اسكريبت جديد
الرائد والمقدم
للكاتبة أسماء عبد الهادي
رائف راح شغله ومكتبه الجديد فرحب به العقيد
_ اهلا يا سياده الرائد نورت اسكندريه _شكرا يا سياده العقيده اسكندريه دي بلدي في الاصل
_ يعني طلعت ابن بلد يعني
_ ايوه بالظبط كده يا فندم
_ انا سمعت عنك وعن مهاراتك كثير ويشرفنا اننا نشتغل مع بعض كلنا هنا كتيم واحد
_ شرف لي يا فندم هنادي على عسكري يوريك المكتب بتاعك تنظم شغلك واوراقك ومن بكره ان شاء الله هتتعرف على التيم اللي هيكون في فريقك باذن الله
_سياده العقيد حضرتك طالما سمعت عني كثير فاكيد حضرتك عارفاني مبحبش اشتغل في تيم لان شغلي كله بيكون لوحدي
_ عارف ده كويس قوي لكن المهمة دي صعبه ولها افرع كثير مش هينفع تكون لوحدك فمعلش تعال على نفسك المره دي واقبل بالتيم بتاعك
_يا فندم انا مش باقول حاجه على التيم اكيد كلهم اكفاء لكن انا باتكلم على وجهه نظر معينه انا مش بعرف اشتغل في تيم
_فاهمك يا رائف لكن صدقني المهمه دي استحاله تنجح من غير تيم
_تمام اللي تشوفه حضرتك عن اذنك
_ اتفضل مع حضرة الرائد يا عسكري دله المكتب بتاعه حاضر يا فندم
_____
_امل نعم يا بابا
_ كنتي فين
_ كنت في اوضتي يا بابا خير حضرتك عايز حاجه
_ اه كنت عايزه ابلغك ان رائف ابن عمك جاي بكره وهيقضي عندنا كم يوم
امل خافت وبلعت ريها وقالت
_ ايه رائف
وده ايه اللي فكروا بينا ده وجاي عندنا يعمل ايه
_ ايه في ايه ما لك خفتي ليه وبعدين ده ابن عمك يعني جاي بيت عمه عادي
_يعني يا بابا ما حضرتك عارف اني باخاف منه مجرد بس لما اسمع صوته باترعب ده عليه تكشيره تكسر حيطه بحالها
ضحك باباها وقال
_ لا بس انتي اللي جبانه حبتين اطلعي يلا اوضتك شوفي كنتي بتعملي ايه انا قلت بس اقولك علشان تكوني عارفه ومتتفاجئيش بوجوده
_ماشي يا بابا ولو اني نفسي تكلمه تقوله يغير رايه وما يجيش
_ بس يا بنت عيب
_ خلاص يا بابا مكانتش كلمه
طلعت اوضتها وهي بتقول
_ يا ترى ايه اللي افكرك بينا دلوقت يا رائف بقالك كم سنه وانت بعيد عننا
ثاني يوم
وصل رائف بيت عمه رحب به سعيد وقال
_ اهلا يا سياده الرائد نورت بيت عمك البيت
_ منور باصحابه يا عمي تسلم ربنا يخليك
_ تعال يا ابني تفضل اقعد ...يا ساميه حضري الغداء يلا تلاقي سياده الرائد على لحمه بطنه من الصبح انا عارفه بينسى نفسه في الشغل
ضحك رائف وقال
_ ايه يا عمي هو حضرتك لسه فاكر
_عيب عليك ده انا اللي مربيك يا رائف
_ ربنا يخليك لنا يا عمي
_ ايه مش عايز تسلم على بنت عمك
_اه كنت لسه هاسالك هي فين صحيح من زمان ما شفتهاش يا ترى هي بقيت في سنه كام دلوقت
_لا دي خلصت جامعه من سنتين
_يا بجد الايام بتجري قوي ده انا مفكرها لسه عيله بضفيرتين
جات امل وقالت بضيق
_هي مين دي اللي عيالها يا سياده الرائد
بص لها وقال بسخريه
_ ايه ده يا عمي ده طلعت ليها لسان كمان وبقت ترد عليا كانت الاول مبتقدرش ترفع وشها في عيني حتى.
