطفى
_احنا عارفين عايز تقعد ليه واللي ف دماغك انساه
_طب وربنا انتوا ظالمني
فريدة
_لا يا حلو احنا عارفينك اكتر من نفسك على بيتكم يلا والا هكلم أمك
_لا وعلى ايه انا قايم .. بس خليكم فاكرينها.
فريدة ومصطفى هزوا دماغهم
_مفيش فايدة ف الواد دا
محمود
_اه قولوا بقا انكم عايزين تخلوا الجو لعز ابنكم ايوة ماهو علشان ابنكم بقا ماشي ماشي
مصطفى
_ولا يا محمود غور يلا
_وربنا عمري ما شوفت حد بيطرد ضيوفه بالشكل دا اما هطلع فوق اشتكي لمرام منكم
فريدة ومصطفى زعوا
_محمووود
محمود هرب
_خلاص خلاص ماشي عالم ظلمة
__
اما فوق
طلعت مرام فوق وحاولت تفتح الباب فمقدرتش تفتحه
_الله ماله ودا مش بيفتح ليه
ابتسم عز بخبث ودا لانه هو اللي قفله بالمفتاح وخبى المفتاح ف اوضته
وخرج لها
_في حاجة يا مرام
_الباب مش بيفتح
_عصلج تاني ولا ايه
_لا تقريبا مقفول بالمفتاح
_ايه دا بجد طب استنى كدا .. اه فعلا مقفول
_طب انا هنزل اجيب المفتاح من طنط
_طب استنى انا معايا نسخة هروح اجيبها من اوضتي
_اوك
_تعالي اتفضلي ادخلي
_ادخل فين
_اوضتي اقععدي لحد ما اشوف المفتاح
_لا ميصحش هاته وانا واقفة اهو بس بسرعة بليز لاني تعبت
_يا بنتي تعالي ادخلي ارتاحي
_لا يلا يا عز بقا لاما هنزل لطنط تشوف المفتاح
_طيب ماشي لحظة
ودخل عز وجابلها المفتاح وقال ف نفسه
_دي شكلها جد اوي ليه كدا وبعدين بقا بس بصراحة دخلت دماغي اوي انا مكنتش مفكرها بالرقة دي كلها
مرام
_ها يا عز لقيته
_اه لقيته اهو
وفتح لها عز
_اتفضلي يا مرام.. نورتي اوضتك... يااه دا انا ف قمة سعادتي علشان طلعنا جيران ف الاوض
_شكرا يا عز تعبتك معايا
عز بص في عيونها بتيه
_تعبك راحة اكيد
_اااه طب عن اذنك بقا علشان هنام
_طب ما تنامي
_عز ابعد عن الباب علشان اقفله
_ما تقفليه
_عز ما تفوق انت واقف ع الباب
عز وهو مركز معاها وبيحب يعاندها
_اه صح لامؤاخذة اتفضلي
_عن اذنك
_ماشي نوم الهنا
هزت مرام كتافها
_غريبة ماله دا دماغه ضاربة باين
اما عز بوقف مكانه وفضل باصص للباب شوية وبعدها اتنهد ودخل اوضته
__
وبعد كم يوم
مصطفى كان قاعد مع مرام
_ها يا مرام تحبي أجهز العربية امتا
_بكرة ان شاء الله يا عمو ع الساعة ١٠ الصبح
_تمام يا بنتي هتلاقيها عندك.. بس انا كنت بقول اجيبلك طيارة خاصة توديكي بسرعة
_لالا يا عمو ليه التكلفة دي العربية هتغني
_مكنتش حابب تروحي لوحدك المشوار دا... دا سفر يا بنتي
_معلش يا عمو طلب العلم
_ربنا يوفقك يا بنتي
