شبهتها بالملاك أسكربت للكاتبة أسماء عبد الهادي

 شبهتها بالملاك 
أسكربت جديد للكاتبة 
أسماء عبد الهادي 

حصري على مدونة روايستا 

اسكربت كوميدي رومانسي 

تغاضوا على الأخطاء الاملائية من سرعة الكتابة🙈

دي داليا بنت عندها ٢١ جميله وملامحها هاديه وطيبه جدا مامتها توفت من سنتين وعايشه لوحدها مع باباها اللي عمره ما عاملها كويس لا قبل ما مامتها هتموت ولا بعد ما ماتت بل بالعكس لما مامتها ماتت بدا باباها يعاملها بقسوه اكثر وبحده هي مش عارفه سببها ايه.. لكن القدر هيوقعها في ناس هيغيروا حياتها تماما خلونا نتابع 

 في يوم دخل ابو داليا البيت وفي ايده واحده داليا استغربت 

_بابا مين دي وبتعمل ايه هنا

ردت وقالت 

_انا مراته ياادلعدي... هي دي بنتك النيله اللي بتقول عليها

طاهر بضيق 

_ايوة للاسف هي بنتي اللي قاعدالي زي العمل الرضي

داليا بحزن _انا يا بابا؟؟ 

طاهر_ ادخلي يا بنت على اوضتك داليا_ ليه يا بابا اتجوزت على ماما انا مكنتش عايزه مرات اب

طاهر_ يقطع خبرك انتي وامك مش عارف امتا ارتاح منك 

_ليه يا بابا بتعاملني كده وحرام عليك ماما ميته يعني ما يجوزش عليها الا الرحمه

 طاهر زعق _بقول لك ايه انا مزاجي رايق ومش عايزه اعكره غوري من وشي

 سومه قالت_ لا بقول لك ايه بنتك دي شكلها نكديه وشكلنا كده مش هنعمر مع بعض انا عايزه شقه لوحدي

طاهر_ لا لا ما تقلقيش منها انا هشد لك عليها شويه واخليها تتعدل وتعمل اللي انت عايزاه كله

 سوما_ ان كان كده ماشي

 مسك ايديها وقال_ تعالي يا حبيبتي اوديكي اوضتك نورتي بيتك ومطرحك

اطلقت سوما ضحكة رنانة سمعتها داليا من اوضتها فزاد بكاءها 

_ليه يارب بيحصلي كل دا انا كنت متحملة قسوة بابا عليا يقوم يجيبلي مرات اب يارب هون يارب 

وفضلت تعيط لحد ما نامت 

__ 

صحيت تاني يوم الصبح وفي حد بيشدها من شعرها 

_اااه شعرري في ايه 

واول ما شافتها انها مرات ابوها 

_ انتي بتعملي ايه وازاي تشدي شعري كدا وكمان ازاي تدخلي اوضتي من غير استئذان

سوما_ نعم يا عنيا البيت ده بيتي انا من هنا ورايح واعمل اللي انا عايزاه ادخل المكان اللي احبه في اي وقت واتنيلي يلا على المطبخ شوفي هتعملي لنا فطار ايه

_ نعم وانا اعمل الفطار ليه ما تعملي فطارك لنفسك

_ شوف البنت وقله ادبها انتي كمان هتردي عليا لا انت ما عندكيش دم ولا اتربيتي وانا جايه هنا علشان اربيكي

 ومسكتها تاني من شعرها صرخت داليا 

_اه شعري حرام عليك الحقني يا بابا يا بابا ااا

سوما ضحكت بسخرية 

_اه يا اختي اندهي لابوك عشان يجي يكمل عليك ضرب اوعي تكوني مفكره هيدافع عنك اسمعي بقى انا هنا ستك وكلمتي هنا الكل في الكل وانتي هنا ابوكي قال لي انك هتكوني الخدامه بتاعتي وبس يعني هتعملي كل اقول عليه فاهمه  يا حلوه ولا فهمك تقيل ها ولا تحبي افهمك بنفسي

داليا بدموع _فاهمه فاهمه حسبي الله ونعم الوكيل فيكي ربنا على الظالم والمفتري 

_بتحاسبني عليا يا بت طب وربنا لاجيب لك ابوك يربيكي

 داليا خافت لانها عارفه باباها كويس قوي انه ممكن يبهدلها فقالت بخوف_

 لا لا خلاص انا اسفه انا اسفه قوي والله مش هكررها

 سوما بسخريه_ ايوه كده اتعدلي يا حلوة عالم متجيش الا بالعين الحمرا 

راحت داليا ع المطبخ ودموعها ع خدها وعملت الفطار 

وحطته ع السفرة فجه ابوها وسوما فطروا وفضلوا يهزروا مع بعض ولا عاملين اي اعتبار ليها ولا كأنها موجودة وهل فطرت ولا لا محدش اهتم لدا 

سوما قالت بعد الأكل 

_بت يا نيلة تعالي لمي الأكل اخلصي 

جت داليا وقالت 

_حاضر هلمه اهو 

وبصت لباباها_ بابا من فضلك كنت محتاحة فلوس علشان اجيب كتب للجامعة 

ابوها بصرامة 

_معييش فلوس دلوقتي لما ابقى اقبض 

اخدت داليا اطباق من سكات ودخلتهم المطبخ وسمعت سومه بتقول لابوها _حبيبي انت وعدتني انك هتخرجني النهارده وهتغديني كمان غدوه سمك معتبره بمناسبه جوازنا

 طاهر باس ايديها وقال

_ طبعا يا حبيبتي كل اللي تطلبيهم مجاب قومي يلا البسي وانا اخدك اعمل لك كل اللي انت عايزاه واجيب لك كل اللي تطلبيه

