شوق البارت الاخير

  رواية شوق للكاتبة أسماء عبد الهادي

 

#شوق

بارت ٥٦ 

والأخير 

أسماء عبد الهادي

__

احساس بالخزي تملكها ورغبة عارمة في التغيير أصابتها فقررت أن تفعل ما بوسعها حتى لو على حساب صحتها المهم أن تصل لمبتغاها

_ ماهو انا هخس يعني هخس حتى لو حصلت اني اموت من الجوع.. مش عايزة أكون مصدر حرج لعساف حتى لو مبينش دا علشان ميزعلنيش.. ايوة انا لازم اخس في خلال الاسبوعين دول بأي طريقة هعمل رجيم قاسي وهتخسي يا توبا.

__

اقتربت منه بينما كان يذاكر في غرفته، كانت تراقبه منذ مدة تراه يفتح كتابه ينظر فيه تارة وتارة أخرى يغلقه بضيق وينفخ مغتاظا 

 لتهتف هي_ اللي شاغل باله يتهنابه يا ولا 

لم يرد عليها وادعى الانشغال بما في يده 

جلست جواره وقالت بحب 

_ واه لساتك زعلان مني يا واد يا أمير الأمرا انت يا حلو 

لم تجد منه رد 

لتهتف هي متدعية الانزعاج

_ لاه اني معرفاشي ان قلبك قاسي اكده يا ولا.. يخص عليك يا أمير الأمر بقى تخاصم اختك حبيبتك اكده بقالك يومين ولا تعبرني لاه مكانش العشم أبدا.

لم يبدي اي ردة فعل بل هو اولاها ظهره 

لتنهض هي من مكانها وتقول هذه المرة بحزن حقيقي 

_ لو عليا يا أمير أعملك فرحك النهاردة قبل بكرة.. عارفة انك وعدت ابوها بديه ومش عايز تطلع صغير قدامهم، بس أني يعز عليا تعملوا فرحكم من غير ما اخوكم يفرح معاكم، معيزاكوش يا أمير تستغنوا عن بعض واصل ولا تبصوا كل واحد فيكم لمصلحته على حساب التاني... فيها ايه لما تأجل فرحك علشان اخوك يحضر معاك ...آيات مهياش بعيدة عنيك ماهي قدام عنيك طول الوقت وحتى كمان ترتاح من المذاكرة والامتحانات وقرفها ....

رفع أمير رأسه إليها 

فقالت

_ هترجع تقولي طيب ليه مهند فكر في نفسه وبس وليه مطلبتش منه انه يستنى زييكم مش اكده... هقولك ان مهند اكتر واحد فيكم صبر كتير واتحمل اللي محدش يتحمله علشان ينوا اللحظة داي.. انت ناسي ان مهاند عاشق لميار من اول لحظة شافها فيها واتحمل كتير علشان يتغير ويليق بيها واتعالج كمان.. علشان اكده كان لازمن نكافئه على تصميمه وإرادته وعزيمته في البعد عن الغلط... مين كان يصدق ان مهند بكل اللي كان عليه يتغير ١٨٠ درجة اكده... فالحمد لله ربك كبير.. متزعلش مني يا أمير أني وربنا بحبكم ومعيزاشي الا مصلحتكم ربنا يسعدكم ويباركلي فيكم يارب.

قالتها والتفتت لتغادر ليلحق بها أمير وهو يقول بندم 

_ شوق أنا اسف حقك عليا 

لتدفعه بعيد عنها

_بعد عني يا ولا أني مهكلمكشي واصل.

_ شوق بجد انا اسف اوي متزعليش بقا.. انا كل الحكاية اني مكنتش عايز اطلع صغير قدام ابو آيات

_ بقا تقعد يومين مخاصمني يا ولا جالك قلب تعملها لاااه مكانش العشم 

_ لا طبعا مقدرش 

_ اديك قدرت يا أمير

_كان من ورا قلبي يا شوق والله 

_طب انت عايز ايه دلوك مني.. بعد عني 

_مش هبعد الا لما تصالحيني 

_مين اللي يصالح مين يا معتوه 

_ خلاص انا اللي هصالحك .. قولي اصالحك بإيه ومش هتأخر

_ وانت حيلتك حاجة يا حزين 

ضحك امير

_ طب قولي حاجة غير الفلوس انتي عارفة اني منفض تمام وجيوبي مخرمة على الاخر

_ ضحكت شوق 

_ عارفة ياولا.. اسكت النضافة حلوة مفيش كلام 

_ يا سلام يا ختي .. المهم خلاص مش زعلانة 

عانقته شوق بحب

_ واني اقدر أزعل منك أبدا يا ولا دا أنت اخوي الصغير 

ليدخل يوسف ويقول بغيرة 

_ نعم مين اللي اخوكي الصغير اومال انا ايه 

أمير بادعاء الضيق

_ولا انت ايه اللي مدخلك اوضتي 

وضعت شوق يدها على كتف يوسف

_ يوسف يدخل في اي مكان وفي اي وقت يا ولا

اخرج يوسف لأمير لسانه 

فضحكت شوق وقالت

_ كويس انك بتعاند في امير مش في مهاند كان زمانه علقك من هدومك في شماعة دولابه 

ليضحك الكل فتقول شوق بشوق

_ الواد مهاند وحشني اوي.. وميار الحبابة .. بس اني مطمنة عليهم علشان خالد اهناك معاهم 

أمير

_ اسكتي انا حاسس انها هناك هتكون مجزرة

شوق

_ ليه يا ولا كفا الله الشر

_ انتي يعني مش عارفة مهند اخوكي

___

كانا يتجولان معا بمرح وسعادة وفي لحظة مباغتة توقف أمامها وأمسك بيدها وقال بهيام غارقا في مقلتيها التي كالؤلؤتان اللامعتان

_ميار

اجابت بدلال يليق بها

_نعم يا مهند 

صاح مهند بعشق

_يااااه انا مكنتش عايش قبل كدا بقا ولا ايه..صوتك دا ايه طائر بيغرد!! .. عيونك دي ياقوت ولا زمرد