جه عز
_خير يا مرام سفر ايه دا
مصطفى
_مرام عايزة تحضر مؤتمر صحفي في الغردقة وعايزة تروحه بالعربية
عز
_مؤتمر ايه دا
مرام
_مؤتمر علمي هيفيدني في البحث بتاعي وف رسالة الماجستير ولازم أحضره
عز _طب ما تشتركي فيه اون لاين
مرام
_لا انا بحب احضر المؤتمرات علشان اقدر اتفاعل غيها واسأل براحتي
عز
_اه انتي شكلك واخدة ع كدا
مرام
_اه انا بعشق حضور المؤتمرات العلمية وزيارة مراكز البحوث
عز
_طب حيث كدا بقا اوصلك انا ليه عربية وراجل غريب تكوني معاه طول المسافة دي كلها
مرام
_مش عايزة اتعبك
عز
_لا ولا يهمك تعبك راحة
مصطفى بمكر
_غريبة رغم انك روحت جبتها من المطار بالعافية وكنت مستتقل المشوار
عز بارتباك وبص لابوه بضيق
_انا لا لا ابدا في ايه يا حج ما تخليك محضر خير
مرام
_لا يا عز مش عايزة اعطلك
مصطفى
_تعطلي مين دا عيل مش بتاع شغل
عز همس لابوه
_في ايه يا حج ما تصلي ع النبي مالك كدا مضطهدنى النهاردة
مصطفى
_عايز منها ايه يالا
عز
_كل خير يا والدي مش يمكن تفرح بينا قريب
_اه ان كان كدا ماشي
_طب اقنعها بقا وظبط المسائلى
مصطفى
_خلاص يا مرام عز ابن عمك يوصلك يا حبيبي
مرام
_اها اللي تشوفه يا عمو.. انا مفيش عندي مشكلة المهم اوصل المؤتمر ف المعاد
عز بمكر
_طبعا طبعا
وتاني يوم
استعدت مرام
_ها يا عز جاهز
_اه جاهز يلا بينا
مصطفى
_مع السلامة
فريدة
خدوا بالكم من نفسكم يا ولاد
مرام
مع السلامة
__
وفي العربية ركبت مرام جنب عز
وبدأ عز رحلته
عز كان ماشي بشويش اوي
مرام
_عز ما تسوق بسرعة شوية المسافة مش قصيرة وعايزين نلحق
_ما انا ماشي بالسرعة القانونية اهو
_فين دا انت كدا ماشي مشي السلحفا بليز بسرعة
_ما بلاش يا بنت عمي في العجلة الندامة
_لا لا سوق بسرعة من فضلك انا بحب اوصل بدري و اقعد ف الكرسي الأول
_ليه بيوزعوا شوكولاتة
_بتهزر يا عز
_ياستي وفيها مهزرش انتي مالك كدا جد ليه ما تفكيها شوية
_اها انا كدا من فضلك بسرعة شوية بقا
ساق عز بسرعة جنونية
_انت يا ابني هو انت لإما ببطىء اوي لاما بسرعة اوي ما تخليك وسط
_حيرتيني اسوق بسرعة ولا ببطىء
_عز من فضلك سوق كويس وهدي العربية دي اانا كدا دوخت
عز بطىء العربية شوية فدا ادى ان مرام تتخبط ف الازاز
_اااه
اسف
_انا شكلي هوصل المؤتمر متدغدغة بسبب سواقتك النيلة دي
_يا بنتي انا سواق عالمي
_اه ما هو باين
عز كل شوية يبص عليها
_عز من فضلك بص قدامك وانت سايق
_يعني مينفعش ابص ع القمر
_عزز.