داليا ما قدرتش تمسك دموعها تحسرا على حالها اللي هي عايشه فيه واول ما نزل ابوها ومراته خرجت هي وراحت عند البحر تشكي همها هناك زي ما متعوده تعمل لما تكون مخنوقه

وهناك وهي قاعدة بتعيط شافت بنت بتغرق 

__ ياربي في بنت بتغرق 

فبدون تردد قامت بسرعة من مكانها وانقذتها 

_ انتي كويسة سامعاني 

البنت فضلت تكح _كح كح ااا 

داليا_ انتي كويسة طمنيني ارجوكي تحبي اخدك لمستشفى؟؟ 

_ انا كويسة شكرا ليكي هو ايه اللي حصل 

_ انتي كنت ماشية ع الشط عادي لكن فجأة وانتي ماشية سرحتي ودخلتي لجوا وكنتي هتغرقي 

_اه اصلي كنت حزينة النهاردة سنوية ماما الله يرحمها وربنا اللي يعلم اليوم دا بيعدي عليا ازاي 

_ يا حبيبتي ربنا يرحمها ويرحم ماما واموات المسلمين 

_ انتي كمان مامتك ماتت 

_ اه للاسف من سنتين ماتت وسابتني يا ريتها كانت ادختني معاها 

_وانا كمان بقول كدا الله المستعان.. احنا الظاهر ظروفنا واحدة 

_ لا ظروفي ربنا ما يكتبها ع حد .. المهم سيبك انتي اسمك ايه 

_ انا نور وانتي 

_ انا داليا 

_ تشرفنا يا داليا شكرا ع انقاذي 

_ اهلا بيكي يا حبيبتي ربنا يسلم طريقك يارب.. 

وجه لنور تلفون 

_ ايوا يا دادا انا كويسة انا خرجت اتمشى شوية ع البحر.. حاضر جاية اهو .. والله كويسة متقلقيش عليا

وبصت لداليا 

_ ديدو ايه رايك تيجي تقضي اليوم معايا .. انت زي ما انتي شايفة اليوم دا بكون مكتئبة وع اخري فهكون مبسوطة لو حد شاركني اليوم دا 

_ اه بس انا اتحرج من اهلك يا نور 

_ انا قاعدة مع الدادة بتاعتي يا داليا 

_ وباباكي فين 

_ بابا مات من قبل ما اتولد مشفتوش 

_ يا حبيبتي ربنا يكون في عونك يعني ملكيش اي قرايب 

_ لا خالو عايش معايا بس هو مسافر في سفرية شغل 

_ اها يرجع بالسلامة 

_ها هتيجي معايا بقا ولا هتتحرجي من الدادة 

ابتسمت داليا 

_ لا خلاص جاية 

وقالت ف نفسها 

_يمكن ربنا بعتك ليا علشان انسى همي شوية 

وبالفعل اتحركوا  مع بعض فشافتها داليا

_ ايه دا دي عربيتك 

_ اه يا بنتي مالك مندهشة ليه 

_ مفيش اصلك شكلك صغيرة على سواقة العربيات 

_ ههه خالو بردو قالي كدا بس على فكرة انا مش صغيرة يا جماعة انا عندي ٢٠ سنة يبقة ايه بقا 

_ بصراحة شكلك صغون اوي وقمورة

_ ميرسي ليكي يا داليا وانتي كمان عسل اوي 

_ ربنا يكرمك عيونك اللي جميلة 

وبالفعل ركبوا 

ووصلوا لفيلا صغيرة جميلة اوي 

داليا 

_ لا مش معقول 

نور

_ ايه 

_ انتي عايشة في فيلا بجد 

ضحكت نور 

_اه يا بنتي في ايه مالك مصدومة كدا

_انا عمري ما دخلت فيلا قبل كدا 

مسكتها نور من ايديها 

_اديكي هتدخليها اهو تعالي يلا _اتفضلي اعرفك ع دادة امينة وافرجك ع الفيلا كلها 

دخلوا سوا 

نور_ دادة يا دادة انا جيت 

جت الدادة وحضنتها بخوف ولهفة

_ نور يا بنتي طمنيني عنك انا قلقت اوي اول مدخلت اوضتك وملقتكيش معقول كدا تخرجي من غير ما تديني خبر

_معلش يا دادة حقك عليا 

_يا بنتي انا بخاف عليكي انتي عارفة اني معزتك عندي قد ايه 

_عارفة يا دادة ربنا يخليكي ليا 

اتنهدت داليا واتمنت انها تلاقي حد يحبها زي حب الدادة لنور 

نور قالت 

_دادة دي داليا وصاحبتي اتعرفت عليها عند البحر 

الدادة_ اهلا يا بنتي منورة 

داليا _اهلا بيكي يا دادة 

همست لها نور 

_اوعي تقولي لدادة اني كنت هغرق هتقلق عليا وهتعملها ليا حوار ومناحة ها 

ابتسمت داليا 

_ماشي اطمني 

الدادة_ يلا يا بنات علشان تفطروا

نور_ اها يلا يا داليا 

داليا_ لا لا شكرا كلي انتي بالهنا والعافية 

شدت أيدها_ وشكرا ايه يا بنتي قومي اومال مين اللي هيفتح نفسي انا مبحبش اكل لوحدي صح يا دادة 

_صح يا بنتي 

داليا باحراج_ بس يعني انا ااا 

نور ضحكت 

_دادة داليا عسولة اوي يا دادة بتتحرج 

الدادة 

_ربنا يكملها بعقلها قومي يا داليا يا بنتي افطري مع نور البيت بيتك 

نور _يلا بقا يا ديدو هزعل منك 

وبالفعل قامت داليا وفطروا سوا وفضلوا يتكلموا ويهزروا وكل واحدة حست انها العوض اللي بعته ربنا للتانية 