امل اتضايق وقالت
_ قصدك ايه يا رائف
رائف قام وقف وقال لها بحده
_ اسمي سياده الرائد رائف مفهوم
امل نفخت ولسه هترد
باباها قال روحي
_روحي ساعدي ساميه وضبطي السفره يلا
_حاضر يا بابا
رائف قال بيسخريه
_حاسبي وانت ماشيه شايله الاطباق تقع منك تتكسر ولا انت تقعي على جدور رقبتك
بصت لي بحده وقالت
_ لا ما تخافش مش هيقعوا
وقالت في نفسها
_يا باي شايف نفسه اوي على ايه معرفش
السفره جهزت ونادت امل
_ بابا الغدا جاهز
_ ماشي يلا بينا يا رائف علشان تاكل لك لقمه وتطلع تريح يا ابني
_ تمام يا عمي ربنا يجعله عامر يا رب
قاعدوا على السفره وقعد رائف جنب امل وقال هو بيهمس لها
_مش عارف ليه حاسس ان فيكي حاجه متغيره
امل اتوترت وقالت
_حاجه ...حاجه زي ايه
_ مش عارف بس عندي احساس قوي ان في حاجه فيكي متغيره
بصت له بضبق وقالت
_اكيد طبعا اتغيرت عدى سنين على اخر مره كنت فيها هنا ...يا ترى بقى ايه اللي فكرك بينا بعد السنين دي كلها
_ايه ما اجيش اشوف عمي ولا ايه
_علي انا يا سياده الرائد انت على طول بتتواصل مع بابا في التلفون وشغلك
عندك اولى اولوياتك علشان كده مكنتش بتقدر تسيب شغلك وتجي تشوف عمك لكن طالما عملتها النهارده يبقى اكيد في سبب مهم لمجيئك هنا يا ترى ايه هو
_ لا فعلا عجبتيني يا بنت عمي طلعت ذكيه وانا اللي كنت فاكرك غبيه
_ لو سمحت متغلطش فاهم
_ لا فعلا تغيرتي بتقولي لي رائف كده حاف وبتتكلمي معايا كده من غير خوف هي فين امل الجبانه ولا في غيابي امل قدرت تطلع من قوقعه الجبن اللي هي فيها
_عايز توصل لتيه بالظبط
_عايزه اعرف ايه سر التغير ده
_ ولا حاجه وبعدين يهمك في ايه اتغير ولا هتغيرش ما لكش انت دخل
_امل نلم لسانا شويه ها متخلينيش اقلب على الوش الثاني اللي انتي اصلا عارفاه كويس
امل قامت وقفت وقالت
_ بابا انا شبعت ممكن اطلع اوضتي بص لها رائف وقال بحدة
_شبعتي ايه هو انتي اكلتي اصلا خلصي طبقك وبعدين اتنيلت اطلعي اوضتك زي ما انت عايزه
امل بصيت له بضيق وبدات تكمل طبقها
بعد كده طلعت اوضتها وفضل رائف مع عمه
سعيد اللي قال
_ايه مش جه الوقت انك تقول لي ايه سر الزياره دي يا سياده الرائد
_ حضرتك كمان يا عمي مصر اني جاي هنا علشان حاجه معينه
_ اكيد طبعا احنا مش تايهين عنك ايه اللي هيخليك تسيب شغلك اللي هو حياتك كلها وتيجي تقعد هنا الا اذا كان في حاجه مهمه تستدعي له
_بصراحه يعني انا جيت علشان اخطب
_ لا مش معقول اخيرا هتعملها وتفرحني
_ اه يا عمي لما ربنا اراد بقى
_ هي مين بقى سعيدة الحظ دي
_هعرفك عليها يا عمي
لان ده السبب اللي انا جيت علشانه هنا
_ مش فاهم يا ابني انت بتتكلم بالالغاز ليه
_بصراحه يا عمي البنت اللي انا عايزه اخطبها انا لازم اجيبها تعيش في بيت حضرتك هنا
_مش فاهم برده ايه اللي جاب خطيبتك تعيش معنا هنا فين اهلها وفين بيتها
_انا اسف يا عمي مش هاقدر اصرح باي حاجه دلوقت حضرتك تأذنلي ان اجيبها هنا
_البيت بيتك يا رائف تجيب فيه اللي انت عايزه انا ما عنديش اي مانع وواثق فيك يا ابني واحترم انك مش عايز تقول حاجه عنها دلوقت لكني منتظر الوقت المناسب اللي هتحكي لي فيه كل حاجه
_ ان شاء الله يا عمي انا متشكر جدا لحضرتك
_وخطيبتك دي هتيجي امتى علشان نعمل حسابنا
_ بكره الصبح ان شاء الله يا عم هاروح اجيبها من المطار
_كمان المطار ليه هي مش مصريه
_الصراحه لا يا عمي هي اجنبيه علشان كده انا قلت انها تيجي هنا مع حضرتك هاكون مطمن عليها اكثر
_ تمام يا رائف اطمئن هي اكيد هتكون في بيتها الثاني وحتى تونس امل بدل ما هي قاعده لوحدها.
