شوق بارت٤٩

 شوق للكاتبة أسماء عبد الهادي

البارت ٤٩ من رواية شوق

شوق بارت ٤٩

#شوق

بارت٣٩

#أسماء_عبد_الهادي

بعد انتهاء العرس تأكدت شوق أنها أوصلت كل فتاة إلى بيتها بنفسها... وفي السيارة هتفت شوق لمهند 

_ وجه دورك يا أستاذ 

_ جه دوري لإيه 

_ جه دورك انك ترجع على اوضتك ف المستشفى

_ لا فكك مني أنا طالما خرجت انسيني 

_ مهند اسمع الكلام وبطل غلبة أني عنيا بدأت تقفل وعايزة أروح انام

_ اه وانا كمان أوي .. ونفسي أنام معاكي مش عارف ليه بحس اني بروح في النوم بسرعة  اكتر وانا معاكي انتي ساحرة يا بت اعترفي 

_مهند أني مش بهرج يلا هترجع المستشفى

_ وانا بتكلم جد مش راجع تاني كدا انا خلصت وشكرا لحد كدا انا بقيت كويس

_ يا واد حرام عليك انت ليه دماغك ناشفة اكدة

وضع قدما فوق الاخرى على نافذة السيارة

_ ده العادي بتاعي 

ليهتف عساف بغيظ

_ نزل رجلك يا زفت هتبهدل العربية 

ليشيح له مهند بيده 

_ يا عم احنا ف ايه ولا في ايه اطلع يلا رجعنا الفيلا 

نظر كل من عساف وشوق لبعضهم البعض في توتر 

لتهتف شوق 

_ مهند احنا نسينا نقولك اننا جبنا شقة أكده حلوة على قدنا نقعد فيها 

اعتدل مهند في جلسته 

لتنظر شوق لعساف بتوتر

فيقول مهند_ ازاي يعني وشقة ليه ما الفيلا موجودة 

وقبل أن تفكر شوق في أن تجد حلا لتلك المشكلة التي هي متأكدة ان مهند لن يكست أبدا ان عرف بالحقيقة 

سمعت مهند يقول

_ انتي مش عايزة ترجعي الفيلا تاني علشان بابا مش كدا 

تنهدت شوق براحة لتفكيره ذاك 

_ ايوة صح أكده وعساف اخوك شافلنا شقة 

_تمام مفيش مشكلة معاكي فين ما تروحي 

_ايوة بس الشقة داي أني وأيات اللي بقت خلاص مرت أخوك قاعدين فيها 

_والاخوة الاعزاء قاعدين فين في الفيلا

_لاه بينامو في الشركة

_ليه في الشركة هو في ايه يا شوق 

_مفيش يا مهاند كل الحكاية ان اني وايات عايزين نأخد راحتنا في الشقة ومش هينفع انتوا تقعدوا ف مكان واحد معاها 

_شوق انتي بتوهي ليه حاسس ان فيه حاجة مش مظبوطة ..

نظر لعساف وقال بجدية وهو يعتدل في جلسته 

_عساف اتكلم وقولي ليه انت واخوك مش بتباتوا في الفيلا .. ليه الشركة في حاجة مخبينها عني ؟

زفر عساف بحنق 

_شوق هو كدا كدا كان هيعرف طالما هيخرج من المصحة 

_فيه ايه اتكلم

_بابا اخد الفيلا علشان كدا قعدنا ف شقة ارتحت.. وانا من بكرة هشوفلنا الشقة اللي قصادها لو فاضية هحاول اخدها نقعد فيها احنا الثلاثة 

اشتعلت أعين مهند بشرر غير عادي 

_ نعم هو فاكر نفسه ايه ... انا مش هسكت على دا أبدا 

أمسكت شوق بيده برجاء وقالت بوجل من أن يزيد الطين بلة 

_ لاه يا مهاند بالله عليك اوعاك تعمل حاجة 

نزع مهند يد اخته وقال بغضب 

_ لا مش هسكت .. وهيشوف مني 

امسكته مرة أخرى 

_ مهاند بالله عليك بلاش تعادي ابوك أني مش هرضى باكده أبدا 

امسكها مهند من كلتا كلتفيها 

_وانا لازم احط حد لمعاداته ليكي... هيفضل يظلمك كدا لحد امتا 

_واني مش مهتمة ولا في دماغي يا مهاند خلاص ..  هو حر يعمل اللي يعمل مبقاش فارق معايا المهم انتم معايا بالدنيا كلها أني مش هضربه ع يده علشان يحبني وكمان داي فلوسه وداي فيلته وهو حر فيهم ومن حكم في ماله فما ظلم..بالله عليك اهدى