بصت داليا لساعة موبايلها 

_نور انا اتأخرت ولازم اروح اشوفك وقت تاني 

_لا يا ديدو علشان خاطري خليكي معايا  

_معلش يا حبيبتي هبقى اجي لك وقت ثاني بجد علشان مش هينفع اتاخر اكثر من كده

_ ماشي هسيبك تمشي بس على وعدك انك تجيلي دايما انا بجد ارتحت لك قوي وحبيتك قوي

_ وانا كمان يا نور وربنا اللي يعلم كأنك كده جيتيلي من السما ربنا بعتك ليا الدنيا هديه وفي الوقت المناسب 

نور_ على فكره انا اللي اقولك الكلام ده انتي اللي جيتي في اكثر وقت انا كنت محتاجاكي فيه 

وبعد كده ضحكوا ونور قالت

 _ايه رايك نتعاهد على الصداقه ونفضل مع بعض على طول

 داليا_ ما عنديش مانع ابدا لي الشرف كمان يا حبيبتي 

_طيب يلا تعالى اوصلك علشان ما تتاخريش

 وبالفعل وصلت نور داليا وتوالت المرات اللي بيتقابلوا فيها سواء في الجامعه او في البيت هنا عند نور 

 داليا كانت بتقضي يومها كله مع نور وبعد كده لما اليوم يخلص  بترجع على بيتها اللي مش عايزه تروحه من الاساس وبتكرهوا جدا لكن ما فيش عندها حل غيره بعد ما مشيت

الدادة قالت 

_شكلها بنت حلال اوي وطيبة وانا نظرتي في الناس مبتخيبش 

_اها والله فعلا يا دادة 

وتاني يوم كانت داليا مع نور بيفطروا ف الحديقة 

فنور قالت 

_داليا هطلع اجيب البوم صوري وانا صغيره من فوق من اوضتي مش هتأخر 

_اوك ماشي 

في الوقت ده وصل خال نور وكان شاب ف التلاتينات 

واول ما شاف داليا قرب منها وقال 

_انتي مين وبتعملي ايه هنا 

داليا قامت وقفت 

_انت اللي مين وازاي تدخل هنا من غير استئذان اتفضل اطلع برا حالا 

_لا انتي بتهرجي مش كدا 

_بهرج ايه يا استاذ انت اتفضل اطلع برا 

_دي فيلتي يا انسة ها فيلتني ممكن اعرف انتي اللي مين بقا وبتعملي ايه هنا 

داليا ارتبكت 

_اا ايه فيلة حضرتك ... ططط طب ونور 

كشر زين وقال 

_نور بقا حسابها معايا عسير بس لما اشوفها 

نزلت ونور واول ما شافته جريت عليه بسرعة ورمت نفسها ف حضنه 

_زين مش معقول انت جبت امتا وحشتني اوي اوي يا حبيبي 

داليا اتضايقت وقالت في نفسها 

_ليه كدا يا نور ازاي تحضنيه وتقربي منه بالشكل دا ميصحش وحرام 

زين لنور 

_وانتي اكتر يا عيون زين... بس تعالي مين دي 

نور شدت ايده وقربت من داليا 

_تعالى يا زين لما اعرفك على داليا صاحبتي اتعرفت عليها من كم يوم بس 

وبصت لداليا 

_داليا دا زين.. ااا 

ولسه هتكمل 

زين كشر وشد ايد نور واخدها ووقفوا ع جنب

_نور ايه اللي عملتيه دا ازاي تدخلي بنت غريبة الفيلا من غير اذني 

_دي مش غريبة يا زين دي صاحبتي 

_صاحبتك ايه اللي لسه متعرفة عليها بقالك كم بوم بس علشان تثقي فيها وتدخليها البيت وانا مش موجود هو دا اللي اتفقنا عليه يا نور ... نور انا خايف عليكي انتي لسه صغيرة وتجاربك ف الحياة تكاد تكون معدومة وممكن اي حد يضحك عليكي ويستغلك 

_اه يا زين بس داليا فعلا بنت كويسة وطيبة ومحترمة 

_حيلك حيلك وانتي لحقتي عرفتى عنها كل دا منين .. نور من فضلك مش عايز اشوف البنت دي هنا تاني وكلامي يتسمع 

_زين داليا اللي انقذتني لما كنت بغرق ولولها كان لا قدر الله كنت ف خبر كان 

_ايه كنتي ايه بتغرقي انتي بتهرجي يا نور ازاي دا يحصل وامتا وانا اخر من يعلم 

_الحمد لله يا خالو جت سليمة وداليا الحمد لله لحقتني 

_لا انتي احكيلي ايه اللي حصل بالتفصيل 

حكتله نور 

فزين حضنها جامد وقال بخوف وعنبه مليانه دموع 

_نور حبيبتي انا اسف اوي اوعدك اني هصفي شغلي اللي برا وهفضل هنا جنبك علطول حقك عليا يا نور... وبالله عليكي  طمنيني انتي كويسة 

ضحكت نور 

_ايه يا زين في ايه قلبت دراما ليه ما انا قدامك اهو كويسة يا ابني 

_ابنك ماشي مقبولة منك 

وحضنها 

_سامحيني يا نور اني انشغلت عنك 

داليا حست ان وجودها مبقاش مرغوب فيه فقالت لنور 

_ااا نور انا هستأذن انا اشوف وشك على خير 

نور 

_لا استنى يا داليا رايحة فين احنا لسه مقعدناش 

قرب زين من داليا وقال بامتنان 

_انا متشكر اوي يا انسة داليا على انقاذك لنور حقيقي انتي باللي عملتيه رديتي ليا روحك انا مدين ليكي بحياتي 