تاني يوم
رائف استقبل سيلين من المطار وقال ب بغموض
_ نورتي مصر سليلين
_مصر منوره بك رائف كيف الحال
_ كل حاجه كويسه ما تقلقيش
_ رائف انا مش فاهمه انا اقعد فين
_عند عمي زي ما فهمتك هو عنده بنت اسمها امل هتعيشي معاهم
_تمام فهمت رائف اوكي يلا بينا اوكي.
وصل رائف وسيلين بيت عمه
_عمي هي دي سيلين خطيبتي او اللي هتكون خطيبتي اللي كلمتك عنها
_اهلا وسهلا يا بنتي نورتي البيت عايزك تعتبري البيت هنا كأنه بيتك بالضبط ولو محتاجة حاجه ما تترديش انك تطلبيها مني
_ شكرا يا حج
ساميه اول ما سمعت الحوار طلعت تجري على اوضه امل وقالت
_ الحقي يا امل الحقي
_في ايه يا سامية مالك
_انت لسه بتسالي رائف غايب غيبته الطويله دي وراجع بخيبته
_ازاي يعني
_رائف راجع بخطيبته لا وجايبها هنا البيت عندكم
امل قامت وقفت
بصدمة قالت
_انتي بتقولي ايه يا ساميه انتي بتهزري اكيد
_ انزلي بنفسك وشوفي ده بيقدمها لعمك كمان وبيقول انها هتقعد هنا امل زعلت وكانت عايزه تنزل تشوف سيلين لكن كرامتها منعتها وقعدت تاني مكانها وبان على وشها الحزن
سامي قربت منها وقالت
_ هتسيبيها تاخذه منك مش ده رائف اللي انتي بتحبيه من اول ما عينيك فتحت على الدنيا رائف اللي علطول بتحكيلي عنه ولسانك مش بيمل من ذكرياتك الجميله معاه
اتنهدت امل بحزن وقالت
_الظاهر ان الذكريات الجميله هتفضل ذكريات وبس يا ساميه، رائف لما سابنا ومشي زمان عرفت ان عمره ما هيرجع تاني وبالفعل حصل، رائف
عمره ما شافني يا ساميه ولا عمره هيشوفني
_ علشان انتي عمرك ما خليتيه يشوفك على حقيقتك امل
_اعمل له ايه هو اللي طول عمره شايفني جبانه ومش نافعه في حاجه على طول مستقل بيا، وبقدراتي على طول بيهبط من عزيمتي وشايف اني ما اقدرش اعمل حاجه
_ لكن انتي قدرت وريله ده
_واوريه ده ليه وبعد ايه ما خلاص قرر يخطب غيري لا وجايبها لحد عندي ...ده لو ما كانش قاصد يغيظني مكانش عمل ده
_معلش يا بنتي قاومي علشان هتخسريهوش
_ هو اللي خسرني يا داده مش انا اللي خسرته وانا مش هاجري ورا حد مش عايزني ومش شايفني اصلا الظاهر اني من اللحظه دي لازم اقفل على قلبي بعد ما اخرج حبه منه للابد
__
_سيلين
_ نعم رائف
_ عايزك تتعرفي على امل وتصاحبيها
_اوكي يا رائف
_ اطمني امل بنت طيبه وجدعه وهتحبي صحبتها ومش هتملي معها ابدا
ابتسمت سيلين
_ طالما انت قلت ده يبقى انا هطمن اكيد
_تمام اسيبك بقى هنا ترتاحي اروح اتابع شغلي
_ اوكي رائف مع السلامه
__
_على فين يا رائف يا ابني
_ مشوار كده يا عمي وراجع سيلين امانه في يدك
_ اطمئن عليهم متقلقش
في اللحظه دي نزلت امل
سعيد قال
_ تعالى يا امل سلمي على خطيبة رائف ابن عمك
رائف بص باهتمام علشان يشوف ايه رد فعل أمل فملقاش اي رد فعل منها غير انها ابتسمت بهدوء قالت وهي بتسلم عليها
_ اهلا بيكي مبروك ليكم ربنا يتمم على خير انا امل بنت عمي رائف وانتي؟
ا_هلا امل انا سيلين، ميرسي ليكي
_اهلا وسهلا سليلين نورتي اتمنى نكون اصحاب
_ اه فعلا اتمنى ده لسه رائف موصيني ده من شويه
_ طيب تمام قوي
رائف في نفسه