هدأت معالم الغضب على وجه مهند قليلا 

لتردف شوق 

_ وكمان يمكن آن الاوان انك انت واخواتك تعتمدوا على نفسيكم من غيره .. تشقوا طريقكم بإيديكم من غير مساعدة حد وواثقة انهم قدها

تنهد مهند بغيظ 

لتكمل شوق _اوعدني يا مهاند انك مش هتعادي ابوك علشان خاطري 

ليهتف مهند بقلة حيلة 

_ماشي يا شوق مش هعمل حاجة .. بس الليلة دي مش هبات الا معاكي وايات تتحمل بقا الليلة دي تقفل ع نفسها اوضتها وده اخر كلام عندي 

في تلك اللحظة طرق أمير زجاج باب السيارة 

ففتح عساف ليقول أمير

_ايه واقفين ليه 

هتهتف شوق بقلة حيلة 

_سوق على الشقة يا أمير هنبات كلنا فيها مع بعض الليلة .

ليرقص قلب أمير فرحا لأنه سينام في نفس المكان التي ستتواجد به محبوبته 

_الله عليك يا مهند فينك من زمان .. هو دا الكلام 

قالت شوق بغيظ 

_ايوة الكلام جه على هواك يا ولا ها 

__

في الشقة

استأذنت آيات ودلفت غرفتها لتنام حتى تنهض باكرا لجامعتها 

بينما بقي الأخوة الاربعة لتقول شوق بجدية 

_بعد ما عساف يلاقي شقة .. اني بفكر نجوز الواد أمير فيها ونفضل أني وعساف ومهاند اهنه بدل الشحططة اللي بتحصل دي ايه رأيكم 

ليهتف أمير زهو يصفق بفرحة 

_الله .. الله عليكي يا شوق... عظمة .. على عظمة كلامك يا كبيرة 

ليهتف مهند بتبرم 

_مش هيحصل أبدا الواد البأف دا يتجوز قبلي 

قال امير بحنق 

_وانت مالك بيا .. بعدين انت حتى لسه مخطبتش انما انا اصلا  كدا كدا متجوز 

_وربنا ما هيحصل انت فاهم يلا 

هنا تكلم عساف بهدوء 

_انت ايه مشكلتك ما تسيبه يتجوز طالما موضوعك مش هيتم دلوقتي ليه تربطه بيك خليه يفرح 

قبل أمير رأس أخيه 

_ياااه يا عساف أخويا الكبير العاقل يا ناس 

هتف مهند بتبرم 

_طب بالله مش حاجة تغيظ اما الصغير يتجوز واحنا الشحوطة الاكبر منه لسه .. دي عيبة في حقنا يا عم 

ضحكت شوق 

_تعرف اني اول مرة سمعت عنيكم قلت عليكم شحوطة فعلا .. واديك اهو اكدت كلامي 

رمقها مهند بعيظ

_اسكتي انتي انا ع اخري منك 

زاد ضحك شوق وداعبت ذقنه

_غيرانه يا بيضة وعايزة تتجوزي 

ليرمقها مهند بتوعد 

_انتي عارفة لو مجوزتنيش ميار هعمل فيكي ايه 

_يا واد ميار لسه مخلصتش علاجها شرحك بالظبط احنا خرجناها بس علشان تشم نفسها وتكمل علاجها مع اخوها .. اصبر الصبر حلو وكل شىء بأوانه 

زفر مهند بحنق ونهض من مكانه 

_قوليلي اوضتك فين علشان انا تعبت وعايز انام 

أشارت له شوق نحو غرفة مجاورة لغرفة آيات فتوجه إليها مهند من فورة فنهضت شوق خلفف وقالت لاخوتها 

_الاوضة التالتة ليكم الليلة .. يادوب تلحقوا تناموا انتم كمان علشان الاشغال اللي وراكم بكرة 

عساف

_تمام تصبحي على خير يا شوق 

__

دلفت خلف أخيها لتجده يتمدد على تلك الأريكة أسفل النافذة فقالت 

_انت بتعمل ايه 

_ايه هنام 

_فين 

_ايه يا شوق مالك 

_قوم من ع البتاعة دي

_ايه هتنيميني على الارض 

جلست هي مكانه ع الأريكة وقالت بحنان

_لاه يا قلبي على السرير طبعا انت تعبان علشان اكده اني اللي هنام ع الكنبة النوبادي 

هتف بحنق وأمسك بذراعها يسحبها لتنهض من الاريكة 

_لااا انتي بتهرجي بقا .. انا ممكن تلاقي فيا العبر كلها عادي إلا إني راجل ها .. عارفة يعني ايه راجل.. يعني منامش أنا ع السرير واختي تتبهدل ع الكنبة استحالة .. اتفضلي يا استاذة عل سريرك اخلصي 

ابتسمت له شوق بحب 

ليهتف هو مدعيا الجدية 

_بنات مبتجيش غير بالشخط والنتر 

لتنفجر شوق من الضحك .. وما ان تفتح الخزانة لتحضر غطاءا لأخيها حتى تسمع طرقا ع الباب 

فتتوجه لفتحه لتجد أمير وعساف 

_خير يا ولاد 

أمير بابتسامة بلهاء

_احنا هنام معاكي اشمعنا مهند 

طالعتهم بحنق 

_نعم اشمعنا مهاند ايه !! 