داليا كانت متضايقة من زين علشان مكانتش تعرف طبيعة العلاقة اللي بتجمع زين بنور 

فقربت من نور وهمست لها 

_نور عايزاكي ممكن لحظة 

نور_ خير يا حبيبتي 

_نور انتي مش قلتي انك ملكيش قرايب هنا غير خالك وبس 

_اه فعلا دا حقيقي 

_طب ممكن اعرف مين دا بقا 

_دا اللي هو مين 

_استاذ زين اللي انتي نازلة بوس واحضان فيه من ساعة ما جه بقى دا يصح يا نور ولو خالك عرف هيقول عليكي ايه 

زين كان سامع الكلام ومبسوط اوي من شخصية داليا وبعدين بص لنور وانفجروا ف الضجك 

اتغاظت داليا وقالت بنرفزة 

_نور انا قلت حاجة تضحك بتضحكي ليه... عامة انا مش واجبي النصيحة اللي بتعمليه دا غلط ومينفعش وانا مش هقدر اسكت ع الوضع اللي زي دا انا ماشية 

نور ضحكت اكتر 

_استنى بس يا مجنونة 

داليا_ لا مش ننتظر هنا ثانية واحدة 

زين ضحك 

_نور قوليلها يا بنتي دي هتنفجر مننا دلوقتي 

ضحكت نور 

_داليا استنى انتي فاهمة غلط يا بنتي زين دا يبقى خالوا اللي كلمتك عنه 

داليا وقفت مكانها وقالت 

_نعم دا يبقى خالك 

نور _اه يا بنتي زين يبقى خالوا اخو ماما بس انا نادرا لو قلتله خالوا بقوله دايما زين علشان تقارب اعمارنا الى حد ما 

_معقولة يبقة خالك فعلا؟ 

رفع زين حاجبه وقال باستنكار 

_ايه مالك مستغربة ليه

ارتبكت داليا وقالت 

_ااا اصلي بصراحة فكرت خالها هيكون راجل عجوز وبشعر وشنبات بيضا 

ضحك زين

_لا يا ستي انا قدامك اهو مش عجوز ولا حاجة انفع ولا ايه

_انا اسفة 

_لا بتتأسفي ع ايه مفيش مشكلة وبشكرك مرة تانية ع انقاذك لنور 

_الشكر لله انا معملتش حاجة واوي حد مكاني كان هيعمل كدا 

_لا الظاهر ان صاحبتك متواضعة جدا 

نور_ جدا وقلبها طيب ورقيقة جدا جدا 

داليا اتحرجت

_اا انا بستأذن لازم امشي دلوقتي عن اذنكم 

ولما مشيت داليا 

قعد زين يتكلم مع نور فحكتله كل اللي تعرفه نور عن داليا 

نور 

_مسكينة داليا بتعاني مع ابوها ومراته 

زين أشفق ع الوضع اللي فيه داليا ورغم كدا بردو بعت رجالته يسألوا عنها ويجيوا معلومات كاملة عنها ل

علشان يقدر بكون مطمن ع نور معاها 

وفي يوم جت داليا بناء ع اتصال نور بيها 

وقضت اليوم معاها لحد ما زين رجع من الشركة

واول ما داليا شافته قامت وقفت 

_طب استأءن انا بقا

زين_ ع فين ما لسه بدري

نور_ لا بتهرجي دا اليوم لسه ف اوله 

داليا_ معلش مش هينفع انا لازم امشي 

زين_ خلاص تمام يا نور سيبيها براحتها 

ولما جت داليا تمشي 

بدأ الجو يمطر وظهرت رياح قوية مرة واحدة 

زين _مش هتعرفي تروحي في الجو دا 

داليا_ لا لا هلحق قبل ما الدنيا تمطر اكتر يلا السلام عليكم

زين 

_لا استنى طالما مصرة كدا تعالي اتفضلي اركبي اوصلك 

داليا 

_لا لا مش هينفع 

_لا مش هينفع اسيبك تروحي ف جو زي دا لاما تفضلي معانا لاما اوصلك ها قلتي ايه 

_ماشي وامري لله هركب مع حضرتك 

نور سلمت ع داليا وركبت داليا عربية زين 

__

سومة كانت بتحاول تدور ع حيلة تطفش بيها داليا من البيت علشان يفضل ليها هي لوحدها 

فقالت لجوزها بكدب 

_البت بنتك تصرفاتها دي مش عاجباني علطول متمردة ومش عاجبها حد ولا حالنا وكمان بتقضي اليوم كله برا البيت... تقدر تقولي البت بتعمل ايه برا البيت والنهاردة اجازة مفيش عندها جامعة الا انها اكيد خارجة تتسرمح او بتقابل حبيب القلب 

طاهر برق بعينه وقال 

_انتي بتقولي ايه يا سوما 

_بقول اللي انت غافل عنه يا خويا الحق جوز البت وسترها دا قبل ما تجيبلك مصيبة اسمع مني انا 

_ دي وقعتها هباب زي وشها بنت الاية دي 

وصلت داليا للحي اللي ساكنة فيه 

_نزلني هنا وشكرا لحضرتك 

_حمدا لله ع السلامة

 قالها وفتحلها العربية 

وفضل ملاحظها بعنيه لحد ما وقفت قدام باب البيت

ولما خبطت داليا فتحلها ابوها اللي استقبلها بقلم ع وشها 

_كنتي فين يا بت 

صرخت داليا من القلم ومن المفاجئة فهي مش عارفة عملت ايه علشان تنضرب كدا 

وهنا ساب زين مكانه 

وراح بسرعة عند ابو داليا ويقول بضيق 

 _بتضربها ليه 

_ بنتي وانا حر فيها ان شالله اموتها وبعدين انت مين انت ولا انت حبيب القلب اللي مراتي قالت عليه 