_ما لها دي اخذت الامور ببساطه ومزعلتش ولا حتى استغربت ولا اي اندهاش معقوله معقوله يا امل للدرجة دي انا مش فارق معاكي
وبعدها نفخ ومشى على بره
ساميه قربت من امل وقالت
_شفتيه وهو خارج متضايق
_طب وهو متضايق ليه مش فاهمه
_افهمي ده شكله كان جايب سلين هنا علشان يغيظك مش اكثر بس لما لقاكي اخذتي الموضوع ببساطه تضايق اكثر
_ يا سلام بتهرجي اكيد
_ لا مش بهرج
_سامية بقولك ايه بلاش اوهام واقفلي على موضوع رائف ده انا ماشيه سلام
قربت من سلين وقالت
_ سلين معلش انا لازم انزل دلوقت لشغلي ولو احتاجتي حاجه ساميه معاكي مش هتاخر عليك
_اوكي مش هاعطلك يا امل باي
امل مشيت وراحت ناحيه عربيتها شافها رائف وقال
_ رايحه فين
_ اروح مكان ما اروح ملكش دعوه قال بحدة
_ تردي عليا كويس وانا بكلمك انتي فاهمه
_ رايحه الشغل يا رائف رايحه الشغل, ارتحت
_ اه قولتيلي الشغل وانت بقى بتعرفي تشتغلي زي الناس وكده، ولا بردو خايبة زي ما انتب
_ مش هرد عليك على فكره
_ على فكرة بسأل سؤال عادي
_ ده سؤال استهزاء وسخريه
_ حللتيها زي ما انت عايزه
_ ده معنى كلامك مش عايزه تحليل ولا حاجه طول عمرك شايف اني ما اقدرش اعمل حاجه عن اذنك يا رائف
_مالها دي واتغيرت ليه كدا كانت الأول نسمة قطة مغمضة
__
___
_انا مش فاهم انتي ليه معترضه يا امل يا سياده العقيد انا...
_ ما فيش انا يا امل اللي اقوله يتنفذ انت هتكوني ضمن فريق الرائد رائف وعلى فكره هو داهية في مجال المخابرات ودي فرصه كبيره لك علشان تستفادي من خبراته
العقيد مكانش فاهم ليه امل متخوفه انها تكون مع رائف في نفس الفريق فبصت له بتردد
فقال
_ انا مش متعود منك على التردد ده.. فين امل المعروف عنها بالقوه والشجاعه
_ يا فندم حضرتك...
_ مش عايز اسمع اي اعتراضات يا امل اتقضلي على مكتبك وبكره تجتمعوا كلكم وتتعرفوا على بعض _حاضر يا فندم عن اذنك
امل خلصت شغلها وراحت على ساميه اللي مش بس بتشتغل عندهم لا هي بتعتبرها صاحبتها وبتحكي لها كل حاجه مش بتخبي عنها
_ شفتي يا سامية اللي حصل
_خير رائف زعلك تاني ؟
_من ناخية هيزعلني فهو لسه هيزعلني
_مش فاهمه يا امل في ايه
_ في ان حضره العقيد هيخليني في فريق واحد مع رائف في مهمة جديده
_طيب وايه المشكله مش فاهمه
_المشكله يا زكيه ان كده رائف هيعرف انا مين
_ ودي فيها ايه كده كده كان هيعرف في يوم من الايام
_ يا ساميه افهمي رائف مش هيقبل بده رائف مش مؤمن بيا اساسا
_ بسيطه خليه يؤمن بيكي لما يشوف قدرتك الحقيقيه
_ يوه يا ساميه مش فاهماني
_ نفسي اعرف انتي مخوفه نفسك ليه ها عامله اهتمام كبير قوي ليه مش ده رائف اللي مهتمش بيكي وراح خطب واحده غيرك
_ مش بتكلم على كده على فكره
_حبيبتي مش عايزاكي تكوني قلقانه من حاجه واثبتي للكل انهم كانوا غلطانين في حقك لما استقلوا بيكي
_مم ربنا يستر
__
امل كانت ماشيه في الحديقه ولما سمعت صوت رائف من بعيد مره واحده اتكعبلت وقعت
ضحك رائف عليها وقال
_ مفيش فايده طول عمرك كده ومش هتتغيري قومي قومي شوفي اللي وقع منك
وسابها ومشى امل بصت له بغيظ
_اوف انا مش عارف ايه اللي بيحصلي لما بشوفك أو بسمع صوتك يخربيتك.
