البارت الثاني🌹
رد أسر ومني على يوسف السلام، وتركهم وانصرف وهو يمسك بيد ابنته، وهي تقفز حوله فرحاً بذهابها معه إلى العمل.
وصل يوسف الي العمل ومعه ابنته، وقام جميع من معه بحملها والسلام عليها ومداعبتها، عدا سارة التي لم تكتفي بذلك، فقامت بنزول الي كافيه الشركة، واحضرت ساندويتشات وعصائر وصعدت بها مره اخرى، واستأذنت في الدخول إلى يوسف، الذي سمح لها، فدخلت ووجدت ملك تجلس على كرسي بجوار والدها وهي تحرك ساقيها بخفه:
- اهلا بالقمر الصغير، ازيك ياجميلة، اسمك ايه؟
نظرت ملك لوالدها، وعندما هز رأسه لها، عادت تنظر لسارة وهمست برقه:
- اسمي ملك، وحضرتك؟
- انا ياستي، اسمي سارة، قولي لي بقى ياقمر ياصغنن فطرتي؟
نظر لها يوسف وابتسم:
- لسه والله ياسارة؛ لسه كنت ح اطلب ساندويتشات من الكافية.
- وانا جبت، اتفضل حضرتك، دول ساندويتشات وعصير بالهنا والشفا.
نظر يوسف لأبنته وداعب خصلات شعرها برقه:
- حبيبتي، لما حد بيجيب لنا حاجة بنقوله ايه؟
- ميرسي ياطنط.
- العفو حبيبتي، عن اذنكم.
وقف يوسف وهو ينظر لسارة:
- طيب يعني طالما جبتي الفطار، يبقى تعالي افطري معانا.
- ميرسي كتير يا يوسف بيه، انا سبقتكم، لما تخلص بس ملك فطارها، خليها تيجي تقعد معايا شوية، انا معنديش شغل كتير النهاردة.
- مش عايز اتعبك.
- لا خالص، مافيش تعب ولا حاجة، دي حتى شكلها هادي خالص.
- فعلا هي نسمة زي مامتها.
- ربنا يحفظها لكم يارب عن اذن حضرتك.
تركتهم سارة وخرجت عائدة لمكتبها وجلس يوسف يطعم ابنته الصغيرة ويسقيها العصير وكانت ملك تتسم بالهدوء فهي نسخة من امها وخالتها وبعد أن انتهى من اطعامها نظر لها وابتسم.
- حبيبة بابا، تحبي تقعدي معايا ولا تطلعي تقعدي مع طنط سارة.
نظرت ملك لأبيها وهي تبتسم:
- لو طلعت قعدت مع طنط سارة، حضرتك ح تتضايق.
- لا ياروح بابا، ح اضايق ليه، انتي اصلا هادية مش شقية.
- خلاص يابابا،اروح اقعد مع طنط سارة، شوية صغنتوته؛ علشان حضرتك تشوف شغلك، وبعدين ارجع اقعد مع حضرتك.
- ماشي ياروح بابا، تعالي يالا اطلعك لطنط سارة.
وذهب يوسف مع ملك للخارج وسلمها لسارة:
- سارة خليها معاكم شوية وبعد كده هاتيها لي في المكتب
- تحت أمرك يوسف بيه
اجلست سارة ملك بجوارها، وأخذت تعطي لها بعض الأوراق والاقلام الملونة واخذوا يرسمون معاً وهم يضحكون، وكان صوت ضحكات ملك يصل إلى اذن والدها بالداخل، فأبتسم سعيدا لسماع ضحكاتها.
مر الوقت وملك بين والدها وبين سارة، حتى اضطر يوسف لجعل الباب مفتوحاً حتى تستطيع الدخول والخروج بسلاسه.
وبعد انتهاء العمل، احتضنت سارة ملك بقوة، وهي تطلب منها العودة مره اخرى لرؤيتها؛ لإنها احبتها كثيرا.
وبالفعل انصرف يوسف ومعه ملك الي منزل أسر حتى يطمئن عليهم.
مضى عشر ايام على مرض مني، وذهاب ملك كل يوم مع أبيها الي الشركة، وتعلقها بسارة وكذلك تعلق سارة بها.
وكانت ملك تقص على خالتها، كل يوم مايحدث في الشركة وكيف تعاملها سارة، وتحضر لها الطعام والالعاب وكذلك تصنع لها الحلويات و تحضرها معها.
واستعادت مني صحتها مره اخرى، وعاد يوسف يحضر لها ملك بدل أخذها معه للعمل، وكانت سارة تحدثها دائما في الهاتف حتى مر شهر على ذلك وفي يوم عاد أسر من العمل ووحد مني تجلس ولم تشعر بدخوله ولا بصياح ملك عليها فاقترب منها وجلس بجوارها ففزعت
- ياخبر يا أسر خضتني حبيبي.