اه يا بنت الكلب بتصيعي ع اخر الزمن وتمشي مع رجالة يا بت التيت

ونزل عليها ضرب في كل حتة ف جسمها 

زين متحملش الضرب اللي بتتعرض ليه داليا فقال

_سيبها لاما هبلغ فيك البوليس 

 طاهر 

_اعلى ما في خيلك اركبه بنتي وبربيها اومال اسيبها تصيع واتفضل غور من هنا 

بصتله داليا برحاء 

_بالله عليه متسبنيش دا ممكن يموتني لو سبتني معاه لوحدي 

ضربها ابوها بالقلم 

_وكمان يا فاجرة بتقوليها كدا عيني عينك طب انا هوريكي عايزة تروحي معاه يا فاجرة ونزل عليها ضرب بالحزام 

زين وصل لاقصى حالاته غضب فاضطر انه يقول 

_سيبها بقا انت ايه يا اخي مفيش في قلبك رحمة... اسمع انا هتجوزها وهاخدها عندي 

_معنديش بنات للجواز

_هعطيك اللي انت عايزه 

_مليون جنيه ميقلوش مليم 

_موافق 

_ماشي ان كان كدا تقدر تاخدها من دلوقتي 

داليا مكانتش مصدقة اللي بتسمعه ابوها يبيعها علشان الفلوس وبالسهولة دي لواحد اول مرة يشوفه وميعرفش عنه اي حاجة لمجرد انه هيدفع اللي طلبه؟؟ رغم انها عارفة ان باباها مش بيحبها وكمان قاسي عليها لكن مكانتش تتصور أبدا انه هيكون بالدناءة دي ويبيعها بالرخيص كدا 

فقالت ف نفسها 

_ليه يا بابا ليه تعمل معايا كدا دا انا بنتك الوحيدة ليه تعمل معايا كدا 

زين طلع دفتر الشيكات وكتب شيك بمليون جنيه وعطاه لطاهر 

_اتفضل دا شيك بمليون جنيه زي ما طلبت

مسكه طاهر وهو مش مصدق نفسه انه ماسك في ايده مليون جنيه وخلاص بقوا ملكه 

اما داليا فبصت لزين 

_لا حضرتك انت عملت ايه انت مش مضطر تعمل كدا 

زين بصلها وقال 

_اشش اسكتي دلوقتي من فضلك يا داليا 

وقال لطاهر .._ ابعت هات المأذون واتنين شهود علشان اكتب ع بنتك واخدها وامشي 

هنا قالت سوما 

_بالسهولة دي عايز تأخدها كدا دا الظاهر اللي بينكم مش حاجة قليلة 

طاهر نهرها المرة دي قبل ما زين يطلع كل غضبه فيها 

_بس يا ولية حطي لسانك جوة بوءك البيه هيكون جوز بنتك خلاص فتكلميه بأدب انتي فاهمة 

انتظروا عشر دقايق لحد ما جه المأذون وطول الوقت دا داليا ما بطلتش بكا ع الحالة اللي وصلت ليها 

فهمس لها زين_ ممكن تبطلي عياط من فضلك 

فقالت_ لا لا ارجوك خد فلوسك تاني حرام تدفع كل دا انت مش مضطر ارجوك متحملنيش الذنب احنا لسه فيها من فضلك 

زين_ داليا خلاص خلص الكلام وانتي هتكوني مراتي ودلوقتي حالا 

_لا بالله عليك انت مش مضطر لدا انا صحيح طلبت مساعدتك وقلتلك متسبنيش لكن مش تدبس بالشكل دا انا اسفة حضرتك ممكن تعتبر اني مقولتش ليك اي حاجة.. اتفضل روح لشغلك وانا هعرف ادبر حالي من فضلك 

_يا شيخة اتلهي تدبري حالك ازاي انا لو سبتك هنا ليلة بس ان كنتي هتسلمي من ايد ابوكي الطارشة مش هتسلمي من لسان مراته اللعين 

_ااا انا هتحمل والله هتحمل زي ما انا متحملة وساكتة وربنا هيعيني بس ارجوك اتراجع عن اللي بتعمله... انت مش مضطر تدفع كل دا اكيد المبلغ دا هيأثر ع شغلك ومسؤلياتك وكمان انت مش مضطر تتجوز واحدة زيي 

زين مردتش عليها واول ما شاف المأذون راح ناحيته ورحب بيه 

_ اهلا يا شيخنا يلا اتفضل اكتب الكتاب انا معنديش وقت 

داليا فضلك تبصله برجاء 

_ارجوك لا 

زين هزلها دماغه بهدوء علشان تطمن وتسكت 

وتم كتب الكتاب 

وسط غيظ سوما اللي كانت نار الغيرة بتنهش في قلبها 

_ صحيح يا بت كنت عايزاكي تغوري من وشي واخلي ابوكي يجوزك بأي طريقة واخلص بس مكتتش اعرف انك هتقعي الوقعة الجامدة دي دا دا شكله مليونير وراجل اعمال واصل اوي يخربيتك عرفيتيه منين جاتك البلا حظك طلع حلو اومال انا اللي ابتليت بأبوكي وش الفقر 

عرف زين انها متغاظة فحب يضايقها اكتر 

_ايه مش هتسمعينا زغرودة يا مدام ولا ايه دا بنت جوزك اللي اتجوزت دلوقتي 

سوما بارتباك 

_ااه طبعا طبعا 

وزغردت وهي ع اخرها 

قام زين وقف قدام داليا اللي الدموع م مغرقه وشها وقال_ يلا اتفضلي يا ملكه قلبي على المملكه بتاعتك اللي هتكون كلها ليك لوحدك انت وبس

