الصعيدي والدلوعة

 الصعيدي والدلوعة
بقلم الكاتبة أسماء عبد الهادي 

اسكريبت الصعيدي والدلوعة 

أسماء عبد الهادى ام عائشه:
الصعيدي والدلوعة

_ايوه يا ابوي اني خلاص وصلت للعنوان ..ايوه ايوه هي الشركه اللي صاحبي رشحني ليها هاطلع اقابل المدير واشوف ايه الاخبار.

_ ربنا معاك يا ولدي وييسر لك طريقك انا متاكد انهم هيقبلوك مش هيلاقوا احسن مني مهندس قد الدنيا وملو هدومك كمان لا والاول على الدفعه في السنين كلها

_ تسلم يا ابوي ربنا يخليك ويعلي قدرك يلا فتك بعافيه تعوز مني حاجه يا ابويا
_ عايزك سالم وغانم يا حبيبي ابقى طمني عليك لما تخلص علشان امك حتفضل قاعده على نار
_قول لها سليم مش صغير يا ماي
ولدك راجل من صلب راجل ومولود طول عمره راجل ما عايزشي حد يخاف عليه حتى لو كانت امي دي عيبه في حق يا ابوي

ضحك ابوه وقال
_معلش انت عارف امك عاد وقلبها اللحنين هنعمل ايه عديها يا سليم يا ولدي
_ ربنا يبارك لي فيها  وف حنيه قلبها وما يحرمني من دعواتها واصل
_ماشي يا ولدي يلا اطلع علشان ما تتاخرش على مصلحتك

_ ماشي يا ابوي السلام عليكم في امان الله

خلص سليم المكالمه من هنا وتفاجئ بعربيه كانت بتسوق بسرعه جنونيه وجايه ناحيته
_ واه يا ابوي يا ستير سلم يا رب دي ايه هي اللي جايه ناحيه دي كانها صاروخ طائر في الارض يا حفيظ احفظنا يا رب، وربنا معتوه صاحب العربيه دي اني لولا اني انتبهت لها وبعدت شويه كنت اتدغدغت تحت العجلات او اتفرمت فرم منك لله يا بعيد شارب ايه ده على الصبح.


ولما شاف سليم بنت بتنزل من العربية قال

_ واه يا باي انتي طلعتي حرمه ينيلك يا بعيده يعني مش كفايه حورمة  راكبه عربيه لا سايقة زي طور لاهي فيبرسيمه ومعيهمهاش حد ديه غلب ايه داه ياربي

ميرا كانت ماشية ومش مهتمية بيه فوقفها وقال
_استنى عندك يا حرمه انتي

_ وات انت بتكلمني انا
_انتي لسه هتوتوتي.. ايوة انتي شايفة أي حرمة اهنه غيرك

_ايه حرمة دي وايه الألفاظ البلدي دي وانت ازاي تكلمني كدا

_واه امال عايزاني اكلمك ازاي ده ايه الغلب ده يا ناس ..اسمعي يا بنت الناس  انتي كنتي هتدغدغيني دلوك كنت هاموت فيطيس  بسببك

_انت كويس زي القرد قدامي اهو ومجرالكش حاجة هتكبر المواضيع ليه


_لا كنت استنى لما حضرتك تفرميني وبعدين ابقى اشتكي مش اكده

_ انت بتعمل مشكله من لا شيء ليه.. ابعد بقى من طريقي عشان انت معطلني
_ايه الحرمه اللي نافشة ريشها دي هي فاكره نفسها ايه انثى الطاووس مثلا اسمعي يا بنت الناس بعد اكده خذي بالك وانتي سايقه دي ارواح ناس مش لعب في ايديك ارواح ناس عتفهمي

ميرا سابته ومشيت
وهو وقف متغاظ
_اه يا بوي على العنطزة اللي هيا فيها يا مين يلايمني عل دماغها أجيبها نصين بنات عايزة رباية بصحيح.

اُسره أنا طالع ألحق معادي

دخل سليم الشركة وركب الأسانسير
__
ميرا وصلت عند مكتب باباها المدير
_هاي دادي هاو ار يو
_ميرو حبيبه بابا عامله ايه
_  فاين دادي انا كويسه
_قولي لي عملتي حوادث ايه النهارده ضحكت وقالت

_ ايه ده هو حضرتك عرفت منين

_ لا من ناحيه عرفت مين ده فانا متعود منك على كده لازم كل يوم مصيبه شكل

_ يوه يادادي بقى على فكره هما اللي بيقفوا في طريقي

_يا بنتي انا قلت لك مليون مره بلاش تهور وسوقي بالراحه وعلى مهلك انا خايف عليكي

_ اتس اوكي ده دي دونت وري

_ ربنا يسترها هتشتغلي معنا النهارده ولا ايه

_نو دادي
_طب ايه بقى
_ اكيد طبعا عايزه فلوس
_ لا بتهزري ميرا انا لسه محول لك فلوس امبارح
_ دادي
دي خلصت اول ما رحت عملت شوبنج