ضحكت وقالت وهي تتلفت حولها

_طب وطي صوتك الناس حوالينا تسمعنا

_ما يسمعوا بعمل ايه يعني....مش بعمل حاجة غلط انا بتغزل في حبيبي وبس

ضحكت اكثر بضحكة سحرته

_طب ممكن تأجل دا لحد ما نرجع جناحنا

_وءأجله ليه ما انا ممكن اقوله هنا وفي جناحنا كمان وفي كل ثانية وكل لحظة.. دا انا بقيت جار القمر خلاص يا ناااس

قال كلمته الأخيرة بعلو صوته 

لتقول بجرح وابتسامتها تزين ثغرها

_يا مجنون 

_مجنون بحبك.. تعالى هاخدك على مكان هيعجبك اوي

_الاماكن اللي جبتني فيها كلها خرافة الظاهر انك عارف المكان هنا كويس

ضحك مهند 

_عارفه شبر شبر كنت راشق هنا زمان

_يا بختك انا معرفش ولا حاجة هنا 

_يا بختك انتي .. صدقيني البراءة اللي انتي فيها متتعوضش بتمن.. ياريتني برىء كدا زيك 

_ يعني مش شايف براءتي 

دي هطل؟ 

أجابها سارحا في جمالها الأخاذ

_ شايفه تميز، ميار انتي فريدة من نوعك.. حاجة كدا متكررتش مرتين 

ليأتي في تلك اللحظة خالد وأمارات الخوف والقلق تسطر على وجهه 

_ميااار 

ليرمقه كل من مهند وميار باستغراب 

ميار

_ خالد!! 

ليهتف خالد بغضب صائحا فمهند 

_انت يا زفت ازاي تقفل موبايلاتك انت وميار.. وتمشي كدا من غير ما اعرف مكانكم طول الوقت دا 

ليرفع مهند أحد حاجبيه 

_نعم!! انت عايزني استأذن منك كل لما اجي اخرج بمراتي مثلا

_لا على الأقل اكون عارف انتوا فين وموبايلاتكم تكون مفتوحة علشان لما احب اطمن عليكم في اي وقت... مش تسيبني كدا طول اليوم بدور عليكم ودماغي حاكت عشرات الحوارات والمصايب

_صدق والله انت غريب انت عايز ايه وتدور علينا ليه اصلا ولا ترن علينا ليه.

_اطمن على اختي

_لا اختك دي تنساها خالص 

_لا انت بتحلم يا مهند مش هتقدر تأخد مني اختي 

_خالد انا لحد دلوقتي بتكلم بكل هدوء... وبحاول افهمك اختك خلاص بقت مراتي ومسؤلة مني انا... وكمان ياللي بتفهم احنا ف شهر العسل يعني عايزين تنفسح ونخرج براحتنا نقفل بقا موبايلاتنا بقا نختفي عن العالم براحتنا بردو.. من الاخر كدا انسانا لمدة سنة قدام 

رد خالد بحنق وبدا وكأنه سيتشاجر مع مهند 

_يا سلام ومين اللي هيسمحلك بدا ان شاء الله

_خالد من فضلك انا مش عايز ازعلك ومقدر غيرتك على اختك 

_لا زعلني يا مهند وهتشوف

لتمسك فداء بيد خالد لتثنيه عما يفعل

_خالد بس بقا ارجوك 

_سيبيني يا فداء 

_يا خالد مش هينفع كدا كلنا مقدرين حبك لميار وخوفك عليها بس اللي بتعمله دا غلط... زي ما مهند قالك ميار خلاص اتجوزت وبقت مسؤلة منه فبلاش تخنقهم كل شوية لأن كل واحد وليه طاقة وكمان هما لسه ف شهر العسل يعني انهم يكونوا على راحتهم ولوحدهم من غير وجود حد مننا.

صمت خالد وظل يرمق مهند بانزعاج 

لتهتف فداء مستطردة حديثها

_ بلاش تزعلهم وهما في اوج فرحتهم وسعادتهم.. خليك انت مصدر راحتهم.. تهتم بيهم وتحميهم بس من بعيد من غير ما تدخل ارجوك 

لتقول ميار 

_خالد انت متضايق علشان قفلنا الموبايلات حاضر هنفتحها بس ارجوك متزعلش 

ليهتف مهند بعند

_لا يا ميار نقفلها براحتنا وخالد ملوش عندنا حاجة 

ليهتف خالد بشر

_مهند بلاش انت 

لتهتف فداء بغيظ

_خالد وبعدين بقا اسمع كلامي من فضلك لاما مش هقعد معاك هنا لحظة وهسافر تاني ولوحدي .. عن اذنك

قالتها وسارت قليلا 

ليلحق بها خالد بلهفة وفزع من أن يكون اغضبها بالفعل 

_فداء.. استنى 

حاولت ميار اللحاق به 

_خالد 

ليهتف مهند مانعا اياها 

_سيبيه يا ميار 

_مش عايزاه يكون زعلان دا خالد اخويا يا مهند 

_مش زعلان... فداء هتهديه وهتعرفه غلطه 

_انت شايف كدا 

_اه سيبك منه اقولك اخوكي دا انسيه خالص وركزي معايا انا وبس 

_بس يا مهند 

_مبسش بقولك ركزي معايا انا وبس مفهوم

ضحكت ميار

_ حاضر 

_الله حاضر من بوءك طالعة زي العسل هو في كدا يا ناس 😍... دا انا البت شوق اختي داعيالي والله ياحلاوتك يا واد مهند لما الدنيا تضحكلك.