ليقول مهند وهو يتمدد على الاريكة لاغاظتهم 

_احنا هنعيل هنا يلا انت وهو... هوونا خلينا ننام يلا 

ليدخل أمير وعساف للداخل 

امير _مش نايمين غير مع شوق 

لترمق شوق عساف بتعجب 

_حتى انت يا عساف؟

ليقول عساف بينما يسحب وسادة ويتمدد أرضا 

_خلينا ننام سوا كلنا الليلة يا شوق

من شدة فرحة شوق بإخوتها وصنيعهم وحبهم لها أدمعت أعينها بدمعات الفرحة

_ربنا يخليكم ليا يا حبايب قلبي.

ليهتف أمير

_أنا اللي هنام جنب شوق 

طالعه منهد بتحذير

_انزل جنب اخوك على الارض من سكات والا هضحك عليك البت بتاعك وانت عارفني اعملها.

ليرقد أمير جوار عساف بهدوء وهو يبرطم بضيق

_ياباي عليك 

_سامعك يا زفت اتخمد يلا 

_اديني نمت 😒

هزت شوق رأسها بيأس من تصرفاتهم الطفولية مع احتفاظها بابتسامة عريضة 

__

في اليوم التالي 

رآها تلعب مع يوسف في غرفته بكل تلقائية والبسمة تخرج من قلبها غير مصطنعة وكأنها عادت للزمن للخلف فعادت صغيرة مرة أخرى 

وقف مشدوها للحظات وتذكر زوجته الراحلة والتي توفت بعد أن انجبت ابنتها الصغرى نغم ،تذكرها عندما كانت تلاعب ابنتها الكبرى نور وتمرح معها وكأنها طفلة مثلها، وأصوات ضحكاتهم تملأ أرجاء البيت

فلتلقائيا أدمعت عيناه بدموع الاشتياق والحنين، فشوق تشبهها كثيرا في كل شىء التصرفات والقلب الحاني، والبسمة التي توزعها على الجميع دون استثناء وبلا حدود ليقول في نفسه 

_معقول في ليكي شبيه وانا اللي بقول أني مشفتش ولا هشوف زيك انتين.. ربنا يرحمك يا أسما ويجمعني بيكي في الجنة.

رأته شوق يقف على اعتاب الغرفة فنهضت من مكانها وقالت باسمة 

_دكتور رائد.. اتفضل يا دكتور... فينها نغم مجاتش مع حضرتك ليه

حاول رائد التبسم كما هي عادته وقال بمرح

_لا مش كل شوية هتعملنا ازعاج هي وكمان الجلسة دي محتاجة تركيز من يوسف فعدم وجود نغم معانا أفضل

قالها ثم اقترب من يوسف 

_عامل ايه يا بطل بتاخد العلاج 

هز يوسف راسه مبتسما 

_اه يا دكتور بخده علطول في المعاد 

_كويس اوي يا حبيبي.. النهاردة هنعمل شوية جلسات على رجلك فعايزك تمدد كدا على السرير براحة ومتفكرش في اي حاجة الا الجلسة وبس 

ثم نظر لشوق 

_معلش يا استاذة شوق هستأذنك بس تعملي أي حاجة مريخة للأعصاب ليوسف 

_عيوني حاضر.. تحب أعمل لحضرتك انت كمان زيه ولا تشرب قهوتك اللي متعود عليها 

نظر ليوسف 

_لا هشرب زي يوسف 

ابتسمت شوق 

_وهو كذلك يبقى اعمل ٣ بقا

___

في فيلا غريب وبينما كان يتناول طعامه مع زوجته وكل منهما في وادي سحيق عن الآخر تماما 

حضر مهند وما ان رآه ابوه حتى ابتسم ساخرا ظن انه جاء ليرجوه ليعيد اليهم فيلتهم وأموالهم 

لكنه سمع مهند يقول 

_ ها يا غريب بيه فاضل ايه تاني علشان تعادي بيه بنتك الوحيدة .. لسه ايه معملتوش معاها ها... 