 داليا ما كانتش مصدقه الكلام اللي بيقوله فبصيت له بذهول فهو مد ايده ومسح دموعها وبعديها طلع منديل وبدا يمسح كل الدموع اللي على وشها وهو بيقول علشان يغيظ سوما اكتر 

_ دموعك غاليه قوي مش عايزه اشوفها تاني مش عايزه اشوف الا دموع الفرح وبس يلا اتفضلي معايا 

سومه في نفسها_ اه يا بنت الايه يا محظوظه

خرجت داليا مع زين وركبوا العربيه وداليا طول الطريق ساكته ما تكلمتش وفي الوقت ده جه اتصال لزين من نور

_ زين انت تاخرت ليه انت مش قلت هتوصل داليا وراجع

 زين

_ نور حبيبتي انا عامل لك مفاجاه هتعجبك قوي استعدي

_ ايه ده بجد الله انا بحب مفاجاتك قوي ماشي انا منتظراك على احر من الجمر

واول ما وصلوا الفيلا داليا كانت متردده تدخل

 زين_ ادخلي يا داليا يلا 

ونور اول ما سمعت عربيه زين جريت بسرعه على بره واول ما شافت داليا استغربت

_ ايه ده داليا انتي رجعتي تاني انت ما وصلتهاش ولا ايه يا زين

 زين قال_ نور داليا هتفضل عايشه هنا معانا ومش هتمشي ابدا

 نور بفرحه_ الله ده احسن خبر سمعته في حياتي

 زين بص لظاليا وقال

_ نور داليا بقت مراتي

 نور _ لا مش معقول ايه الخبر الجامد ده

زين_ ايه رايك في المفاجاه دي

_ لا لا بجد انا اسعد انسانه في الدنيا مبروك عليك يا زين داليا حبيبتي مبروك عليك زين ده احسن راجل في الدنيا كلها 

وحضنتهم هم الاثنين سوا وهنا  زاد بكا داليا

نور قالت _زين هو في ايه داليا بتعيط ليه 

زين اتنهد باسى وقا_ل نور خديها اوضتها وانا هتكلم الدكتوره تجيلها حالا دكتوره

_ دكتوره ليه زين هو ايه اللي حصل بالظبط

_ نور اسمعي الكلام وافهمك كل حاجة بعدين 

وبالفعل طلعت داليا مع نور وبعد شويه جات الدكتوره واطمنت على داليا وكتبت لها العلاج

 زين اللي كان واقف بره اول ما شاف الدكتوره خارجه

_ قال خير يا دكتور ارجوكي طمنيني على صحتها

_ اطمن يا زين بيه شويه كدمات وده تقريبا نتيجه ضرب اتعرضت ليه فانا كتبت لها مسكنات وادويه تخفف الالم والكدمات دي وان شاء الله هتبقى كويسه

_ انا متشكر لك جدا يا دكتوره

_ العفو عن اذن حضرتك

 ولما مشيت الدكتوره خبط زين ودخل الاوضه وكانت داليا نايمه على السرير ودموعها ما زالت مغرقه وشها اتنهت زين وقال _داليا احنا اتفقنا اني مش عايز اشوف دموعك دي تاني ممكن من فضلك 

نور_ علشان خاطري يا داليا بلاش تعيطي بقى

 اتنهدت داليا وقالت

_ انا محتاجه انام من فضلكم 

 حضنتها نور وبسيتها وغطيتها كويس وخرجت بره هي وزين فداليا استسلمت للنوم العميق

 وبره نور _قالت خالو ممكن تفهمني ايه اللي بيحصل بالظبط 

فحكى لها كل اللي حصل شهقت نور _حرام عليهم اللي بيعملوا معاها كده زين وقال 

_ده كان انسب حل علشان انقذها من ايد ابوها اللي ما فيش في قلب رحمه 

_انا متشكره ليك جدا يا زين بجد باللي عملته ده رحمت داليا المسكينه وصدقني انا متاكده انك مش هتلاقي بنت في طيبه قلبها ولا في براءتها وانك هتحبها في يوم من الايام انا متاكده من ده 

زين قال هدوء

_ مش مهم اي كلام من ده دلوقتي المهم تاخدي بالك منها وترجعيها لحالتها الطبيعيه

وعدت الايام وبدات صحة داليا تتحسن وترجع ليها لبسمه تاني داليا كانت قاعده مع نور في الاوضه فخبطت الداده وقالت نور

_ زين بيه باعة ليكم الشنط دي

 ولما فتحوها لقوا هدوم لنور وكمان هدوم لداليا

 نور قالت _الله زين حبيبي على طول فاكرني وعمره ما نسيني وعلطول يجيبلي اللي انا عايزاه من غير ما اطلب.. يلا يا داليا نجرب الهدوم دي 

داليا لاحظت ان فيه كارت مع الشنط الخاصة بيها بقراته " اتمنى يعجبك زوقي ويكون فعلا ع مقاسك لو طلع حاجة فيهم مش مناسبة بلغيني" 

داليا قامت من مكانها علشان تروح لزين

نور_ انتي رايحة فين عايزين نجرب الهدوم دي 

_راجعة حالا يا نور 

اوك ماشي 

وراجت لمكتب زين وخبطت 

عرف زين خبطتها لانها مش دي خبطة نور بنت اخته_ تعالي يا داليا اتفضلي 

واول دا دخلت ابتسم وقال 

_ها الهدوم عجبتك!! 