_خلاص هبص قدامي اهو
وفجأة سمعوا صوت انفجار
صرخت مرام
_عااا ايه دا
عز بتسلية
_لا دا الكاوتش فرقع
_ايه ودا وقته.. طب غيره بسرعة
_ملهاش لازمة
_يعني ايه
_يعني للأسف الاربع فردات اتخرموا وانا مش معايا غير اتنين استبن بس
_طب ليه يا عز معملتش اتشيك اب ع العربية قبل ما نتحرك هنتصرف ازاي دلوقتي
_عملت بس نصيبنا كدا
_يعني ايه هنعمل ايه دلوقتي
_هنستنى لما ربنا يفرجها ويبعتلنا حد ف الهو اللي احنا فيه دا يشد العربية لأقرب ميكانيكي
مرام خرجت من العربية وقالت
_لا دي غريبة وكأنها مقصودة ان الاربعة ينفجروا مرة واحدة
وفجأة طلع عليهم واحد بمدية ف ايده
_صح يا حلوة الظاهر عليكي ذكية
مرام صرخت
عز خرج بسرعة وقال
_مرام تعالي هنا
جريت واستخبت وراه
_عاا عز دا باينه حرامي
الخرامي
_برافو وعرفتيها لوحدك كمان لا جدعة
عز
_انت عايز ايه مننا
_الحرامي قب يا خويا بالمعلوم كله
مرام
_يعني ايه
الخرامي
_يعني هتتقلبوا يا حلوة
مرام
_يعني أنا فهمت الاولى علشان افهم التانية
الحرامي
_الاه ما انا كنت بقول عليكي وكلك مفهومية ما تفهمها يا عم بدل ما اعملها تاتو ف وشها
مرام
_لا تاتو لا مش بحبه
الحرامي
_لا دي دمها خفيف وجاية تهرج بقا
مرام
_بقولك ايه يا عمو الحرامي احنا مش فاضين للكلام دا
الحرامي
_ عمو الحرامي لا حلوة ومقبولة منك
عز بضبق
_ايه عمو الحرامي دا انتي معتوهة
_ايه اومال اقوله ايه
_انكتمي متتكلميش معاه خالص
_طب مشيه واتصرف ف العربية دي
عز
_ يا حضرة ممكن اعرف انت ليه فرقعت كاوتش العربية كل دا علشان تقلبنا ما كنت طلبته بالزوق وعطيناك اللي انت عايزة لازم العطلة دي
مرام
_ايه دا يعني انت اللي فرقعت الكاوتشات
الحرامي
_ايوة بلا فخر علشان اقلبكم بضمير
مرام بانزعاج
_تصدق انك انسان مش كويس يلا اتفضل صلح غلطتلك وصلح كاوتشات العربية علشان نتحرك انا مش فاضية
عز بضبق
_هي البعيدة مبتفهمش
_ايه
_انتي بتكلمي الخرامي كدا ليه كأنه عنده ضمير دا شكله شارب وكمان ماسكلنا مدية يعني ممكن يخلص علينا ف اي لحظة
_يووه طب اعمل ايه انا عايزة امشي من هنا
_طب اسكتي ومتتكلميش خالص
_اوف انتوا الظاهر كدا هتعطلوني
الحرامي
_لا انتوا طولتوا اكتر من اللازم هتقبوا ولاااا
عز
_لا لا يا عم بالهداوة انت عايز ايه
_طلع كل اللي معاك الموبايل والفلوس ولو فيه اي دهب هاته
مرام
_نعم ليه ان شاء الله نديلك الحاجة بتاعتنا
عز بغيظ
_مش يمكن لانه حرامي ودا اللي بيعمله دايما
مرام
_لا انا مش هديله حاجتي ابدا
عز
هو مس بيستأذنك على فكرة ولا بيأخد رأيك
الحرامي
قولها
مرام
بردو لا يعني لا
عز
يا بنت الناس اسكتي بقا وعدى يومك
مرام
مكنتش اعرف انك جبان كدا
_جبان ايه يا نيلة انتي مش شايفة اللي في ايده دا ممكن يقتلنا ومن غير ما يهزله جفن