_كده كثير قوي يا ميرا مش معقول يا بنتي ده

_ دادي حضرتك مستخسر فيا فلوس قل لي انك مستخسر فيها فلوس

_لا يا ميرا انا اديكي عنيا يا بنتي
بس انا الفترة دي مدخل معظم فلوسي ف مشروع مهم ومعاييش سيولة كافية فياريت تقدري ده
_نو واي دادي انا عايزة فلوس
_اوك يا ستى اتفضلي
_يس ثانك يو سو ماتش ... يلا باي
باي
في الوقت ده الباب خبط وسليم دخل
وهو داخل خبط في ميرا
اللي زعقت
_ يو ار سو استوبد ..مش تفتح
_لا مؤاخذة يا أبلة انتي اللي ماشية وسرحانة مش أني .. أني كنت منتبه على الآخر لكن انتي ملبوخة في الفلوس اللي في يدك

_استوب انت لسه هتحكيلي قصة حياتك ايه القرف ده
_ما تتعدلي في الكلام يا حرمه انا ساكت لك من الصبح وربنا المعبود علشان انتي حرمه بس كنت وريتك شغلك
_ بيقول ايه المجنون ده

_ باقولك حطي لسانك جو خشمك  وروحي لحال سبيلك عاد.

_دادي بص متخلف ده بيكلمني ازاي وبيقول لي ايه

_ برده هتطولي لسانك اللي عايز قطعه ديه
لاحظي اني عاصر على نفسي طن ليمون وساكت.. مش علشان ابوكي المدير لاه... علشان انتي حرمة وانا معمدش يدي على حرمة... فى الاول كنتي هتفرميني بعربيتك وولا اتهزلك رمش ودلوك تمشي زي الاعمى وتخبطي في الناس ومش بس إكده لا وتطولي لسانك كمان .. هو فيه اكده يا ناس

_دادي اطرد البتاع ده من هنا
_لاه متخافيش أنى معايزشي أشتغل في مكان فيه واحدة معتوهة زييكي وان كان ابوكي راضي بيكي اكده وفرحان يبقة أني مرضاشي أشتغل اهنه

_يس يكون أحسن بلاش قرف

_بردو يا مصبر الوحش على الچحش يارب

ميرا سابته ومشيت
وسليم كمان لف وشه علشان يمشي قرر انه مش هيشتغل هنا وهيدور على شركة تانية

محسن ابو ميرا قال
_استنى يا باشمهندس انت باشا باشمهندس سليم المنياوي مش كده
_ايوه يا بيه انا سليم المنياوي لكن انا اسف اني غيرت رايي خلاص مش عايز اشتغل اهنه اني متاسف على الازعاج

_لا لا استنى بس تعال اقعد

_ معلش يا بيه وقت ثاني

_اقعد بس ما تبقاش حمقي كده

_حمقي ايه يا بيه انا ما باحبش الحال المايل... الا جولي لي انت مبسوط بحال بنتك اكده
_اخبي عليك يا باشمهندس لو قلت لك لا احوال ميرا فعلا مش عاجباني انا مبقتش عارف اسيطر عليها بقت تعمل اللي هي عايزاه وما بقاش يهمها اي حد ولا اي حاجه

_ما هو لا مؤاخذه يعني  المشكله فيك انت مش فيها لو كنت لتتها على بوزها من الاول ما كانش ده بقى حالها

_ لاانت تتفضل تعال اقعد ونتكلم

_هنتكلم في ايه عاد انا ما هاقدرش اشتغل في الشركه دي وبنتك دي فيها لانه هتلاقيني اعمل كل يوم والثاني مشكله معاها انا زي ما قلت لك ما احبش الحال ابدا
_ما هو عشان كده انا عايزك تشتغل فعلا معايا هنا

_يا محسن بيه انت سمعت انا قلت لك _ سمعت وعارف كويس انا باقول ايه الاول خلينا نتكلم في تفاصيل الشغل واشوف السي في بتاعك ونخلص العقود وبعد كده هاقول لك انا عايزك في ايه

_ يعني حضرتك مصمم انك تشغلني اهنه
سيبني اروح اشق طريقي في مكان ثاني وان ما كانش ارض ابوي واسعه اشوف حالي فيها

_ لا لا انت مش هتمشي من هنا انت هتفضل معانا في الشركه.... انت خلاص اعتبر نفسك اتعينت