_اا حضرتك مش مضطر.اااا 

اتضايق زين 

_لو سمعت الكلمة دي تاني هزعل منك بجد يا داليا 

_يا زين بيه ارجوك اسمعني اللي بيحصل مش هينفع يستمر كتير... انت.. انااا ...

_انتي ايه 

_انا قررت اني اشتغل هنا مع الدادة علشان يعني ااا 

_اه طيب تمام .. روحي اعمليلي فنجان قهوة 

اتنهدت داليا براحة وابتسمت وقالت 

_اه حاضر هعملها لحضرتك حالا 

واول ما مشيت زين قال_ بنت غريبة اي واحدة غيرها كانت ما صدقت عاشت في العز والهنا دا.. انا تقريبا كدا احسنت الاختيار 

وشوية ورجعت داليا والإبتسامة على وشها 

_اتفضل يا زين بيه القهوة اللي حضرتك وطلبتها انا عملتها زي ما حضرتك بتحبها وان شاء الله تعجبك حضرتك تؤمر بإيه تاني

_ها خلصتي 

_خلصت ايه 

_عملتي اللي نفسك فيه 

_مش فاهمة 

_اطلعي ع اوضتك يا داليا واياني اسمع كلامك العبيط دا مرة تانية 

ارتبكت داليا ._. بس يا زين بيه انااا وداا اال 

زعق زين 

_سمعتي انا قلت ايه يا داليا انتي هنا ست البيت  ولو عملتي ليا اي حاجة فدا لاني جوزك وبس فاهمة يلا ع اوضتك 

فضلت تبصله داليا شوية 

فزعق تاني 

_على اوضتك يا داليا 

اتنهدت داليا وطلعت ع فوق 

فى الوقت دا نور لبست ونزلت علشان تفرج زين ع الهدوم عليها 

_زين  ها ايه رايك

 ودارت حوالين نفسها 

فابتسم وقال_ أميرة من أالاميرات ايه الجمال دا كله 

_حبيبي يا زين عيونك اللي جميلة... بس هي مالها داليا طالعة مكشرة 

زين_ سيبك منها دي باينها اسلاك مخها ضارب عقليها يا نور بدل ما اعقلها بطريقتي 

_عملت ايه 

_تصوري عايزة تشتغل هنا مع الدادة 

نور باسى

_ للاسف حاولت معاها لكن هي مصرة تحمل نفسها الذنب ف انك اتجوزتها ودفعت المبلغ دا كله علشانها 

نور_ انا عايز اعترف ليكي بحاجة 

_الله قول قول بحب الاسرار 

ضحك وهز راسه_ انتي يا بنتي اكبري شوية 

_لا انا بحب اكون عيلة قول قول 

_بصراحة انا بدأت اعجب بداليا حسيتها بنت مختلفة وبصراحة مش هلاقي افضل منها ءأتمنها ع بيتي واسمي وسمعتي 

_اه والله يا خالو دا صحيح داليا مفيش ف اخلاقها اتنين هي بس الظروف اللي كانت وحشة اوي معاها 

_طب الحل ايه والاستاذة مش راضية تشوفني اني جوزها ومحملة نفسها الذنب 

نور بتسلية_ لاعبها ع الشناكل يا خالوا 

_يخربيتك بتجيبي الالفاظ دي منين 

_النت ربنا يخليه للشعب 

_طب قصدك ايه يا لمضة 

_هات ودنك وانا اقولك 

_يا بنت الايه طلعي سوسة 

_اومال دا انا اعجبك 

وقرر زين انه ينفذ فعلا خطة نور وبدا يقرب من داليا اكتر 

 ع الغدا  بدأ يأكلها زين بنفسه مسك الشوكة وقال

_ ممكن تأكلي دي من ايدي 

بصتله داليا بحرج ونور همستلها 

_متكسفيهوش يا بنتي يلا

 فأكلتها داليا بحرج 

زين بص لفستانها وقال 

_الفستان هيأكل منك حتة .. حلو اوي عليكي بس طبعا انتي اللي محلياه 

هنا داليا اتكسفت جدا وقامت بسرعة ع فوق ووشها ضرب كله الوان 

ضحكت نور 

_ههه البنت طلعت بسكوتاية خالص واتكسفت 

ضحك زين 

_اه فعلا مكنتش اتوقع انها بالبراءة دي دا بدل ما انا اللي هوقعها هتقلب انا اكتر ع جدور رقبتي واحبها اكتر 

_وماله يا خالوا ما دا المطلوب يااه منى عيني اشوفكم بتحبوا بعض بجد واشوف عيونكم كدا بتطلع قلوب 

بالليل 

زين 

_غريبة داليا اما مشفتهاش طول اليوم 

ضحكت نور_ مكسوفة منك ومش راضية تخرج يا سيدي 

_نعم ليه هو انا عملت ايه يادوب قولتلها كلام حلو وبس اومال لو قلتلهت بحبك هتعمل ايه 

_لا دي هتنهار سعاتك 

هنا وقف زين بتسلية وقال 

_انا طالعلها 

نور بمرح_ الله هو دا الكلام 

زين بادعاء الجدية_ نور 

نور_ ايه يا خالوا انا متحمسة 

طلع زين لاوضة داليا ونور وراه 

_رايحة فين

_ ايه جاية معاك اتفرج

_ لا خليكي هنا

_ لا وربنا لازم اتفرج 

_صدقي انتي رخمة 

_عارفة بس بردو جاية 

فتح زين اوضة داليا من غير ما يخبط

_مساء الخير

فقامت وقفت بسرعة لانها كانت نايمة 

_ااا زين 

واول ما شافت انها لابسة هدوم البيت ومينفعش زين يشوفها كدا رجعت تاني ع السرير وغطت نفسها 