وافتكرت زمان
فلاش باك
_امل كانت واقفة وباين انها هتعيط
جه رائف وقال
_ايه مالك واقفة ليه كدا اوعي تقولي مش عارفة تعدي الطريق من الحفرة دي
_اه
_اه ايه جاتك اوا، نطي يا زفتة اخلصي وبطلي جبن بقا
_لا أخاف اقع يا رائف مش هعرف انط
_تقعي ايه اجيبلك طفل في كيجي ينطهالك، يلا نطي وبلاش دلع
_لا مش هقدر
_انتي عارفة لو متحركتيش هعمل فيكي ايه
_لا انا انا هرجع أروح من طريق تاني
مسكها من أيدها جامد
_أمل اخلصي
_ايدي يا رائف
_قلت اخلصي
عيطت
_لا لا مش هقدر
شالها رائف ونط بيها وبعدها زعق وقال
_تعرفي اني مش بكره في حياتي قد الجبنا
وسابها ومشي.
__
في مرة أمل كانت بتعيط شافها رائف ومن غير ما يسألها عن السبب
_ بردو بتعيطي هو انا مش هشوفك غير بتعيطي او هتعيطي انتي مبتعرفيش تعملي حاجة في حياتك غير كدا، هو ايه القرف دا، اسمعي يا زفتة، وقسما بالله لو شفتك بتعيطي تاني لهتشوفي تصرف مني مش هيعجبك أبدا، مش بنت عمي اللي تبقى ضعيفة وجبانة بالشكل دا، ولو هتفضلي على كدا يبقى انسي انك تعرفيني من أصله
__
باااك
أمل في نفسها
_من يومها وانا خفت أخسرك يا رائف وكنت بحاول أكون شجاعة بس للأسف كنت بشوفك بترعب وتلخبط وأبان قدامك ضعيفة وجبانه ومكنتش بلاقي منك غير السخرية والتجاهل لكن لما قررت تسافر لشغلك
عاهدت نفسي اني اتغير واحارب مخاوفي واكون واحدة تانية تفخر بيها مش تقلس عليها وقد كان يا رائف انا بقيت دلوقتي زي زيك بالظبط ومبقتش أمل الجبانة اللي كنت تعرفها زمان وهتشوف
__
في المكتب
دخل سالم صاحب رائف وسلم عليه
_حمدا لله على السلامه يا صاحبي ليك واحشة والله
_الله يسلمك يا سالم عامل ايه يا بني
_الحمد لله اهو عايش في الدنيا
_ايه شكل المدام منكدة عليك عيشتك
_مين دي اللي منكدة عليا عيشتي دي بلسم بتحط ع الجرح يطيب
_لا مش معقول
_هتفضل طول عمرك دبش ومش بتعرف تتعامل مع الصنف الحلو وتخرج العسل اللي جواه، يا بني الستات تعاملها بدلع على كلمتين حلوين تشوف في حياتك هنا عمرك ما شوفته
_لا فكك مني مليش في الكلام الملزق ده
_يييه عل كدا بقا انت رفضت التيم اللي شكله العقيد
_لسه مشفتوش بس ليه هرفضه ليه هما مش قد كدا ولا ايه
_لا من ناحية دي اطمن العقيد منقيهم ع الفرازة
_طب ايه بقا
_لا اصل فيهم من الصنف الناعم اللي انت مبتفضلوش
قام وقف وقال
_نعم انت بتهرج مش كدا
_عيب عليك انت تعرف عني كدا ، اهرج في كل حاجة الا دي
_لا انا اول مرة اسمع بدا غير منك دلوقتي
_ علشان كدا انا استغربت سكوتك فجيت افهم منك الحوار
_اه طبعا مش هسكت مش ناقص وجع دماغ انا وبعدين المهمة صعبة ازاي يعني يشغلوها معانا
_لا من الناحية دي فاطمن لانها فوق التوقعات بحبة
_يا راجل
_حقيقي ومن غير مجاملة انا اشتغلت معاها كتير وانبهرت بذكاءها وسرعة البديهة اللي عندها
_كمان
_اصبر وشوف بنفسك بلاش تتسرع
_مش متفائل ومش مرتاحلك مش عارف ليه
جه العسكري
_سيادة الرائدة، سيادة العقيد طالبكم حالا في مكتبه
_اسبقني يا سالم هحصلك اخلص بس اللي ف ايدي
ولما خلص راح ع مكتب العقيد وهو طريقه شاف ف امل
_يخربيتك بتعملي ايه هنا انطقي يا بت مسموكي في انهي مصيبة
_حاسب كدا سيب ايدي واتكلم كويس
_انا بشتغل هنا
_نعم يا اختي وبتشتغلي ايه بقا ان شاء الله الفراشة مثلا
_فراشة في عينك
_ما هو ده اخرك ... ما هو انا استحالة اصدق انك ظابط هنا انتي متقدريش تشيلي مسدس ده انتي لما كنتي بتشوف صرصار في وشك كان بيغمى عليكي
_مش هرد عليك
_لا يا بت ردي وانا كنت وريتك شغلك .. اتفضلي روحي البيت حالا
_قلتلك انا هنا في شغلي..