_ وهو كذلك طالما انت مصمم لعله خير

بعد ما كتبوا العقود وكل حاجة
محسن قال
_انت كدا بقيت مهندس معانا في الشركة خلاص بس
_ايه يا محسن بيه
_في شغل إضافي ليك وهيكون بضعف المبلغ او ٣ أضعافه كمان بس ارجوك وافق
_شغل ايه دوني يا محسن بيه
_انت الوحيد اللي هتقدر تعدل الحال المايل لميرا بنتي

_بسيطة يا محسن بيه ،أني هقول دلوك أرنها علقة معتبرة وارجعلك

_لا لا طبعا تمد ايدك عليها ده ايه دي بنتي بخاف عليها من الهوا الطاير

_طب ايه اعملها ايه داي

_عايزة تكون واقفلها زي ضلها لو شفتها بتتهور وبتعمل مصيبة زي كل مرة تلحقها

_ايوة فهمتك عايزني بودي جارد لبنتك مش اكده
_حاجة زي كدا يا سليم، بس ده طبعا براحتك انا مش بجبرك على حاجة
_اني اسف يا محسن بيه مهجدرش على اكده

_ليه بس يا سليم انت الوحيد اللي تقدر تقف لميرا

_أني چيت البلد اهنه مهندس، غير اكده لا، هقول لبوي إيه وأهل ناسي، لما يلاقولي طرطور لحرمة

_لا لا مش زي ما انت بتقول أبدا، انت اكيد ليك وضعك ومركزك محدش يقدر يتكلم بس اعتبر دي مساعدة انسانية من راجل كبير  خايف على بنته يا سليم، انت معندكش اخوات بنات ولا ايه وعارف يعني ايه تخاف عليهم

_عندي يا محسن بيه
_طب بالله اعتبرها زي أختك وانت بتعمل عمل انساني
فكر شوية
_ماشي يا محسن بيه بس مترجعش تندم على اللي هعمله
_اعمل اللي تعمله بس ضرب لا بالله عليك

_ماشي

ورجع قال ف نفسه
_والله الا اذا اضطرتني الظروف وبنتك عصلجت امعاي

_المهم احكيلي عن المصيبة دي، قصدي بتك بتروح فين علشان أكون عارف

قاله محسن كل مكان بنته بتحب تروحه
_ماشي يا محسن بيه تحب اباشر عملي ديه امتا
_من دلوقتي لو حبيت
_وشغلي الأساسي..
_لا ده هتأخد مرتبك عادي بس ركز انت ف شغلك ده بالله عليك .

_ماشي.

__
سليم راح النادي اللي ميرا فيه
وهناك شافها قاعدة مع الشلة شباب وبنات بيهزروا مع بعض
فعيونه لمعت بغضب
_انتي يا انسة تعالي اكده عايزك

_اوف انت تاني، عايز ايه يا بتاع انت
_بردك بتاع انت ماشي يا مريندا هعديهالك علشان اني مش عايز ازعلك

_ايه ميرندا دي اسمي ميرا

_ميرا من مريندا تفاح مش هتفرق، المهم اتحركي تعالي عايزك
_نعم انت هتصاحبني ايه اتحركي عايزك دي
_ياختي هو انتي تطولي بلاش عبط

_وات
_هتوطوطي تاني

_يو ار استوبد
_لمي لسانك بدل ما أزعلك وسط اصحابك المايعين دول

واحد من الشلة
_ ميرا مين دا ماي هاني

_ماي هاني بتاعك ديه عسل اسود

_انت بتقول ايه
_بقولك غور يا أخينا انت كمان من وشي هي كانت ناقصاك

ميرا قالت
_نو زادت سو  اوفر، أنا هطلب الأمن يرموه برا.

_طب فكري تعمليها اكده
_يوووه انت عايز ايه مني
_قولتلك عايزك في كلمتين
_ها اتفضل اتكلم سامعاك يلا خلينا نخلص
_وربنا لو متكلمتيش بأسلوب اكويس امعاي ما تلومي الا نفسك

_اوف بقا عايز تقول ايه
_لا مش قصاد الصيع دول
_وات
_اللي سمعتيه امشي قدامي خليني اقول الكلمتين واخلص

_اوك لما اشوف أخرتها معاك ايه

_اخرتها تأديبك ان شاء الله

وقفوا ف مكان لوحدهم
سليم قال
_شوفي يا ميرندا
_اوف اسمي ميرا
_ماشي شوفي يا ميرا .. أني دلوقتي ابوكي محسن بيه عيني البودي جارد بتاعك
_وات!
_ يعني الحارس الشخصي ليكي شكلك ضعيفة ف الانجلزي وضعيفة في الفهم وهتتعبيني معاكي