__

لحق بها واحاطها بذراعه

_فداء حبيبتي استنى بس انتي ليه قلبتي كدا مرة واحدة 

_يعني انت مش شايف عمايلك 

_ عملت ايه كل دا علشان بحب اختي الوحيدة وخايف عليها 

_حضرتك بقيت مشغول عني والمفروض أننا جينا هنا نقضى وقت جميل مع بعض

 ابتسم لها خالد بحب_خلاص يا ستى انا اسف حقك عليا أنا غلطان .. في دي معاكي حق ... انا هحط انتباهي مع حبيبي وبس... ابتسمي بقا 

_لا انا زعلانة منك 

_مقدرتش على زعلك دا انتي حياتي كلها 

_لو عايزني مزعلش سيبهم في حالهم يا خالد وياريت كمان ننزل في قرية تانية كمان بعيد عنهم تماما 

_ليه كل دا هنعاديهم ولا ايه 

_لا علشان نسيب ليهم مساحة يا خالد ارجوك

_بس كدا اللي تقول عليه سمو الملكة ملكة قلبي سمعا وطاعة بدون نقاش .. ها كدا هقدر اشوف بسمتك اللي بتنورلي حياتي!

ابتسمت له فداء بخجل 

ليقول 

_ حبيبتي ونبض قلبي يا فداء بحبك يا حياتي كلها.

__

وجدته يحاول الوصول لكوب الماء الموضوع جواره.. فركضت نحوه وناولته إياه

_ واه يا بوي يا غالي.. ليه مناديتش عليا علشان أجيبلك الماية

_ مش عايز اتعبك يا شوق.. انا حملي كله عليكي 

_ تعبك راحة يا بوي... ميهماكشي بنتك حمالة بإذن الله..

ادمعت أعين غريب الذي تبدل حاله وكأنما أصبح شخصا آخر غير الذي كان عليه 

_قسيت عليكي كتير يا شوق.. وشيلتك فوق طاقتك اللي ميتحملوش انسان ورغم كل دا مشفتش في قلبك ناحيتي الا كل حب.. واحدة تانية غيرك كانت زرعت في قلبها مني كل حقد وكره وانتقام لكن انتي لا .. على قد ما كنت بعمله فيكي قابلتيه كله وحولتيه بسماحتك وطيبة قلبك لحب يسع العالم كله... انا مش عارف هعوضك ازاي وانا عاجز كدا وحتى الفلوس كمان راحت 

_ميهماكشي انسى يا بوي علشان متتعبشي.. والعوض مش شرط يكون فلوس ابدا.. كفاية عليا اني أخيرا ظفرت بحبك يا بوي وديه عندي بالدنيا كلها... 

_يا حبيبتي يا بنتي.. قد ايه بتثبتيلي في كل مرة اني كنت غبي يوم ما فرطت فيكي... تعالي في حضني يا شوق 

_ايوة يا بوي خدني في حضنك ديه اني متوحشاه اوي 

__

وجدها تتهرب من مقابلته فأحس بانه ثمة شىء غريب يحدث 

_لا في حاجة مش مظبوطة.. بقالها اسبوع بتتهرب مني .. وكل لما اقولها اني جايلها او حتى نتقابل برا.. تتحجج وتقول انها اما مشغولة او مرهقة.. هو في ايه بالظبط 

لذا اتصل بها وقرر معرفة ماذا يجري وما ان ردت قال

_ وحشتيني 

ردت بتعب 

_وانت كمان 

_طب ايه مش هتحني عليا بقا 

_ازاي 

_عايز اشوفك وبلاش تتحججي وتقولي مشغولة علشان مش هتكوني مشغولة اكتر مني.. دايخ ما بين الشركة وشقتنا الجديدة

_ربنا يعينك يا حبيبي

_طب ايه اعدي عليكي ونخرج سوا 

_لا لا

_لا ايه 

_مرة تانية مش هينفع النهاردة 

_ليه 

_مشغولة شوية في الجهاز ما انت عارف 

_لا فضيلي النهاردة نفسك تماما 

_مش هينفع يا عساف

_توبا انا بدأت اقلق كدا انتي ايه مخبياه عني 

_مفيش يا عساف 

_لا فيه ...متحوريش عليا وادخلي في الموضوع علطول مش حاسك طبيعية من كم يوم 

_مفيش صدقني يا عساف 

_بقى كدا ماشي .. توبا خمس دقايق وهتلاقيني عندك في البيت يلا افتحيلي 

_لا ارجوك يا عساف بلاش 

انهى عساف الخط سريعا وانطلق بسيارته نحو بيتها 

وقفت هي في منتصف الغرفة تشعر بالحيرة ماذا عساها ان تفعل 

الى ان انهكها التعب وسقطت مغشيا عليها 

__

فتحت اعينها بعد برهة لتجد نفسها في غرفة ما بالمشفى والجميع ملتفون حولها 

ليقول بركات

_توبا كدا يا حبيبتي تقلقيني عليكي 

طالعت اعين الجميع باستغراب لا تدري ما الذي حدث 

_في ايه يا بركات وانا فين 

لتقول ايات بخوف عليها 

_توبا الف سلامة عليكي يا حبيبتي انا كنت هموت من الخضة عليكي

لتهتف أمها بغيظ

_ انتي اللي عملتيه في نفسك يا بنتي الحمد لله ان ربنا ستر ولحقناكي... لولا الله يصلح حاله جوزك عساف اللي جه وطلب يقابلك مكناش لحقناكي في الوقت المناسب وعملنالك اللازم.

ما ان تم ذكر اسمه 

حتى طافت باعينها بين الاوجه مرة أخرى لتبحث عنه 

لكنها لم تجده 

لتهتف شوق بعتاب ولوم 

_متدوريش عليه وتتبعي نفسيكي لانك مش هتلاقيه ... للأسف ضيعتيه منك بإيدك يا توبا.

اتسعت أعين توبا في زعر وهمت لتنهض لتبحث عنه بنفسها 

_ايه.. لااا .. عساااف

لتقول شوق 

_معلهش يا جماعة ممكن تسيبونا لوحدينا شوية 

فيغادر الجميع وتبقى شوق 

لتبكي توبا بلهفة وولع 

_ابلة شوق.. متخليش عساف يسيني بالله عليكي انا روحي فيه.. انا عملت كل دا علشانه.. علشان بحبه

هتفت شوق بحنق 

_علشان بتحبيه تموتي نفسك يا حزينة.. دانتي لولا ستر ربنا وعساف جه وسأل عليكي وامك دخلتلك تناديكي علشان تقابليه مكونتيش هتتلحقي يا مصيبة انتي ولا قدر الله كنتي رحتي فيها.