وسابته ومشيت
__
راحوا المكتب
العقيد
_تعالى يا رائف علشان تتعرف على زمايلك
رائف بص لزمايله
العقيد شاور ع واحد واحد
_ده سالم وأكيد عارفه، وده أسعد وده شريف
_ازيك يا حضرة الرائد رائف
_اهلا بيكم وسعيد بالعمل معاكم
بعد شوية جت أمل وقالت بكل قوة
_أنا أسفة اتأخرت عليكم
رائف فتح بوءه
_نعم انتي!! لا مش معقول انتي في التيم معانا
العقيد
_ءأقدملك يا رائف المقدم أمل
رائف تنح
_ايه وكمان مقدم وأعلى مني!!
أمل بصتله بتحدي
فقال في نفسه
_يا بنت ايه عملتيها ازاي اكيد انا بحلم ده فعلا انا بحلم
لكنه فاق على صوت أمل وهي بتقول
_اهلا وسهلا شرفتنا يا سيادة الرائد
قرب منها وقال
_قولي اني بحلم
قالت ببرود
_لا مش حلم دي حقيقة ولازم ترضى بالأمر الواقع كمان
قال العقيد
_سيادة الرائد رائف ... جاله قرار الترقية لمقدم، لكنه طلب تأجيله لبعد المهمة دي فأتمنى انكم كلكم تشتغلوا بجد وبهمة مع بعض علشان المهمة تنجح وسيادة الرائد ميخسرش الترقية
أمله بصتله بشماته وقالت
_اتمنى تفشل المهمة وافرح فيك
_بتقولي ايه
_لا ولا حاجة
العقيد قال
_بس انا واثق انها هتنجح وبجدارة لان التيم بتاعكم من أعلى الكفاءات اللي عندنا
رائف قال بصوت واطي
_مش متفائل بوجودها معانا أبدا
امل_بتقول حاجة يا أخينا
_ايه أخينا دي ما تلمي نفسك يا بت انتي هتنسي نفسك ولا ايه
_لا الظاهر انك انت اللي هتنسى نفسك
العقيد
_اتفضلوا كلكم على مكتب المقدم أمل علشان تشوفوا هتتصرفوا في الخطة وترسموها ازاي
الكل اتحرك من مكانه
ورائف مسك أمل من ايدها ووقفوا ع جنب وقال بحدة
_ايه اللي بيحصل هنا ده .. وازاي ده حصل وازاي انتي هنا وازاي بقيتي مقدم
_ايه كمية ازاي اللي ف كلامك ده .. ازاي زي الناس ولا انت فاكر انك بس اللي مفيش منك
_دخلتي شرطة امتا وعرفتي تنجحي فيها إزاي وانتي..
_كنت جبانة مش كدا...