_وات دو يو ساي؟؟
_بقول أني بقيت الحارس الشخصي ليكي فهمتي ولا اقول كمان يا ام مخ تاخين
_انا مش محتاجه بادي جارد معايا انا اعرف احمي نفسي كويس ، اتفضل شوفلك شغلة ف مكان تاني

_انتي خلاص بقيتي شغلتي، وبعدين انتي مفكيش نفخة أصلا بلا مش محتاجة بادى جارد

_يس مش محتاجة واقدر أدافع عن نفسي كويس
_يا شيخة قولي كلام غير ديه
_بطل بقا كلامك الستيوبد ده

شمر سليم كمه وعمل انه هيضربها
_لاه مبدهاش بقا أني مش هسكت على طولة الليسان دي
ميرا خافت وبدأت تخبي وشها
_عاااا

ضحك سليم ورجع ايده مكانها
_جبانة ومفيهاش نفخة ونافشة ريشك مش عارف على ايه... انتي اكده قدرتي اتدافعي عن نفسك يا امصيبة انتي

_يس أقدر ادافع عن نفسي كويس، بس قدام تور هايج زيك نو.

_لا انتي بجد محتاجة قطم رقابتك

_اسمع يا شاطر انا مش عايزة بادى جارد فهمت ولا لا

_شاطر؟ ماشي مقبولة.. لكن مش انتي اللي تحددي اني خلاص اتعينت رسمي وبعقد محدد المدة كماني، يعني شئتي أم أبيتي هتلاقيني في ضلك

_اوف بقا طيب روح اقف بعيد ولما احتاجلك هشاورلك

_لاه الكلام ديه مش عندي .. اني قلتلك هكون ظلت.. يعني ملاصق ليكي في مكان تروحيه، قعدتي هقعد وقفتي هقف

_انت جاي تهزر
_بالعكس اني بتكلم چد الچد كماني... ولازمن تعرفي اني لايمكن أقعد في وسط العيال الصيع اللي كنتي قاعدة معاهم دول

_زاتش ماي فرينز مش صيع

_اصحابك ولا مش اصحابك مليش فيه
_وات دو يو مين

_اقصد ان من هنا ورايح اني هنقي المكان اللي تقعدي فيه علشان أقدر أقعد فيه أني كمان

_نو .. انا مش موافقة على كدا
_اني مكنتش باخد رأيك اني بفهمك وضعي.
ودلوك شوفيلك ترتبيزة تقعدي فيها غير اللي كنتي قاعدة عندها، علشان أقعد في الترابيزة اللي وراك.

ميرا بصتله بضيق وسابته ومشيت

راح وراها وقال
_ استنى يا مصيبة انتي ... انتي رايحة فين

_ رايحة في داهية جيت أواى فروم هير

ضحك وقال
_وديه المطلوب خلينا نخلص من أم الموال اللي ملوش أخر ديه.

ميرا خرجت من النادي وجت تركب عربيتها
لقت سليم بيقول
_روحي اركبي  الجنب التاني
_ليه انت رايح فين
_ هركب معاكي العربية
_ نو واي دي عربيتي
_ ماني عارف انها عربيتك اومال عربية ابويا، بس أني البادي جارد بتاعك لحد ما تفرج

_ يو .. ابعد بعيد عني  مش طايقاك

_ وربنا الحال من بعضيه يعني أنا اللي طايقك اصلا
_ اوك ديل.. جو اواي

_لا أني وراكي فين ما تروحي
_ اوف مش هخلص منك
_ اينعم
_ اوك أنا شكلي مش هخلص منك بسهولة، اتفضل انت الكرسي التاني أنا اللي هسوق عربيتي

_ ليه حد قالك اني مستغني عن روحي، ده انتي بتدخلي في كل حاجة ومش بتهتمي إذا كنتي هتدهسي روح ولا لا ،كله عندك سواء

_على فكرة دي كانت غلطة غير  مقصودة

_ غير مقصودة بس بتكلف أرواح بريئة يا مصيبة قال  غلطة غير مقصودة قال.. اتنيلي اركبي اخلصي خليني اسوق

_ نو انا اللي هسوق عربيتي لو مش عاجبك شوف عربية تانية

_ والله لو قعدتي تزني من اهنه لل
بكرة محدش هيسوق غيري
_ انت ليه دماغك ناشفة كدا
_ والله أنا كدا
_طب اتفضل اركب بس أنا اول لما اروح لدادي الشركة هنهي المهزلة دي في أسرع وقت.

_ ياريت والله، أكون ممنون ليكي.