- خضيتك ايه! انتي كنتي في دنيا تانية خالص حبيبتي. في ايه مالك؟
نظرت له وأبتسمت وهي تضع رأسها على صدره وتقبل تجويف عنقه برقه:
- مافيش حبيبي ونظرت لملك الجالسة علي ساق أسر وهي تعبث بهاتفه وهمست بالليل اقولك، ادخل غير هدومك على ما أحضر الأكل يوسف زمانه على وصول.
قبل أسر رأسها بحب، وقام وهو يحمل ملك:
- ماشي ياقلبي ح ادخل اسلم على بابا واسيب معه ملك وبعد ما اغير اجيبهم واجي لك هوا ياقلبي.
- ماشي ياروحي.
حضر يوسف وتناولوا الطعام معا، وجلس معهم حتى المساء وبعدها قام حاملاً ابنته وعاد الى منزله،وقامت مني بإعادة كل شئ الي مكانه، واخذ أسر والدها الي غرفته وجعله ينام في الفراش وقام بإعطاء دوائه وخرج ذاهباً لغرفتهم وبعد قليل وجد مني تدخل وبعد أن ابدلت ثيابها جلست بجواره على الفراش فأخذها في احضانه وهمس بحنو
- حبيبتي مالها النهاردة ليه سرحانة كتير؟
نظرت مني له وهي تبتسم لأنه يشعر بها دون أن تتحدث
- ابدا حبيبي بس ملك طول الوقت بتكلم عن سارة وكمان هي بتكلمها دائما ويفضلوا يرغوا مع بعض ويضحكوا.
نظر أسر لها محاولاً ان يستشف معنى كلامها ولكنه فشل في ذلك
- قصدك ايه يامنيتي.
- مش عارفة يا أسر يوسف حتى مش بيجيب سيرتها خالص تعرفها يا أسر شفتها قبل كده
ابتسم أسر لزوجته وهو يقربها اكثر له ويحتويها بين ذراعيه
- طبعاً اعرفها حبيبتي هي كانت بتشتغل عندي قبل ماتتنقل عند يوسف لظروف شخصية هي ست محترمة نشيطة ماحدش قال عليها أي كلمة.
- أيه مش متجوزه؟
- كانت حبيبتي كانت وأطلقت من كام شهر كده تقريبا على حد ما سمعت ان يعني جوزها كان مستعجل وعايز يخلف فأهله اجبروه يتجوز عليها وهي رفضت بس ليه كل الأسئلة دي بتفكري في ايه.
- اشوفها الأول وبعدها اقولك بفكر بأيه.
- طيب افهم منك برضه.
- يوسف مش ح يفضل كده طول العمر يا أسر صحيح صعب عليا اقول الكلام ده مرام اختي لكن هو وملك محتاجين ست في حياتهم لازم يوسف يتجوز وبما ان سارة دي متعلقه بملك بالشكل ده وكمان ملك متعلقه بيها يبقى ليه لا بس اشوفها الأول قبل ما اتكلم مع يوسف
نظر لها أسر وهو يشعر بألمها فـ مرام كانت اختها الوحيده بل تكاد تكون تؤامتها فأحتضنها بقوه
- سيبك من تشوفيها دي تفتكري يوسف ح يقبل يتجوز ويدخل حياته ست غير مرام طيب وانتي ح تقدري تتحملي ده أن في ست غير مرام في حياة يوسف
بكت مني في أحضان زوجها وهي تتشبث به بقوه:
- موجوعة وح توجع بس لازم اتحمل ملك انا معاها اه بس مش طول الوقت وفي وقت ح تحتاج حد معاها على طول ويوسف نفس الكلام يا أسر يبقى لو في حد مناسب ليه لا ح تتوجع شوية بس ح تعدي بس المهم اتعرف عليها الأول قبل ما اتكلم مع يوسف.
- تمام ياقلبي بكره لما يجي يوسف وينزل اخدك ونروح لهم الشركة
- تمام حبيبي.
- تعالي بقى في حضني احسن انتي وحشاني قوي
ضمها أسر لأحضانه واخذ يقبلها حتى ذهبوا لعالمهم الخاص بهم وبعد وقت أمامها على صدره محتضناً اياها بقوه وذهبوا في النوم.
🌺🌺🌺
استيقظ يوسف في الصباح وقام بروتينه المعتاد واخذ ملك ذاهباً الي أسر ومني حتى يتركها عندهم وصعد معها فوجد أسر يفتح له الباب
- صباح الخير يا أسر أيه انت متأخر ليه كده؟
- صباح الفل يا جو ابدا حبيبي صحيت متأخر شوية والنهاردة معنديش حاجة ضروري قررت اقعد مع الحلوين دول لوحدي وانت تروح تتعك في الشغل
ضرب يوسف كتفه وهو يبتسم:
- ماشي ياعم الخفيف خليك مأنتخ كده سلام انا علشان عندي شغل ضروري ونظر لأبنته وهو يقبلها عايزة حاجة ياروح بابي
- لا يا بابي ميرسي حبيبي بس سلم لي على طنط سارة كتير.
- حاضر ياعيوني سلام ياقطتي الجميلة
- سلام يابابتي ياحلو.