_مش دي كانت نصيحتك ليا واللي سبتنا ومشيت علشانها، انت مش قلتلي بتكره الجبن فأنا أهو يا رائف بثبتلك اني مبقتش جبانه بل واتفوقت عليك كمان
_امتا وازاي
_الظاهر انك مكنتش بتعد انت بعدت عننا قد ايه ولا حتى كنت مهتم تسأل أنا فين ولا بعمل ايه.. المهم اللي لازم تعرفه اني مبقتش أمل اللي انت كنت تعرفها زمان يا رائف ودلوقتي اتفضل ع مكتبي علشان نتكلم في تفاصيل الخطة
_استنى عندك اوعي تفكري باللي وصلتي ليه انك هتتنططي عليا دا بعدك
_والله من نفسي ما انت طول عمرك شايف نفسك ونافش ريشك على الكل .. اتفضل قدامي يلا
_صدقيني أنا مش بهزر في المواضيع دي
_ولا انا بحب الهزار في الشغل ولاحظ ان رتبتي هنا الأعلى يعني كلامي هنا هو اللي يمشي
_لا عندك الكل عارف اني بقيت مقدم فبلاش تعلبي دور الكبيرة ده عليا ها
_بس أخدت اللقب قبلك واسرع منك كمان
قالتها وسابته ومشيت وهو واقف كلن هيفرقع من الغيظ
_ااه يا أمل بس هتشوفي مني
__
امل رسمت خطط الهجوم وابتدت تشرحها للكل
رائف في نفسه
_لا بجد عجبتيني انا منبهر بذكاءك ده بجد، ومزهول بيكي حقيقي
وفي أثناء الهجوم الأول
شاف رائف مهارات أمل الكبيرة وحركاتها السريعة والخاطفة
فسرح وقال
_لا فعلا دي طلعت مشكلة هموت واعرف ازاي التحول الكبير ده حصل دي اتحولت ٣٦٠ درجة
ولما خلصوا اول مهمة في المناوشات بنجاح ورجعوا البيت
رائف وقفها وقال
_اسمعي يا بتاعة انتي
_اسمي سيادة المقدم أمل اوعى تنسى نفسك ها
_اسمعي يا نيلة انتي
_تاني
_اسمعي هقولك ايه علشان اخلص .. انا مش هتحمل انك تفضلي في التيم بتاعي كتير فأحسن ليكي تأخديها من قصيرها وتعتذري للعقيد عن اكمال المهمة دي وكدا كدا احنا مش محتاحين ليكي في حاجة المهمة هتم بنجاح منك او من غيرك
امل اتضايقت من كلامه
قالت في نفسها
_ده بدل ما تشيد وتشكر في اللي عملته مصر بردو انك تثبط من قدراتي ومهاراتي ليه رجعت تاني يا رائف ليه انا على قد ما حبيتك بقيت بكرهك
علشان كدا قالت بضيق
_انا عمري ما اعتذرت عن مهمة اتعرضت عليا، وان كان على الضيقة اللي انت فيها فانت مضطر تتحمل لما تنهتي علشان تخلص مني طالما مضايقك الشغل معايا اوي كدا، وعلى فكرة انا كمان اول مرة استلم مهمة واكون مخنوقة منها ومش متحمسة بالشكل ده ،الظاهر علشان انت موجود فيها
وسابته ومشيت
رائف فضل يبص مكان ما مشيت وقال
_سامحيني يا أمل مش عارف ليه لما بشوفك بحس اني متعصب وعايز أضايقك وأشوفك متنرفزة مش عارف ليه برتاح في كدا رغم اني بعدها بتوجع علشانك، ولما طلبت انك تسيبي المهمة فده علشان خايف عليكي يا أمل اللي جاي صعب وخطير جدا وانا مش هتحمل يحصلك حاجة أبدا، أنا ممكن أموت لو جرالك حاجة
وفي أثناء المهمة الأخيرة
كانت المعركة حامية بين الطرفين لكن تيم رائف وأمل اثبتوا قدراتهم وكفاءتهم وقدروا يتغلبوا على المجرمين، لكن في لحظة غدر ضرب واحد من المجرمين الرصاصة في رائف
فأمل أول ما شافت كدا وقفت قدام رائف تحميه فجت فيها
صرخ رائف بألم
_لاااا اماااااال
تم القبض على رجال العصابة كلهم واتنقلت أمل المستشفى
رائف كان هيتجنن عليها والكل كانوا هناك حتى سيلين وسامية
سيلين
_اهدى رائف هتبقى كويسة
_اهدى ازاي يا سيلين وانا روحي جوا معاها، أمل أخدت الطلقة بدالي ضحت بنفسها وبحياتها ومترددتش ثانية علشان تحميني، انا اللي المفروض اكون مكانها دلوقتي انا بدل ما احميها هي اللي حمتني يا سيلين
_اهدأ ارجوك ما تفعله غير صحيح
جه عمه وقال
_ادعيلها يا رائف يا بني ان شاء الله هتكون كويسة