فضحك زين 

_ايه يا بنتي لسه محروجة مني انا جوزك ع فكرة مش حد غريب 

داليا كانت هتعيط 

فقعد جنبها زين واخدها ف حضنه لأول مرة 

ورغم من انها انصدمت من عملته وبرقت بعنيها الا انها كانت فعلا محتاجة الحضن دا ... من زمان من بعد موت امها وهي مشافتش حضن يحتويها ويطبطب عليها بحنان علشان كدا استسلمت لحضن زين وارتاحت ليه واللي ريحها اكتر انها سمعته 

_عيطي لو دا هيريحك يا داليا عيطي علشان ترتاحي بعدها وصدقيني مش هتلاقي افضل من حضني مكان يمتص كل حزنك وغضبك فمغضت داليا عنيها وسمحت لحضن زين فعلا انه يمتص كل الحزن اللي جواها 

نور قالت_ طيب استأذن انا بقا 

هنا داليا فتحت عنيها وادركت الوضع اللي هي فيه فبعدت بسرعة بحرج 

فضرب زين نور ع راسها 

_صدقي يا زفتة انك فصيلة 

ضحكت _نور وربنا ما اقصد يا زين سوري 

زين بص لداليا اللي كانت منزلة وشها ورفعه ليها وقال 

_انا جعان ممكن ننزل نتعشى بقا 

ومد ايده ومسك أيدها_ يلا تعالي 

مسكت داليا ايديه ومع مسكته حست برعشة سرت ف كل جسمها  رعشة محببة لقبلها وهو كمان حس برعشتها دي فبص في عيونها بحب فتاهت في عينه هي كمان وفضلوا ع وضعهم لحظة 

لحد ما سمعوا صوت نو_ر يلا بقا انا جعت بجد 

زين بصلها بغضب 

فحطت أيدها ع بوءها _طب لو حلفتلك اني دي كمان مقصدش مش هتصدقني 

زين ساب ايد داليا وجري ورا نور 

_عن اذنك بس لحظة يا داليا 

نور هربت_ لاا وربنا سوري خلاص بقا زين 

مسكها زين وفضل يلعب ف شعرها 

_حد قالك انك رخمة يا رخمة 

نور_ انت اهو قلتي سيب شعري هتبوظه الحقيني يا داليا

هنا ضحكت داليا من قلبها لاول مرة 

فابتسم زين وقال 

_اخيرا شوفت ضحكتك  

اتنهدت داليا 

فمسك زين ايديها وباسها وفال 

_اعطي فرصة لقلبك انه يفرح يا داليا 

فنور قالت 

_وكمان افتحيله الباب علشان يحب خالوا زين وربنا ما هتلاقي احسن منه... انا بس الاقي واحد نسخة من زين هوافق اتجوزه علطول 

زين قال بضيق 

_داليا البنت دي محتاجة يتقرص ع ودنها شوية مش كدا 

نور حطت ايديها ع ودنها 

_لا لا ارجوك الا ودني 

فضحكت داليا اكتر وحست انها فعلا ممتنة لزين ع كل حاجة وتتمني فعلا انها تكمل معاه حياتها لكن كانت محتاجة تسأله 

_زين انت مش مجبر ع جوازك مني او اتحطيت قدام الامر الواقع؟ 

زين بجدية_ خليني اكون صريح معاكي انا كنت كدا كدا بدور ع عروسة علشان اتجوز واكمل نص ديني ولو كانت العروسة دي انتي وربنا حطك في طريقي فأنا وافقت باختيار ربنا ليا وواثق انه افضل الخيارات بالنسبة ليا ومتأكد اني هكون سعيد جدا معاكي داليا انا ارتحتلك من اول يوم شوفتك فيه وكل يوم بيزيد انجذابي ليكي اكتر فممكن تسمحي اننا نعيش حياتنا مع بعض بشكل طبيعي كأي زوجين 

اتكسفت داليا ونزلت السلم بسرعة 

فوقف زين يهرش 

_نزلت ومقالتش ردها 

نور ضربته ع دماغه 

_السكوت علامة الرضا هفضل اعلم فيك لحد امتا 

مسكها زين من قفاها_ خدى يا بت هنا مين فين الكبير

_  انت طبعا 

_ومين بيعلم التاني

_ انا طبعا 

ضحكوا ونزلوا تعشوا مع بعض 

وعدت الايام واتعودت داليا ع وجود زين ف حياتها واتعلقت بيه 

ومرة وهما ع الغدا 

زين مشالش عينه ابدا من ع داليا 

وبعدها شرق 

جريت داليا بسرعة وجابتله يشرب 

وقالت وهي تايهة ف عنيه 

_اتفضل 

فضل باصص ف عنيها وتاه هو كمان واخد المية منها وهو مش منتبه وفضلوا ع وضعهم لبعض الوقت كل واحد سرحان ف التاني وفي عالم تاني خالص 

فالمية وقعت ع نور اللي كانت قاعدة ما بينهم 

وفجأة فاقوا ع صراح نور 

_عااا غرقتونى المية وقعت فوقي .. ما تفوقوا يا بشر... بتحبوا بعض اخلصوا واعترفوا بدا مباشرة هو ايه اصله دا 

اتحرجت داليا 

وزين رمى الفوطة ع نور 

_غوري يا بت من وشي بدل ما ازعلك يخربيت فصلانك يا شيخة 

نور 

_هه طب اتلحلح 

زين_ ايه 

نور _زين انطق ياربي هفضل اعلم فيه لحد امتا 

هنا زين وقف ومسك ايد نور وقال _بحبك... 

ولأول مرة داليا تقولها من غير ما تتكسف 

_وانا كمان بحبك اوي يا زين متسبنيش 

هنا صقفت نور 

_يس هو دا الكلام 

وتمت