_ اعمل ايه ..كنت عايزة اخس علشان اليق بيه.. علشان ميحيسش بالحرج مني 

_ هل هو طلب منك اكده او حتي لمح لكده حتى 

_ مش هستنى لحد ما يلمح لدا مش هينفع انا لازم افهم دا لوحدي .. شوفي عساف ووسامته ورشاقته ازاي يتجوز واحدة زيي بحجمها دا .. ازاي يقعد في الكوشة ونتصور وصورنا كلها تكون في كل مكان .. مكانش هيسلم من كلام الناس من تنمرهم على صورنا.. مش هنتظر لما اشوف دا بيأذيه 

_بيأذيه ولا بيأذيكي انتي يا توبا 

_بيأذيه قبل ما يأذيني يا أبلة شوق 

_ومين قالك ان ديه هيحصل 

_انا متأكدة انه مش هيسلم من كلامهم الجارح

_توبا لازمن تكوني عارفة وفاهمة انه لو زعل من كلامهم هيزعل علشانك انتي مش علشان نفسه... لو عليه مش فارق معاه كلامهم ... والا مكانش اتجوزك ولا فكر في الارتباط بيكي من اصله.. الا انه مش هيسمح من اصله ان حد يقول في حقك كلمة وحشة.. ومع ذلك مش هنقدر نمنع الناس من انهم بتكلموا لانهم بيكلنوا في الفاضي والمليان 

_ يعني ايه يا ابلة شوق 

_يعني يا نضري انتي اتبطرتي على النعمة.. الواد كان راضي بيكي اكده وانتي مش مصدقه حالك .. حاولتي تخسي ايوة ديه شىء جميل وكلنا شجعناكي طالما داي رغبتك.. لكن توصل انك تموتي تنفسك بنفسك وتمنعى الاكل لأكتر من ٣ ايام لحد ما جسمك متحملشي قلة الزاد وكنتي هتفرفري ديه اللي محدش يسمح بيه واصل... انتي شوفتيهوش يا حبة عيني كان هيتجنن عليكي ازاي اول ما شافك واقعة ف الارض ووشك اصفر زي الليمونة وبعدها صدمته يا عيني باللي الدكتور قاله واللي امك اكدته انك مانعة الأكل علشان تخسي.. وربي الواد كأنك جبتي سيف حاد وشطرتيه نصين... ليه اكده يا توبا تعملي في نفسك وفيه اكده 

لتقول توبا ببكاء 

_لا بعيد الشر عنه ان شالله انا وهو لا... هو فين ارجوكي طمنيني عليه عايزة اشوفه

نظرت شوق للفراغ وقالت بجمود 

_بس هو مبقاش عايز يشوفك يا توبا اللي عملتيه هو مش قادر يتخطاه مش قادر يسامحك عليه 

بكت توبا 

_لا بالله عليكي متخليهوش يسيبني .. ارجوكي خليه يرجعلي وانا مش هعمل كدا تاني والله العظيم أبدا 

_اعمل ايه حاولت معاه علشان يجي يشوفك بس هو رافض تماما 

_يعني ايه هيفضل زعلان مني كدا كتير.. يعني ممكن يسيبني 

_الايام كفيلة انها تخليه يسامحك وانتي بقا اعملي اللي عليكي وخليه يسامحك مش هوصيكي بقا 

_اعمل ايه انا مش عارفة اعمل ايه علشان يصالحني ويسامحني ارجوكي ساعديني 

_كان ع عيني يا بطيختي انتي عارفة اني متأخرش عنك.. لكن المرة دي مهقدرش داي حاجة بيناتكم انتم التنين ومليش دخل بيها ... الف سلامة عليكي يا توبا.. لازم اعاود علشان ابوي هبقى اتصل بيكي اكلمك

قالتها شوق وانطلقت مغادرة 

لتبكي توبا تحسرا على حالها وما اقترفته في حق نفسها 

بعدها حاولت مرارا وتكرارا أن تتصل بعساف ولكن دون جدوى 

فطلبت مساعدة أخيها بركات

_بركات بالله عليك ساعدني خليه يسامحني.. خليه يرد عليا عايزة اكلمه واسمع صوته بالله عليك 

_اهدي بس متعيطيش حاضر هخليه يكلمك ويجيلك بنفسه 

_بجد والله يا بركات 

_ايوة يا حبيبتي بس متزعليش نفسك 

__

دلفت غرفته لتجده مددا ع فراشه شاردا 

فجلست جواره 

_عقابك شديد اوي عليها يا عساف البت بتحبك ومعملتش كل ديه الا علشانك انت مش علشانها هي علشان صورتك انت قدام الناس 

ليهتف بغضب

_مش هسامحها على تفريطها في حق نفسها بالشكل دا... مهما كان نفسها فوق الجميع .. ممنوع تأذي نفسها علشان ترضي اي حد حتى لو كنت انا جوزها.. دا شىء انا مسمحش بيه ابدا 

_غلطة يا خوي ومش هتتكرر اكيد هي فهمت غلطتها ووعته كويس كمان.. علشان خاطري سامحها وكفاية عقاب لحد اكده مش عايزين نفسية البنت تتعب اكتر ديه فرحكم مبقاش عليه غير كم يوم بس .. بالله عليك ما تكسر بنفسها يا عساف

__

في اليوم التالي 

ذهب بركات لعساف في شركته 

_عساف انا معاك ان توبا اختي غلطت. بس غلطتها كان نيته خير.. كانت حابة انك تشوفها ف ابهى واحسن صورة بس عملته بطريقة غلط مكانتش عارفة ان دا ممكن تأذيها .. ارجوك سامحها دي روحها فيك.. توبا وردة مفتحتش الا لما شافتك بلاش تخليها تقفل على نفسها تاني لو كنت فعلا بتحبها 