__
ركبت ميرا العربية مع سليم اللي كان بيسوق هو
واول ما وصلوا الشركة
ميرا راحت لوالدها وقالت بعصبية
_ دادي انا مش موافقة على موضوع البادي جارد ده، ومش عايزاه
باباها اضطر يقول علشان توافق
_ معلش يا ميرا مش هينفع أمشيه لإننا مضينا عقد بشرط جزائي كبير فأنا مضطر أسيبه لحد ما مدة العقد تخلص

_دادي  انت ليه أصلا جبته من الأول

_علشان أنا خايف عليكي وعايزه يحميكي يا بنتي
_دادي أنا اقدر احمي نفسي كويس
رد
سليم
_ما قلنا مفكيش نفخة يا بت
_اسكت انت انا بتكلم مع دادي
_سكت ياختي قال دادي قال ديه أمي لو سمعتك بتقولي اكده كانت طختك عيارين
_وات
_انتي لسه هتوطوطي كملي كلامك مع الحج كمل.
رد محسن
_ميرا حبيبتي اللي حصل حصل ومنقدرش نغيره معلش يا بيبي وافقي

_ممم اوكي دادي ربنا يعين واتحمل على المصيبة دي، لقيته ف انهي مصيبة ده
_بت انتي احترمي نفسك وربنا ألفحك بالقلم على اصداغك

_وات
_يا رب الصبر يارب.

ميرا لبست شنطتها وقالت
_اوك دادي اي ويل جو
سليم رد
_رايحة فين
_رايحة في داهية
_ماشي يا محسن بيه سلام علشان انا راشق معاها في الداهية داي... لو ابوي سأل علي جوله ابنك غير مهنته وشكله مش راجع لمهنته الأصلية إلا لما يتچنن أعمل ايه لقلبي الرهيف

_معلش يا سليم انا اسف
_هو قلبي الرهيف داه اللي بيوديني في داهية، بس تعرف يمكن وافقت على إكده علشان نفسي بجد أعلم بنتك الدلوعة داي درس لايمكن تنساه

_معتمد عليك يا سليم .. ميرا أمانة في ايديك

_ماشي يا محسن بيه هروح الحقها قبل ما تعمل مصيبة تحت.
__
نزل تحت لقاها بتتخانق مع واحد فقال
_وربنا أني كنت عارف أني قبلت بالمهمة داي تفكير ذنوب هو اكده فعلا

راح ناحيتهم
_في ايه يا مصيبة قصدي يا ميار مالك ومال أخينا ده

_تعالى انت مش عامل فيها بادي جارد، وقف البني آدم ده عند حده عمال يعاكسني.. وريني هتعمل ايه

_وقعته طين..ووقعتك انتي كمان أطين، ما انتي لو كنتي لابسة لبس زي الناس مكانش أخينا ديه اطس في عقلك واتجرأ عليكي ، بس ده ميمنعش انه محتاج يتربى من اول وجديد.. تعالالي يالا

نزل فيه سليم ضرب لدرجة ان ميرا اتفآجئت لان مش باين عليه القوة العضلية الكبيرة اللي ظهرت دي وف نفس الوقت خافت من شراسة سليم
فبلعت ريقها

بصلها سليم ونفض ايده
_علمته الأدب ودلوك جيه دورك.

ميرا خافت وقالت
_والله لو فكرت تمد إيدك هقول لدادي

_اتلهي يا ختي أني وعدت ابوكي ممدش يدي عليكي .. وبعدين أني بمتشطرش على حرمة علشان تكوني عارفة

_على فكرة انا مش غلطانة وبطل بقا كلمة حرمة دي

_مش غلطانة دانتي غلطانة والغلط راكبك من ساسك لراسك

_انا مش هرد عليك

_مش هتجرئي أصلا

_بصراحة بعد اللي شفته منك ده .. اه فعلا انت خوفتني
_علشان تعرفي أني مش أي حد.... رايحة فين

_رايحة أشتري بلاوز ايه بلاش اشتري
_لاه اشتري حد مانعك ما فلوس ابوكي متلتلة مين اللي هيچيب عصفور ويطيرها غيرك يعني اصرفي اصرفي ماانتي مش تعبانة ف حاجة

_وات
_اركبي يا مصيبة وخلصيني

ركبوا وراحوا ع المول

وهناك ميرا دخلت محل معين هي بتحب تشتري منه وسليم وراها
كل لما تمسك بلوزة
سليم يقول

_لاه اختاري غير دي

مسكت واحدة تانية
_لاه كتفها مكشوف أوي
تمسك غيرها
_لاااه وألف لااه دي مالها قابلة على بدلة الرقص ليه إكده
_لاه داي لونها مش عاجبني
_لااه أحمر لااه
ميرا مسكت بلوزة عجبنها اوي وقالت
_دي بقا مفيش عندك حجة
_لاااه قصيرة اختاري واحدة طويلة

_قصيرة ايه .. دي مظبوطة
_لاه قصيرة هتعرفي أكتر مني.