الحرامي
هتخلصي يا حلوة ولا اقطلعك لسانك دا
عز
سامعة اهو بدأ يتعصب .. اهدا بس يا عم وهنديك اللي انت عايزه
مرام
ايه انت بتكلمه ليه كدا .. اسمع يا زفت اخنا مش خايفين منك واللي عندك اعمله
الحرامي
يبقة انتوا اللي جنيتوا ع نفسكم.. قولوا الشهادة يلا
عز بسرعة
لا لا اتفضل خد اهو كل حاجة
مرام
عز متعطيش ليه حاجة
الحرامي
تاني
عز حط ايده ع بوء مرام
انكتمي ارجوكي انكتمي شوية
مرام بضبق
ابعد ايدك دي
الحرامي
اخلصوا ف يومكم اللي مش معدى دا
مرام
ما تصبر يا نيلة انت لما افكر هحل موضوع الكاوتشات دا ازاي
الحرامي
لا دا بعدين لما اخلص مهمتي اطلعي يا بت باللي معاكي
مرام
بت لما تبتك... اتكلم معايا بأدب
عز
يخربيتك اسكتي والله ما انتي راجعة الا لما يموتك
الحرامي
لا انتي الجانية ع روحك انا مش هستنى ثانية واحدة
وقف عز قدامها وقال
لا لا اتفضل اهي الحاجة
ادي المحفظة وادي الساعة دول كل اللي معايا حلو كدا مرضي
مرام
عز ايه اللي انت عملته دا
عز
نقطيني بسكاتك ابوس ايدك دي ايه الوقعة المهببة دي
مرام
_مهببة بتقول ع خروجك معايا مهببة
عز
خلاص يا ستي انا اسف حقك عليا بس اقفلي بوءك
يعني طول الطريق قافلاه وجاية تتكلمي دلوقتي حرام عليكي
الحرامي
اخلصي يا بت هاتي اللي معاكي
مرام
لا مش جايبة حاجة مش كفاية اللي اخدته من عز انت طماع اوي ع فكرة
عز
لا حول ولا قوة إلا بالله دي ناوية ع موتها النهاردة
الحرامي
هي باينلها كدا... بقولك ايه البت دي صداع انا هاتويها وارتاح منها
عز
لالا استنى بس
وشد شنطة مرام
خد اهي الشنطة كلها باللي فيها
_هات
مرام عيطت
لاااا شنطنتي فيها كل شغلي لااااا
مد عز ايده للحرامي يعطليه الشنطة فضربه بيها وقع منه المدية
الحرامي
اااه
بسرعة عز مسك هو المدية وثبت بيها الحرامي
اتشاهد انت ع روحك يا حلو
الحرامي بخوف
يا بيه بلاش تضيع نفسك علشان واحد ولا يسوا زيي
مرام بفرحة
برافو عليك يا عز ايوا كدا يستاهل والله ووقعت ف شر اعمالك يا حرامي
عز مط شفته
انتي كدا بتشتميه لما تقوليله حرامي .. معاكي اي حاجة اكتف اخينا دا بيه قبل ما يعمل اى حركة غدر
_معايا الاشارب بتاعي ف العربية ينفع
_ينفع هاتين بسرعة
وبالفعل كتف عز الحرامي واتصل بالشرطة
وبعد فترة جت الشرطة وقبضت ع الحرامي
الشرطة _تمام اتفضلوا معايا نعمل محضر باللي حصل
مرام
لا ملوش لازمة احنا عايزين نمشي
_يا انسة دا اجراء روتيني ولابد منه علشان المجرم دا ياخد جزاءه العادل ع اللي حصل
مرام
بس كدا انا هتأخر
عز
خلاص ماشي يا باشا جايين معاك
وركبوا معاهم في العربية وراحوا ع القسم
وقالوا اقوالهم
الظابط
اتفضلوا امضوا هنا
عز
طب والعربية هنعمل فيها ايه
الظابط
احنا هنبعت الونش يشيلها ولما تتصلح هنبعتها لحضراتكم
مرام