مرت الايام وأصبح اليوم اليوم المنتظر لزفاف كل من عساف وأمير

كادت توبا تتآكل وجعا فعساف لا حس ولا خبر ولا تدري أحقا سيتزوجها اليوم أم لا ... ليس لديها علم  

_يعني ايه يعني انا ضيعت بغبائى عساف مني للابد...عساف مش بيرد عليا ولا ع رسايلي وكل لما اسأل ماما او بركات او حتى شوق ميعرفوش حاجة عساف مصرحش بحاجة ليهم خالص... يعني ايه.. يعني انا اللي خربت على نفسي بنفسي.. لا مش مقول مقعولة خسرت عساف للأبد.. لا.. لا انا مش هتحمل دا أبدا .. انا هروحله ولو لزم الأمر هبوس ايديه كمان علشان يسامحني ويجعلي .. ايوة في امل انه ميسبنيش طالما لسه مطلقنيش لحد دلوقتي

ارتدت ملابسها وخرجت من غرفتها 

فشاهدها بركات 

_رايحة فين يا توبا 

_رايحة لعساف يا بركاته اطلب منه يسامحني 

_لا مفيش خروج 

_لا يا بركات ارجوك لازم انزل 

_تنزلي فين انتي لسه تعبانة 

_بقيت كويسة

_قلت مفيش نزول انتي بتفهمي 

قالت ببكاء

_بالله عليك يا بركات سيبني انزل مش هتحمل اني اخسر عساف .. عساف كل دنيتي وروحي كمان 

ليسمعا صوت حرس الباب 

فيفتح بركات ليجده عساف 

لتهتف توبا بفرحة 

_ عساف الحمد لله انك جيت كنت جايالك علشان تسامحني 

قال بهدوء قاتل 

_ كويس انك لابسة ومستعدة علشان ننزل ننهي اللي بدأناه 

صاعقة مميتة اصابها وقالت بصوت شاحب وكأنها تحتضر 

_ ايه!! 

ليبتسم هو وهو يقول

_ هننهي اللي بدأناه علشان نبدأ حياة جديدة ما بينا... النهاردة يوم فرحنا ولا نسيتي ولازم تستعدي لدا.. يلا شوق وايات والكل بانتظارك هناك في البيوتي سينتر

تلقائيا منها انطلقت لتلقي بنفسها بين ذراعيه متشبثة بعنقه 

_بحبك يا عساف متسبنيش.

__

تم اقامة حفل الزفاف فكان حفلا جميلا بكل ما تحمله الكلمة من معنى.. حفلا لم تختفي فيه البسمة عن الوجوه ولو لثانية واحدة

وقفت الاخوة الثلاثة بزوجاتهم ومعهم شوق ليلتقطوا صورة جماعية معا

لتهتف شوق بعدها 

_اخيرا يا واد يا أمير هتتجوز... افرح يا واد

ليهتف مهند مشاغبا 

_يا عيني دا شفته دلدلت من كتر الزن.. اخيرا هتتجوزي يا بيضة 

ليهتف أمير بغيظ 

_ولا ملكش دعوة بيا الليلة دي فاهم 

_هو ايه اللي ملكش دعوة دا انا هشهيصك النهاردة اصبر بس 

قالها وانطلق مهند نحو المسرح وأشار لأصدقاءه ليحملوا كل من عساف وأمير.. ويشعلون الحفل من جديد بعد ان كادوا يستعدون لانهاءه 

ليهتف أمير بغيظ 

_ بقا كدا يا مهند 

_ايه يا ابني مش بفرح باخويا 

_خلاص فرحنا كلنا نروح شقتنا بقا

_لاااا دا السهرة هنا صباحي تروح ايه 

_يا زفت كفاية بقا انا تعبت 

_لا يمكن دا احنا فرحنا فرحين النهاردة

_صدق انت ثقيل 

_عارف .. عارف 

بعدها غمز مهند لشوق 

ليهتف أمير بغضب لشوق

_انتي اللي طلبتي منه يعمل كدا 

ردت شوق التي كانت تضحك على هيئة امير المتبرمة

_لاه وربنا .. بعدين ما انت عارف اخوك دماغه لاسعة 

زفر أمير بحنق وقال لعساف 

_عاجبك اللي بيحصل دا.. مهند مش ناوية يخلينا نروح

ضحك عساف 

_اهدى وروق كدا مهند طالما شايفك متضايق هيزود اللي بيعمله ومش بعيد يفضل كدا لتاني يوم الصبح فعلا

_والحل ايه ف المصيبة دي 

_افرح وعيش اللحظة وهو بنفسه هينهي الفرح وابقى شوف

لتدمع أعين غريب وهو ينظر لتلك البسمة على أوجه أبناءه معا ويقول لشاكر 

_ياااه قد ايه الاحساس دا احسن احساس ف الدنيا.. دلوقتي بس انا ممكن اموت وانا مطمن انهم اخوات بيحبوا بعض وهيكونوا سند ودعامة لبعض ... وان شاء الله شوق كمان تتجوز وتلاقي اللي يسعدها هي كمان... وصيتك شوق يا شاكر انا حاسس اني هموت قبل ما افرح بيها.

__

##

عودة 

تنهدت باشتياق وهي تتحس ذاك الشال بيدها وهي تقول

_كان قلبك حاسس يا بوي ان خلاص هتفارقنا وتمشي.. ربنا يرحمك ويغفرلك يا حبيبي.. كان نفسي تفضل جاري اكتر من اكده.. بس داي ارادة ربنا اللهم لا اعتراض.. ربنا يرحمه يارب.