_على فكرة انت مجرد حارس شخصي يعني ده مش من مهامك

_أني مهامي داخلة في كل حاجة تتوقعيها فمتدقيش أني ذات نفسي مبقتش عارفني

_وانا مش عارفة متحملاك ازاي

_انتي تقدري تمانعي، فاكرة الواد عملت فيه ايه

بصتله بخوف وقالت
_فاكرة

ضحك وقال
_ان كنتي ناسية افكرك
_اوف بقا فاكرة انت عايز ايه

_اختاري يلا قميص خلينا نمشي

_اسمها بلاوز يا جاهل
_ ياختي مش هتفرق المهم انچزي في يومك.

ميرا مسكت بلوزة تانية بس معجبتش سليم بردو
فقال
_لا عنك انتي الظاهر ملكيش زوق في اللبس ومش بتعرفي تختاري الهدوم اني هختارلك على زوقي.


اختارها بلوزة بيج سايس واسعة وطويلة

فتحت بوءها وقالت
_دي ايه دي انت فاكرني برميل

_لاه انتي جيتي للحق انتي مش برميل انتي عود قصب

_لم نفسك يا بتاع انت

_بتاع انت بقا باشمهندس سليم بذات نفسيه يتقاله بتاع.. يبقى متلوميش الا نفسك

خافت ورجعت لورا
_نو نو نو مش قصدي ايام سوري..

_سوريكي معاكي ياختي.

_ بس تعرف اسمك حلو اوي

_تسلمي والله
_بس مش لايق عليك
_ليه بقا ان شاء الله هو فيه اسم يليق واسم لاه
_طبعا اسم سليم ده يليق على واحد جنتل رومانسي  مش واحد مدب ودبش زيك.
سليم ابتسم بس خبى ابتسامته
_هنرجع تاني للغلط
_نو نو سوري
_طب امسكي يلا حاسبي على دي وخلينا نعاود

_نوو واي دي حتى طويلة اوي انا كدا هغرق فيها
_اه فعلا انتي شبر ونص... بس بصي اعتبريها تونك اكده ومشي حالك

_وات
_يا بوي على كلمة وات اللي بتعصبني داي
_سليم بص انا لغيت فكرة اني اشتري حاجة النهاردة زادتس إناف انا مش هتحمل أكتر من كدا أنا راجعة البيت
_يكون أحسن أني تعبت وربنا مش اللف النهاردة ده غير اني لسه چاي من البلد


نزلوا وركبوا العربية وسليم ساق لحد الفيلا.

وهناك كان محسن راجع من الشركة هو كمان
فسليم قال
_اني تقريبا خلصت مهمتي النهاردة فتكم بعافية أني ماشي

_استنى يا سليم انت عندك شقة ساكن فيها ولا ايه
_ايوة يا محسن بيه مأجر شقة محندقة إكده
_لا لا مأجر ايه، أنا المكان عندي هنا واسع،وكمان أنا هحتاجك في كل مشوار ميرا تروحه ولا ايه مش معقول هتصل بيك أطلعك من شقتك كل شوية

_ليه كن ميرا المصيبة داي لساتها هتخرج من البيت بعد أذان المغرب؟ والله عال ديه اللي ناقص

_انت بتقول ايه يا سليم ده بداية خروجها من المغرب اليوم ده كان استثنائي
_لااه الكلام ديه ميمشيش معاي

_اومال انا بقولك محتاجك ليه

_احب اقولك يا محسن بيه انك معرفتش تربي لا مؤاخذة في الكلمة يعني
_ سليم أنا عايز اكون مطمن على بنتي بالله عليك، مش عايز قلبي يكون واجعني عليها كل شوية

_ ماشي يا محسن بيه اوعدك اني في ظرف اسبوعين بعون الله هعدل حالها المايل ديه

_طيب فيه في الحديقة هنا  انا كنت مجهز اوضة بكل لوازمها اظنها هتنفعك ايه رأيك تقعد فيها
_ وهو كذلك يا محسن بيه ..نقعد لحد ما المهمة داي تخلص

_اني مش عارف أشكرك ازاي يا بني
_ متقولش أكده يا محسن بيه انت زي ابوي.