خرج يوسف من المنزل ودخلت ملك تبحث عن مني وجدها محمد فوجدتهم في غرفة الجد فجرت على جدها الذي رفعها واجلسها على ساقه وهو يقبلها.
- حبيبة قلب جدو انتي وحشتيني.
- وحضرتك كمان ياجدو وحشتني كتير قوي، منمن وحشتيني قوي يامنمن
- انتي كمان ياقلب منمن وحشتيني كتير قد البحر يالا تعالي معايا نحضر الفطار علشان بعد كده بشوية ح اخدك انا وعمو اسر ونخرج سوا
صفقت ملك بيديها الصغيرة في سعادة عارمة وهي تلقى بنفسها في أحضان مني
- بجد يامنمن.
- بجد ياروح منمن يالا تعالي معايا نحضر الفطار ثم نظرت لأبيها بحنان وهي تقبل يده مش ح نتأخر عليك يابابا
- براحتك يا قلبي انا لسه واخد الدواء.
خرجت مني وهي تمسك بيد ملك في يدها وذهبوا لتحضير طعام الإفطار فرغم وجود شغالة في المنزل الا ان مني تحب دائما أن تصنع هي كل شئ يخص الطعام وبعد ان انتهوا من الإفطار قامت مني بارتداء ملابسها هي وأسر وتحركوا للشركة بعد أن قاموا بشراء بعض الملابس والالعاب لـ ملك وفور دخولهم الشركة تركت ملك يد متى وجرت الي سارة تحتضنها والأخرى تحملها وتقبلها حتى وقفت مني أمامها مع أسر وكانت سارة تعرف أسر فنظرت له وابتسمت بخفه:
- اهلا وسهلا مستر أسر شرفت
- اهلا سارة ازيك اعرفك مدام مني مراتي
- اهلا وسهلا يامدام مني شرفتينا اتفضلوا اتفضلوا
- اهلا بيكي ياسارة ملك دائما بتكلم عنك.
خجلت سارة واحمر وجهها ونظرت الي مني:
- يارب يكون بالخير.
- اكيد طبعا يا سارة يالا ياملوكة ندخل لبابي.
- يالا ياطنط ح اشوفك تاني ياطنط سارة.
- ان شاء الله حبيبتي انتي وحشاني كتير
- وحضرتك كمان ياطنط عن اذنك.
- اتفضلي حبيبتي.
دخل أسر ومعه مني بيده وملك بيده الأخرى فوقف يوسف فزعاً عند رؤيتهم
- في أيه انتم كويسين بابا محمد كويس حصل ايه ماتنطق انت وهي.
نظر له أسر وهو يضحك بقوه ويزيحه بيده:
- في أيه ياعم القطر داخل حامي كده ليه ماتفرمل نفسك شوية ايه خمسين سؤال مع بعض.
ضحكت مني ونظرت له:
- أيه يا يوسف ماتتخضش كده كنت زهقانا نزلنا انا وأسر شوية مع بعض لفينا شوية واشترينا شوية حاجات ليا ولملك وقلنا نيجي نقعد معاك شوية ايه بلاش
هدئ يوسف بعد أن علم سبب زيارتهم وحمل ابنته يقبلها واستدار عائداً الي مكتبه:
- اهلا وسهلا ياختي تنوروا تشربوا ايه بقي
رد أسر سريعاً
- ما انت عارف ورد الثلاثة في نفس واحد ثلاثة قهوة على الريحه وصلحوا واخذوا يضحكون
قام يوسف برفع الهاتف وطلب من عامل البوفية القهوة لهم والعصير لملك وبعد قليل استمعوا لدقات الباب فسمح يوسف بالدخول فوجدوا سارة تدخل وهي تحمل ما تعتاد دائما إحضاره لملك من حلويات
- انا اسفة للازعاج بس جيت ادي دول لملوكة.
نظرت مني لها وابتسمت:
- تعالي ياسارة اقعدي معايا شوية انا نفسي اتعرف عليكي من كلام ملوكة عنك لو مش ح اعطلك.
شعرت سارة بالاحراج ولكن نظر يوسف وابتسم:
- تعالي ياسارة دي مدام مني خالة ملك.
- اه طبعا اتعرفت على حضرتها بره نورتينا النهاردة يا مدام مني.
- منور بيكم حبيبتي بلاش مدام دي بقي وخلينا أصحاب مني على طول ولا عايزانى اقولك مدام سارة.
- لا طبعا ازاي.
نظرت مني لأسر وابتسمت:
- بقولك حبيبي ح اخد ملك انا واطلع اقعد مع سارة بره انتم اكيد ح تتكلموا في شغل وانا مش عايزة اعطلكم.
- ماشي حبيبي انا مش ح أطول.
- براحتك يا حبيبي احنا ح نروح نتغدى بره مع بعض زي ماوعدتني
- طبعا ياقلبي. - ماشي يالا يا لوكا تعالي نطلع نقعد بره احسن.
- حاضر ياطنط ممكن يابابتي.
- ممكن ياروح بابي انتي.
🌺🌺🌺🌺