التفتت بعدها شوق ع صوت خبطات على باب غرفتها 

_ادخل يا يوسف تعالى 

دلف يوسف بمرح 

_انا جييت 

ليجد الرد على هيئة فردة من شبشب شوق يستقبله وجهه 

ليصيح يوسف بوجع 

_اااه ليه بس كدا يا شوق 

امسكته من اذنه وهي تقول بانزعاج 

_كنت فين يا واد كل ديه... يا دي الغلب بقا هي دي وصية ابوك ليا قبل ما يسافر.. وفي الاخر راجعلي بعد المدرسة بساعتين... ديه انت ف ٣ ثانوي وانت عمال تضيعلي في الوقت اكده ... بقى ديه اللي اني علمتهولك يا يوسف 

_ااه ودني يا شوق.. سيبيني بس اسمعيني 

_مش سايباه الا لما أعلمك الادب يا واد انت من أول وجديد .. انطلق قول كنت بتتسرمح فين ولا تحب اتصل بعساف يجي يشوف شغله معاه

_ياشوق اسمعيني بس انتي ظالماني والله 

ابعدت يدها عنه وقالت

_طب قول ياخوي لما نشوف الحجة المرة داي ايه... المرة اللي فاتت كنت بتوصل نغم لدارها مش اكده المرة داي إيه... دكتور رائد اتأخر عليها بردك ولا يكونش عينك البادي جارد بتاعها يا ولا 

ليهتف يوسف بضيق

_لا للأسف مشوفتش نغم النهاردة تقريبا روحوا بدري عننا مقدرتش اشوفها 

ضربته شوق على رأسه 

_انت بتقول ايه يا ولا 

_ايه يا شوق احنا هنضحك ع بعض ما انا قايلك اني بحبها وعايز اتجوزها من زمان 

_وانت نسيت انا قلتلك ايه 

_اه قوليلي ابعد عنها وانساها خالص لحد ما اخلص دراستي واشتغل واعتمد ع نفسي 

ضربته مرة اخرى 

_ولما انت عارف كدا.. لسه بتفكر فيها ليه يا متخلف 

_والله بحاول أخرجها من دماغي.. بس لازم تعرفي يا شوق ان نيتي سليمة..

_وعلشان نيتك سليمة يا يوسف بلاش تدخل الشيطان بيناتكم يا ابني... بلاش تخلي نغم تشغل كل تفكيرك... انساها وشيلها من دماغك لحين ما يجي وقته علشان متتعبش وتضيع مستقبلك بإيدك كمان .. نغم لا يمكن دكتور رائد يوافق يجوزها وهي لسه في ثانوي خد بالك 

_ماهو دا اللي مصبرني والا كنت من تاني يوم اخدت بابا وطلبتها 

_طيب ما انت عارف كدا نتلم بقا ونغض بصرنا ونحفظ قلبنا علشان ربنا ينولنا اللي بنتمناه ونطلبه في صلاتنا ودعائنا 

_لعمل كدا والله يا شوق 

_طب كنت فين يا يوسف ومن غير كدب انا مش متعودة منك على كدا 

_كنت عند ماما والله 

_لاه مش معقول اخيرا يا يوسف سمعت كلامي 

_ايوة يا شوق روحتلها زي ما انتي بقالك فترة كبيرة بتتحايلي عليا اروحلها وانا اللي مكنتش موافق.. روحلتها وقولتها اني مسامحها على اللي عملته فيا وعن تخليها عني طول السنين دي كلها 

_وهي كان رد فعلها ايه يا ولا

_استغربته اوي يا شوق.. انا كنت رايح ومش مهتم وعارف ومتأكد انها مش هتكون مهتمة بيا وخاصة بعد ما شوفت اولادها التانين .. بس كانت المفآجئة يا شوق انها لما سمعت كلامي عيطت واتأثرت واخدتني في حضنها وطلبت مني مزعلش منها وانها هتحاول تعوضني عن سنين بعدها عني.. تصوري طلبت مني اعيش معاها 

_ها وقلت لها ايه 

_طبعا موافقتش ... قولتها اني عايش ومرتاح مع احلى واحن قلب في الدنيا 

_وامك يا يوسف؟!! 

_وعدتها اني هزورها علطول علشان اطمن عليها من وقت للتاني 

_طب ليه يا يوسف مترجعش تعيش مع امك اللي اتحرمت منها طول عمرك؟؟؟

 _ استحالة اوافق يا شوق انا مش هنسى تخليها عندي طول العمر دا.. ولا مرة سألت فيا ولا فكرت تشوفني.. صحيح سامحتها وهزورها دايما لكن مش هكون ملهوف اوي لدرجة اني اروح أعيش معاها لمجرد عزومة مراكبية عرضتها عليا علشان ترضى ضميرها 

_متظلمهاش يا يوسف محدش عارف ظروفها كانت ايه 

_قبل ماخد القرار بإني اروحلها حطيت لنفسي لتصرفها معايا مليون عذر علشان كدا روحلتها.. لكن مش هقدر اعيش معاها يا شوق.. انا معشتش مع بابا علشان اعيش مع ماما... انا مرتاح معاكي هنا ولا انتي زهقتي مني وعايزة توزعيني 

دفعته شوق في ذراعه

_ايوة يا ولا زهقت منك قوم غور.. غور من وشي وعلى مذاكرتك يلا.. هي فين البلغة قال زهقتي مني قال 

انطلق يوسف مغادرا وهو يضحك بينما يهرب منها عندما رآها تمسك فردة الشبشب الآخر 

_خلااص انا اسف.. يا باي على اللي يهرج معاكي 

_تهرج معايا بتاع ايه يا ولا تعاللالي هنا 

توقف يوسف محله وقال

_اه من حق بابا اتصل بيا وانا ف الطريق .