تاني يوم الصبح سليم لما عارف ان ميرا لسه نائمه قرر انه ينزل على شغله ولما تصحى هيبقى يتابع شغله معاها

بعد شويه ميرا صحيت وقررت تروح تلعب لعبتها المفضله وهي الجولف

وهناك لما سليم شاف مهاره ميرا العاليه في اللعبه دي وان الكل انظاره عليها
اتغاظ وقال
_لاه يا ميرا المكان ديه مش عاجبني تعالى نختار رقعة تانية من الارض

_ سليم انا متعودة العب في المكان ده
_ لا تعالى نشوف غيره
_ نشوف غيره فين... المكان في الوقت ده بيكون كويس ومش زحمة اوي
_ لاه بس تعالى وأني هوريكي مكان هيعجبك

سليم وداها مكان مفيهوش حد تقريبا
_ يلا اهنه تقدري تلعبي

_ اه بس هما مفيش حد احنا بعدنا اوي وكمان الكرة هتقع في المية
_ و انتي عايزه حد او سبت ليه انتي مش جايه تلعبي تفضلي العبي وخلصيني

_انت انسانه غريب قوي ليه كده

_ما هو بصراحه انا لا يمكن اوافق انك تفضلي تلعبي والشباب تبص عليك  اكده وافضل ساكت ... اني كان لسه لحظات وكنت هكسر لإما دماغهم او دماغك انتي بالذات

_ليه بقا ان شاء الله
_ عندك فيلا طويله عريضه تعملي فيها ما بدالك راحه سايبه بيتك ومتشحططة  عشان تلعبي والناس كلها تتفرچ عليك
_سليم انت مجنون سايبه بيتي ايه والناس كلها بتتفرج عليا ايه انا هنا بمارس الرياضه في النادي ايه المشكله انا مش فاهمه

_ المشكله في انك مش شايفة ان فيه مشكله خالص اتلهي واسكتي


_بجد انسان غريب وقفلتني عن اللعبه انا مش لاعبه

_احسن برده دي لعبه ممله وغتيتة غتاتة
_انا ابتديت امل منك
_ ده اصبري على رزقك لسه الايام جايه كثير احنا بس كده لسه بنقول يا هادي

_ كمان
_ اينعم... استنى رايحه على فين دلوقت

_ايه هاروح اغير هدومي

_ طيب انا جاي معك
_ تيجي معاي فين  باقول لك رايحة أغير هدومي
_ما هو انتي لو تسلكي نيتك هتعرفي اني كنت هقفلك بره... سلكي النيه ها سلكي النيه

_ لا انت انسان غريب مش طبيعي _انتي لسه قايله  اكدة من شويه ايه الچديد

_ قدامي يا سليم بدل ما اتعصب عليك
_لا امشي جاري اهنه انا ما اعرفش الطريق
_طيب تفضل امشي وانت ساكت

مشيوا مكان تبديل الملابس
وبعد ما نيرا خلصت سليم قال

_ ها رايحه فين بعد اكده هترچعي الفيلا صح قولي انك هترجعي

_نو انا رايحه اصفف شعري
_ ايوة يعني تصففي شعرك ديه يعني توقفيه على حاله يعني ولا ايه

_لا يا جاهل قصدي يعني رايحه للكوافير

سليم كان فاهم قصد ميرا لكنه ما كانش موافق على انها تروح هناك لكن ما يقدرش طبعا قبل ما يمنعها انها تروح
وهناك في مركز تصفيف الشعر سليم وقف على باب وقال
_ طبعا انا ما اقدرش ادخل مكان زي ده لان كله حريم انا هاستناكي بره لو احتجتي حاجه اطلبيني في الموبايل


_اكيد طبعا يعني مش هحتاج حاجه هاحتاج ايه منك وانا جوه تفضل خليك في العربيه لحد ما اخلص

_ ماشي متعصبه ليه

_ده علشان انت عكرت علي مزاجي في اللعبه اللي انا باحبها

_ يا شيخة خلي قلبك ابيض

ميرا فضلت في مركز تصفيف الشعر اكثر من اربع ساعات وسليم كان بيفرقع بره وكل لما يتصل بها ميرا تقول له خمس دقائق بس وهاخرج


رد وقال
_ ميرا انت عارفه لو ما خرجتيش دلوقت حالا انا هادخل اكسر المكان على اصحابه اربع ساعات ايه دول ده انتي لو كنتي بتزرعي شعر من جديد كنتي خلصت  بدري عن كده.