بس بسرعة من فضلك لاني ورايا مشوار مهم
عز
ماشي يا باشا الف شكر لحضرتك السلام عليكم ... يلا يا مرام
_ايه استنى لما ءأكد عليه يصلح العربية بسرعا
_يا بنتي امشي هو كان خدام ابوكي دا انتي تحمدي ربنا انهم هيشيلوها من وسط الطريق
_يووه وبعدين بقا ف العطلة دي.. هنعمل ايه دلوقتي
_ولا حاجة اقعدي هنا قدام القسم لحد ما يجيبوا العربية
_طب انا جعانة
_هقوم اشوف اي سوبر ماركت هنا ولا بتاع أجيبلك أكل
قعدت مرام ع الرصيف
_عز متنساش تجيب العصير ها
_اه شكلنا هنفرش هنا على الرصيف _اعملك ايه بقا ما هو خلاص شكلنا بقا زبالة واللي كان كان
_راح شوية وجاب أكل وجه
_يلا خدي سدي جوعك بالباتيه دا اللي لقيته ....ايه مش بتأكلي ليه
_لا مليش نفس
_الله مش بتقولي جعانة
_غيرت رأيي
_في ايه يا بنتي حد زعلك
_خايفة اتأخر عل المؤتمر
_يخربيت المؤتمر عةاللي عملوه
ل_ا متقولش كدا بقولك هيفيدني
_طب كلي ومتزعليش وانا هكلم بابا يشوف لو يعرف حد قريب من المنطقة الهو دي يبعتلنا عربية
_اه ياريت يا عز
_طيب يلا كلي وروقي مزاجك دا اليوم دا هيتكتب في التاريخ
_انت تسكت خالص انا مش هروح معاك ف حتة تاني
_ليه كدا يخص عليكي دا أنا فسحتك ف الإقسام وعرفتك ع الحرامية عايزة ايه تاني
مرام بنرفزة
_عززز
ضحك
_خلاص خلاص بهزر معاكي
وبعد ساعة
_اوف انا زهقت والجو حر هنمشي امتا
_الراجل اللي بابا بعته بيقول انه ف الطريق خلاص اهو
_يا حبيبي يا عمو بتعرف تتصرف حتى وانت بعيد اومال ابنك ال نص كم اللي مقعدني ف الشارع دا
_ما تلمي نفسك يا مرام ايه نص كم دا
_ايه ما انت مش عارف تتصرف لوحدك
_هتصرف اعمل ايه ما انا منتظر عربيتي تتصلح
ا_هو شوفت بارد اوي يا بارد
_طب لمي نفسك بدل ما ازعلك يا مرام
_لو تقدر وريني
_يا بت بلاش تستفزيني
_طب جرب تعملها وانا كنت اسجنك جنب عمو الحرامي اللي جوا دا
ضحك عز
_بردو عمو حرامي يا معتوهة
ضحكت
_الله ما انا مش عارفة اسمه
_طب بتحترميه ليه... دا انا مش عاطيالي اهتمام زيه يا شيخة
_لا انت ابن عمي لكن هو غريب
_لا نظرية بردو .. غوري يا بت من وشي
هنا جت العربية
_ عز بيه!!!!.... مصطفى بيه باعتني ليكم
قامت مرام
_ايوة ايوة احنا اهو
وجريت ركبت العربية
_يلا بسرعة يا عمو اتأخرت والله
ركبوا كلهم العربية
ومرام طول الطريق
_بسرعة يا عمو الله يكرمك مبقاش فيه وقت
عز
_يا بنتي حرام عليكي جبتيلي صداااع افصلي بقا شوية هو ايه اصله دا
_عز انا اتأخرت اتأخرت كنت عايزة أقعد ف اول كرسي
_وربنا فعلا بيوزعوا شوكولاته يا طفسة
_انت بتقول ايه
_ماهو مفيش اي معنى لكلامك غير كدا
وبعد نص ساعة
كانوا وصلوا المكان
مرام بفرحة
_ اخيرا وصلنا وصلنا
خرجت وجريت بسرعة وجت تدخل
بصت ف الساعة
_ياربي دا بدا من زمان عاجبك كدا يا عز