_طب حلو يا ولا.. كان عايز ايه.. هو راجع ولا ايه 

_لا راجع ايه دا لسه مسافر مبقالوش يومين 

_طب متصل عايز ايه 

_بيطمن عليا وبيوصيني على المذاكرة

_طب حلو يا واد يا يوسف ربنا يهديه

_ووعدني اني لو جبت مجموع كويس ف ثانوي هيجيبلي العربية اللي نفسي فيها 

_الف بركة يا ولا اتجدعن بقا علشان تفوز بالعربية واكون اول واحدة تأخدها في جولة

_لا انا هاخد نغم 

رمقته شوق بانزعاج

_واد يا يوسف مشوفتش عصاية كانت ماشية اهنه قبل شوية .. يا عساف يا عساف وربنا هو اللي هيعرف يشوف شغله معاك

ركض يوسف وكمكم فم شوق 

_بهزر معاكي اقسم بالله بهزر.. وطي صوتك عساف كان جاي ورايا شايفه وانا طالع بيركن عربيته 

ليدلف عساف وهو يقول 

_سمعتك يا شوق بتنادي عليا.. الواد دا ضايقك في حاجة

ليهتف يوسف بخوف 

_انا لالا ابدا مش كدا يا شوق 

ضحكت شوق وهمست له 

_جالك اللي يربيك.. وانت عارف عساف مبيسمحش لحد يزعلني واصل 

_وربنا بهرج نغم ايه انا مش هنطق اسمها على لساني تاني.. خلاص بقا عساف ايده تقيلة 

عساف بمكر 

_في حاجة يا يوسف 

ازدرد يوسف ريقه

_لا لا مفيش انا رايح اذاكر عن اذنكم 

لتهتف شوق ضاحكة 

_عالم تخاف متختشيش .. استنى اصبر لما تاكلك لقمة الأول

ليضحك عساف ويعانق اخته

_ازيك يا شوق وحشتيني 

_وانت أكتر يا قلب اختك .. اومال فين حبيبة عمتها الطعمة وانها البطيخاية الجميلة 

اتت الصغيرة وقالت

_ ابلة شوق... ابلة شوق 

_يالهوي ع الطعامة ياناس 

شايف يا يوسف طعامة عسل بنت عساف 

خدى يا بت اهنه انتي طالعة سفيفة اكده لمين اشحال امك كانت بطيخاية جميلة وابوكي كمان 

لتأتي توبا التي فقدت الكثير من الوزن في السنوات الماضية

وقالت ضاحكة

_بقا لسه بتقولي عليا بطيخة بردو يا شوق بعد كل دا .. دا فرق السما عن الارض 

_لااه هفضل طول عمري شايفاكي بطيخاية جميلة 

 ابتسمت توبا _خلاص اللي تشوفيه يا أبلة كل حاجة منك زي العسل 

_وربنا ما عسل الا البت عسل بنتكم اللي تتآكل أكل داي يالهوي ع الطعامة .

ليأتي ذاك الطفل الصغير اياد وهو يقول متبرما 

_طنط شوق من فضلك انا بس اللي اقول على عسل طعمة 

رفعت شوق حاجبها ونظرت لفداء وخالد الذين قدموا لتوهم 

_ماشاء الله ونعم التربية جيل ايه ديه يا ولاد... كل واحد لسه مطلعشي من البيضة وبيحجزوا البنات من دلوك... يا غلبك يا شوق.. شكلك فعلا هتربي من اول وجديد.. هنعيده تاني يا ختااي ... 

ضحك الجميع ليقول مهند 

_هو انتي حد يقدر يستغنى عنك يا شوق 

ليقول عساف 

_لا بقا احنا عايزين نستغنى عنها قريب 

رد امير

_وانا موافق على كدا.. شوق احنا خلاص قررنا نستغنى عن خدماتك 

زهلت شوق مما تسمع فطالعتهم ياستغراب

ليقول خالد بحنق 

_خلاص يوسف كبر وبقا راجل يعتمد على نفسه.. خلاص حطيتيه على اول الطريق الصحيح... اخواتك وخلاص اتجوزوا وخلفوا واطمنتى على اولادهم كمان.. فاضل ايه تاني يمنعك من انك توافقي على الجواز... دكتور رائد طلبك للجواز أكتر من مرة 

لتهتف شوق بهدوء

_علشان اكون صريحة معاكم واني متعودتش على اللف والدوران... كنت ممكن افكر فعلا في الموضوع ديه دلوك بس مش هقدر افكر فيه ولا احطه في دماغي حتى واني متأكد ان طلب دكتور رائد ديه بناء على طلب خالته مرات دكتور حسام معلمي الله يرحمه 

ليأتي رائد محمهما بعدما ألقى السلام 

_جايز كلامك صحيح.. طلبي كان ف الاول بناء ع رغبة والحاح خالتي... ويمكن لاني كنت زيك مش بفكر ف الموضوع لان بناتي كانوا صغيرين ومحتاج اكرس وقتي كله ليهم حب واهتمام ورعاية علشان محسش اني ظلمتهم او قصرت ف حقهم .. لكن دلوقتي بناتي كبرت وكبر كمان معاهم حبهم وتعلقهم بيكي لدرجة انهم هما اللي بقوا يلحوا عليا اني اطلبك للجواز.. لحد الموضوع دا فعلا ما كبر في دماغي وشغل تفكيري واديني اهو بطلبك بكامل رغبتي مش بناء على الحاح حد.. واتمنى تقبلي طلبي وتوافقي بيا يا شوق.

ليصيح الجميع بفرحة عارمة

_يس يس 

_ايوا بقا 

_هو دا الكلام 

_وافقي يا شوق .. وافقي يا شوق 

لتصاب شوق بالحرج فلكم تمنت حقا ان تتزوج وتصبح زوجة وتحصل على الحب التي دائما ما كانت تتمناه لاخوتها ان يعيشوا فيه.. لكن المسؤلية التي كانت تقع ع عاتقها كانت أكبر من حلمها هي فرفضت كل عريس كان يطرق بابها الى ان جاءها نصيبها أخيرا ولو بعد حين

لتقترب كل من نور ونغم وتمسكا بيد شوق

_وافقي علشان خاطرنا يا طنط شوق بليز.. احنا عايزين نناديكي ماما شوق زي يزن ولوجي وعسل واياد 

_يا حبايبي تقدروا تنادوني عادي أكده براحتكم اني والله بحبكم زييهم بالظبط 

_لا احنا عايزنك تكوني امنا بجد وتيجي تعيشي معانا ومع بابا 

ليهتف مهند قائلا بجدية

_ولو اني كان استحالة افرط في اختى شوق.. وعلشان كدا شوق ساكنة معايا هنا في فيليتي هيا ويوسف كمان ومش موافق تروح مكان تاني غير دا .. الا اني هكون سعيد لو وافقتي يا شوق تتجوزي دكتور رائد وتعيشي حياتك معاه ... شوق انتي من حقك تحبي وتتحبي... من حقك تاخدي كفاية بقا عطاء لحد كدا 