ميرا خافت انه فعلا يعملها فخرجت بسرعه وهي بتقول
_ يا باي عليك انت بجد انسان ممل  قوي

_انا برده اللي ممل ولا انتي ايه يا شيخه مستحمله اربع ساعات حد يلعبلك في شعرك ايه الجبلة دي... بس منكرش انهم عملوا شغل جامد في شعرك

ميرا لفت حوالين نفسها وقالت
_ايه رايك تحفه مش كده
_ اي نعم هو حلو بس ممكن اعرف بقى سيادتك عامله ليه كل ده اوعي تقولي انك رايحه حفله من إياهم

_يعني ايه حفله من اياهم انا رايحه بارتي بيرس داي ماي فريند

_عيد ميلاد صحبتك ؟؟ اني كنت حاسس
_والبارتي دي  عباره عن ايه
_بارتي عاديه زي اي بارتي
_ ولما هي بارتي عاديه زي اي بارتي رايحه لها ليه
_اكيد طبعا علشان صاحبتي انت غريب قوي

_ البارتي داي الساعه كم

_ هتبتدي الساعه 11:00 بالليل

_نعم يا اختي 11 ايه ده انا اكون رحت في سابع نوم
_اوكي نو بروبلم حتى اعرف اخذ راحتي هناك

_ تاخدي راحتك هناك حيث كدا بقا رجلي على رجلك هناك

_ سليم أنا بحذرك تبوظ حفلة صاحبتي
_والله على حسب الوضع
_وات
_انا باقول يا بنت الحقي ترجعي  تلبسي من دلوقت بقى لك اربع ساعات في مركز التصفيف هتاخذي قد ايه في اللبس
_لا لما ننزل نشتري لك بدله شيك الاول ليه بقى ان شاء الله انا لبسي زي الفل ومش هاغيره

_علشان تحضر بيه الحفله الكل هناك هيكون لابس بدلة
_

_وانت يهمك منظري قدام الناس
ولا علشان الكل عامل كده فلازم اعمل زيهم
_ لا طبعا انا ما يهمنيش حد انا باعمل اللي يعجبني انا لكن انا باكلمك على الوضع هناك انا مش شايفاك زي اي شاب انك تلبس كاجوال زيهم وانت علشان مهندس محترم انا شايفه انه البدله هتعمل لك هيبة اكثر
_لا والله اقنعتيني فعلا ماشي وهو كذلك

عدت الايام بسرعه على كل من سليم وميرو اللي حسوا انهم بداوا يندمجوا مع بعض وميرا  ما بقتش  متضايقه من وجود سليم في حياتها وكذلك سليم حاسس ان ميرا بقت جزء اساسي من يومه
بعد حوالي شهر  سليم راح لمحسن وقال
_انا خلصت مهمتي يا محسن بيه بس انا عايزه اعترف لك بحاجه مهمه قوي اني كنت غلطان في حق ميرا بنتك ميرو ما كانتش بنت مش كويسه زي ما كنت  متوقع انا كنت مفكرها بنت مهمله مش مسؤوله ومش بتهتم لاي حاجه غير بنفسها  بس اتضح اني كنتي غلطان فعلا طلعت انسانه جدعه وبنت بمليون راجل وفعلا ما يتخافش عليها ميرا طلعت بتسحب فلوس كثير منك لانها بتتبرع بها لدار ايتام ومخصصة جزء كبير من وقتها واهتمامها ليهم الفكره ان ميرو ما لقيتش بس اللي يوجهها للصح والغلط مامتها متوفيه من زمان وحضرتك مشغول  فيالشركه علشان كده كل تصرفات ميرا كانت شايفه انها تصرفات عاديه ومحدش قال لها انها غلط تروح المكان ده او ما تروحوش فبالتالي اتعودت على ده وكان صعب انها تغيره... ميرا بنت حضرتك محتاجه اهتمام اكثر محتاجه حد ياخذ بايديها علشان يعلمها الصح الشهاده لله انا ما شفتش منها طول الفتره اللي فاتت دي اي تصرف مشين او مش كويس

محسن قال
_ طب ايه رايك انك تكون الحد اللي ياخذ بيديها علشان يعلمها صح

سليم ابتسم وقال
_ وده اللي كنت جاي اكلم حضرتك فيه بصراحه ومن غير لف ودوران انا باطلب ايه بنتك ميرا ويا ريت بس هي اللي توافق عليا انا يعني مش في نفس المستوى بس بعون الله اوعدك اني اقدر اعيشها سعيده مبسوطه

جات ميرا وابتسمت وقالت
_ وانا موافقه
سليم ضحك وقال
_ كده على طول خبط لزق طب اعملي انك مكسوفه حطي وشك في الارض اي حركه من بتاعه البنات دي

_هو انت تعرف عني كده
_ الشهاده لله لا ده انا شكلي هاشوف ايام سوداء

_ وات
_قصدي جميله جميله ايام جميله

_ايوه كده اتعدل
باقول لك ايه يا عمي انا هاروح اجيب ابويا من البلد واجي بسرعه قبل ما بنتك تغير رايها
_ انت موافق تتجوز البنت اللي كنت شايفها مصيبه؟

_ تعرفي انك كنتي احلى مصيبه حصلت لي في حياتي