_الله وانا مالي انا
_يووه طب انا داخلة هتيجي معايا
_لا هنتظرك برا مليش ف الصداع دا
_اه صح ما انا نسيت انك فاشل
_فاشل ف عينك انا مهندس قد الدنيا يا بنتي
_وايه المانع من انك تكون مهندس فاشل
_بردو مفيش فايدة ادخلي اخلصي خلينا ننتهي من المشوار النيلة دا
دخلت مرام ويادوب ربع ساعة وخرجت
عز كان قاعد ف العربية وحاطط رجل ع رجل
لاقاها راجعة وبتعيط
ضحك
_ايه الشوكولاته خلصت؟
_عااا ملحقتش المؤتمر عاا
_يلا ملكيش نصيب دا حتى مؤتمر الندامة
_لا انا زعلانة اوي حتى مسمعتش اي حاجة لما وصلت كانوا خلاص بيشكروا ف الأعضاء المتفاعلين والمشاركين ف الاعداد
_معلش متزعليش مؤتمر يروح بكرة يجي غيره
_عااا
_خلاص بقا.. طب بصي تعالي هفسحك ف الغردقة شوية ماهو مش هيبقا طسينا المشوار دا ف الفاضي دا انا هبهركك
_لا مليش نفس
_ يا بنتي تعالي بس يلا
وبعد كم ساعة
مرام
_صدق الغردقة حلوة اوي
_مش قلتلك بس ع فكرة انتي اللي محلياها ومحلية حياتي كلها
مرام باحراج
_عز من فضلك
_انا قلت ايه بس
قابلتهم ست بتبيع فل
_فل علشان الدام يابيه
مرام
_لا احنا مش متجوزين
الست
_طيب علشان خطوبتكم
مرام
_لا انا اتخطب لدا؟؟
جريت الست وراهم تضريهم
_ اه يا صيع وماشين مع بعض كدا وبتقولوها بكل بجاحة
عز وهو بيجري
_اجري يا مرام دي باينها مجنونة
مرام
_عااا عاجبك اللي بيحصل دا كله بسببك
ضحك عز
_ وانا عملت ايه بس
_اشش اسكت انا مش عايزة اسمع صوتك
_الله شامة ريحة السمك تعالي ندخل ناكل علشان نروح
مقدرتش تقاوم الريحة
فقالت_ اوك يلا
ولما دخلوا وقعدوا
جه واحد بيعزم جيتار وقال
_تحبوا اعزفلكم مقطوعة خاص بيكم... المقطوعة دي وكأنك بتهديها لحبيبتك ايه رايك يا بيه
ابتسم عز بمكر
_شايفة الكل مصر ع اننا مرتبطين ما تيجي نرتبط
_نعم !!
_ليه لا ما كل المؤشرات بتقول اننا لبعض ولايقين ع بعض مرام انا ارتحتلك اوي على فكرة ومبسوط بالوقت اللي بقضيه معاكي
_عز من فضلك انا مبحبش الكلام دا
_طب اطلبك من عمي؟؟
_لسه بدري كل كل
بصلها بغيظ وكمل اكل
ولما رجعوا من السفر
وتاني يوم
والد مرام كلمهم فيديو كول وزعقلها
_بقى هو دا اللي ربيتك عليه تركبي مع ابن عمك لوحدك في مشوار طويل بالشكل دا
مرام
انا اسفة يا بابا دا كان علشان المؤتمر
_خلاص مبقاش فيه مؤتمرات ولا زفت مفهوم
عز
_عمي انا مستعد اصلح غلطتي واتجوزها
فتحت مرام بوءها
_انت بتقول ايه
_عز عمي انا عايز اتجوز بنتك وافق يا عمي
جت مرام تعترض فهمس لها
_لو وافقتي هاخدك كل يوم مؤتمر شكل ومش هحرمك مش حاجة يكش يطلع عليها مليون عمو حرامي
ابتسمت مرام
_انت كدا رشيتني علشان اوافق... ....موافقة
_يحيا العدل هو دا الكلام 💃🏾
اي يا حجه دي قفله دي استني شويه
ردحذفدي حلوه اوي وعز دمه خفيف اوي
جميله ياقلبي
ردحذف