_اخدت .. اخدت كتير يا خوي كفاية حبكم ليا ديه عندي بالدنيا كلها واني راضية بحالي أكده 

ليعبس وجه رائد وهو يقول 

_افهم من كدا انك مش موافقة على طلبي .. انا عارف اني مستلهلكيش وانك تستاهلي حد افضل مني مليون مرة بس مش هنكر اني فعلا حبيتك يا شوق 

تحرجت شوق اكثر وقالت 

_يا وقعة مربربة وبتقولها قدام البنات واخواتي اكده من غير خشا

_الحب مش عيب ولا حرام.. علشان يستخبى.. بل لازم نعبر بيه وبالطريقة الصح ... وبقولها قدام بناتي اني بحبك ياشوق وعايز اتجوزك 

لتهتف الفتيات اكتر

_وافقي بقا يا ماما شوق

ليهمس لها يوسف غامزا

_وافقي بقا يا شوق ورجلي ع رجلك ها .

ليهتف رائد بتبرم عندما وجدها صامتة

_ ها وافقي بقا منظري بقا وحش اوي قدام البنات عايزة تكسفيني ولا ايه

ليأتي ذاك الكهل شاكر ويقول 

_وافقي يا شوق وحققي رغبة ابوكي.. كان بيتمنى يشوفك عروسة 

اغرورقت أعين شوق بالدمعات عندما تذكرت رغبة والدها ذاك

وبعدها تنهدت بقلة حيلة وقالت بابتسامة بسيطة 

_طيب ممكن تدوني مهلة افكر وارد عليكم 

ليهتف كل من اخوتها الثلاث 

_لااا انتي لسه هتفكري.. احنا عايزين نخلص منك النهاردة قبل بكرة 

لترمقهم شوق بغيظ 

_بقا اكده طب اني قاعدة على قلوبهم اهاه وادي قاعدة.

بعد عدة ايام تم عقد قرآن شوق ورائد 

لتجد كل من اخوتها يبكون فرحا لرؤيتهم أخيرا اختهم تتزوج بمن ستقضي معه بقية حياتها بهناء 

فتقول 

_بتعيط ليه يا حزين منك ليه .. مش ديه طلبكم .. مش عايزين تخلصوا مني 

عانقها الإخوة الثلاثة بحب شديد 

_نخلص منك على عش الزوجية غير كدا لا 

_لاه اني مستعدة أتراجع عن قراري وافضل معاكم... رائد اتراجع حالا ونادي المأذون اللي مشي ديه 

ليقترب منها رائد ويمسك بيدها بحب 

_اتراجع ايه دا انا ما صدقت اتجوزك.. اخيرا صبرت ونولت احلى جوهرة في الدنيا دي كلها

_همل يدي يخرب بيتك شيطانك ممكسوفش من خواتي الولاد ولا من البنات

 ضحك رائد ثم قبل رأسها وقال بقبلة احترام وتقدير 

_ربنا يخليكي في حياتي نعمة يا شوق 

_وبعد عدة أشهر __

قفزت نغم بسعادة

_أخيرا هيجيلنا بيبي صغير... يارب تطلع بنت يارب تطلع بنت

لتهتف نور 

_اه بنت علشان اضفرلها شعرها واحطلها توك كتير 

نغم 

_وانا هحطلها مانيكير وميكاب 

لتهتف شوق بحنق 

_لاه ما تخلوها غازية احسن يا بت منك ليها..قال ميكاب قال

ضحكت الفتيات

 لتهتف شوق مدعية الغضب

_قومي يا بت منك ليها ذاكرم يلا بلاش لكاعة .. هي فين البلغة 

لتقول البنات برجاء

_لا علشان خاطرنا خلينا قاعدين معاكي كمان قعدتك ميتشبعش منها 

_لااه الكلام ديه في الأجازة يلا ع اوضكم يلا ع المذاكرة 

ليأتي رائد ويحيط شوق بذراعه بحب

_اسمعوا كلام ماما يا بنات يلا كل واحدة على اوضتها يلا

_حاضر يا بابا 

لتهتف شوق بتبرم 

_اهيه دلوك حاضر يا بابا واني اللي بتحايل عليكم بقالي ساعة .. هي فين البلغة اكيد مخبينها مني اني عارفة 

ضحكت البنتان وهما تركضان لغرفهما بسعادة 

ليقول رائد 

_متعرفيش ان حياتي بقا ليها طعم ازاي مختلف بوجودك فيها يا شوق بحبك يا ام بُقلظ يا حبي كله

ضحكت شوق

_ لاه عندك اني هسميه عتريس ولو جيه بت هسميها عتريسه علشان تتعقد من اسمها سنين قدام 

انخرط رائد في الضحك

_ربنا يقومك بالسلامه يا حبيبتي

_كنك فرحان بالطفل دوني يا رائد 

_الا فرحان.. فرحان دي كلمة قليلة .. انا حاسس وكأنه مولودي لأول مرة لسه.. دا كفاية انه منك يا حبيبتي

_ربنا يخليك ليا يا حبيبي ويقدرني اني اسعدك كمان وكماني

_ويقدرني انا كمان اني اكون الزوج الصالح ليكي 

_قد كنت يا رائد انت فعلا ونعم الزوج الصالح اللي ياما حلمت بيه واهو الحمد لله ربنا نولهولي رغم كبر سني وانعدام فرصتي سواء في الجواز او الخلفة.. لكن ربنا كبير وعطاياه دايما ملهاش مثيل ولا حدود وصدق الله العظيم حين قال في كتابه 

"ولسوف يعطيك ربك فترضى"

وتمت 

#شوق 

بقلمي أسماء عبد الهادي

اتمنى ان يكون ما خطه قلمي قد نال اعجابكم واعذروني عما بدر مني من سهو او هفوات

احبكم في الله