_يارب يا عمي يارب
وبعد كم ساعة
الدكتور خرج
_طمنا يا دكتور
_الحمد لله عدت مرحلة الخطر وقدرنا نخرج الرصاصة كانت في مكان حرج وجنب القلب مباشرة بس الحمد لله ربنا سلم وعدت ع خير
رائف سجد شكر لربنا وروحه اتردت فيه تاني
وبعد كم يوم
دخلها رائف لما سمحوا ليها بالزيادة
وقال مدعي السخرية
_ هه ما انتي طلعتي زي القطط بسبع ارواح اهو ، متبقيش تعملي فيها شجيع السيما تاني.. انا جيت اطمن عليكي قبل ما اخد سيلين وامشي سلام
سامية دخلت لأمل لقتها بتعيط
_حمدا لله على السلامة يا أمل، ايه يا قلبي بتعيطي ليه في خاجة بتوجعك هنادي الدكتور
_رائف مفيش فايدة فيه طول عمره ومهما أعمل مش هيعترف بيا أبدا ولا هيشوفني حتى
_كلام ايه اللي بتقوليه ده .. دول الايام اللي رقدتي فيهم كان هيموت نفسه علشانك وكان بيعيط بدموع
_انتي بتقولي ايه يا سامية
_بقول اللي شوفته بعيني
_يمكن كان حاسس بالذنب مش اكتر علشان الرصاصة كانت رايحة ليه هو
_لا يا حبة عيني مهواش احساس بالذنب ده عيونه كانت بتطلع قلوب لوحدها
_قصدك ايه يا دادة
_قصدي ان رائف بيحبك بس بيكابر
_انتي غلطانة رائف ميعرفش يحبك، وكمان انتي ناسية سيلين
_اهو سيلين دي بقا اللي مش عارفة حكايتها ايه
_انسي يا سامية وبلاش تعشمي نفسك في الفاضي
وعدت الايام وامل صحتها اتحسنت ورجعت شغلها تاني
وجالها ظابط واتقدملها فوافقت لانها خلاص كانت بتحاول تنسى رائف تماما
وفي الخطوبة كل حاجة كانت جاهزة
فضلت أمل تستنى خطيبها
_ايه دا هو اتأخر ايه كدا
جه رائف وقال
_هو مين
اتوترت أمل اول ما شافته
فقال بنظرات نارية
_انتي مستنية حد!! كنتي هتتخطبي من غير ما تقوليلي من غير ما تستأذنيني!!
أمل خافت من نظراته فرجعت شوبة لورا
فزعق رائف وقال
_ردي اتكلمي
أمل استجمعت شجاعتها
_انت عايز مني ايه، وفيها ايه لما اتخطب زي ما انت خطبت
مسكها رائف من أيدها وقعد وقعدها جنب ابوها وقال
_استعجل المأذون ياعمي علشان اقدر أعاقبها على اللي عملته بطريقتي
_انت بتقول ايه انا مش فاهمة حاجة
_اسكتي انتي
جه المأذون
رائف قال
_يلا يا عم الشبخ شوف شغلك
_هو فيه ايه
_في اني هتجوزك حالا
_انت بتقول ايه..
_اللي سمعتيه
_وسيلين خطيبتك
_هتفضلي طول عمرك غبية
_سيلين كانت مهمة مكلف بيها أني احميها، بكان ءامن مكان أخليها هنا في بيت عمي عمر ما حد هيتوقع انها هنا، ولما الحمد لله اتقبض على الللي بيلاحقوها رجعتها تاني بلدها واتنهت المهمة بنجاح.. يلا يا عم الشيخ خلصني
أمل برقت وقالت
_بابا قول حاجة
_باباكي موافق انا عاطيله علم من زمان بس انتي اللي عبيكة وكنتي مفكرة ان خوفي عليكي قسوة وكره ليكي ، انا لما كنت بشد عليكي فده علشان اشوفك في اللي انتي عليه دلوقتي ، علشان اطلع منك أحلى ما عندك واديني اهو شايفك قدامي حاجة تشرف وافتخر بيها كمان
_انا مش مصدقة اللي بسمعه
_ما انتي عبيطة اقول ايه
خلص المأذون الاجراءات
فبص رائف لأمل بحدة
_تعالي هنا كنتي رايحة تتخطبي لغيري ها، ده انا دشدشتهولك والدور عليكي دلوقتي
أمل بصتله بخوف
_اااا .. ااا ررائف بالله عليك اوعي تتهور
ضحك رائف وقال
_طب صورة بقا كدا لسيادة المقدم وهي بترتجف من الخوف كدا ياااه الكل هيتحاكى عنها
ضربته في كتفه
_انت رخم على فكرة
_وانتي أحلى وأجمل وأرق بنت شوفتها في الدنيا دي كلها... أمل بحبك
وتمت
تحفة يا سيمو
ردحذفجميله يا سمسم
ردحذفجميلة قوي قوي
ردحذفروووعة بجد أبدعت
ردحذفجميلة تسلمي
ردحذفحلو
ردحذفعسل ياسيمو اسكريبت تحفة والله
ردحذف