توتر غريب قليلا لكنه سرعان ما عاد لجبروته وحدته 

ليردف مهند 

_ انا مش جاي أعاتبك ولا أزعلك علشان وعدت شوق بدا.. لكن أنا جاي اقولك حاجة واحدة بس.. انك مهما تعمل فإحنا مش هنتخلى عن شوق علشان تكون عارف يعني.. شوق اللي عطتنا اللي انت وماما مقدرتوش تعطوه لينا..ولا عمركم قدرتم عليه.. رغم بساطتها وفقرها وقلة حيلتها الا إن قلبها قدر يعمل أكتر من اللي فلوسكم بتعمله بكتير.. سلام يا ماما ..سلام يا بابا.. 

قالها مهند وغادر سريعا 

ليميز غريب من الغيظ 

بينما ترمقه زوجته بحدة

_ يعني ايه الكلام دا يا غريب 

هدر بها بنفاذ صبر

_ اسكتي بقا كله منك.. كله منك

قالها وصعد لغرفته شاعرا بغضب جم

___ 

وبعد حوالي شهر على أبطالنا 

تحسنت فيها حالة كل من يوسف وميار كثيرا.. أما ميار فلقد بدأت تمارس حياتها بطبيعية تامة تخرج وتمرح كما تريد ولكن اما بصحبة فداء او خالد أو شوق نظرا لقلة خبرتها 

أما يوسف 

واثناء جلسة دكتور رائد 

_يوسف احنا النهاردة التدريب دا مش هنستعمل فيه الكرسي اطلاقا المطلوب منك تعتمد على نفسك من غيره 

نظر يوسف لشوق بخوف 

فقال رائد مشجعا

_رجلك في الفترات اللي فاتت بدأت تستجيب للعلاج بشكل كبير جدا علشان كدا انا عندي أمل انك هتقدر تقف قريب باذن الله على رجليك من تاني 

بدأ رائد يحرك قدم يوسف بينما يوسف يتألم 

_ معلش اتحمل اكتر يا يوسف اتحمل يا بطل 

مسدت شوق على شعر يوسف بتشجيع 

_ انت قدها يا يوسف حاول علشان توصل لهدفك 

فما كان الهدف الاسمى الذي يريد الوصول اليه يوسف سوى ان ينال حب واهتمام والده 

_ بابا هيفرح بيا ويحبني لما يشوفني وقفت مش كدا... اا انا انا هتحمل ومستعد اتحمل كل الوجع كمان .. يلا يا دكتور بسرعة عايزة اقوم اقف 

ابتسم له رائد بإعجاب لعزيمته .. بينما شوق ابتأست لأنها تعرف أن قاسم كالأموات لا حياة لقلبه.

__ 

في الشقة المجاورة لشقة آيات وشوق 

انضمت شوق لاخوتها لتجلس معهم لبعض الوقت بينما آيات في غرفتها تدرس 

ليقول مهند بحنق 

_ هتفضلي قاعدة كدا كتير 

_ ايه يا ولا عايز ايه.. أني لسه جاية ارجع يعني الشقة التانية 

_ شوق انتي عارفة ان مش دا قصدي صح ولا لا 

_ عارفة بس بحب استفزك يا ولا 

_ هتغابي عليكي 

_ وريني هتعمل ايه وأني كنت ..

_ باااس باااس حرام عليكي يا شيخة نافوخي اتخرم من كتر الضرب،. مهند اتلم.. مهند انزل شغلك.. مهند ملكش دعوة بميار.. مهند مش عارف ايه.. حرام عليكي يا شيخة بقا 

ضحكت شوق 

_ ايه يا ولا مش بربيك 

_ واديني اتربيت اهو جوزيني بقا 

_ لاه لسه شوية كماني

_ وربنا ان ما كلمتي خالد في موضوعي لأخطفها وانتوا احرار

_ مجنون وتعملها 

_ طب اتحركي بقا فقعتيني  

قالت ببرود _ اتحرك اعمل ايه 

وصل مهند لأقصى حالته تحملا

_ قومي من قدامي يا شوق علشان هزعلك بجد 

ضحكت شوق وهي تنهض 

_ ماشي اني قايمة بس انت الخسران أني كنت هقولك اني بالفعل كلمت خالد 

لم يصدق مهند اذنيه 

_ بجد كلمتيه !!  وها ايه قالك ايه طمنيني 

_ زي المتوقع رفض طبعا 

_ نعم !! وانتي لازمتك انتي وصاحبتك فداء ايه مأقنعتهوش ليه 

_ حصل 

_ حصل ايه .. شوق بلاش تكلميني بالقطارة بالله عليكي اتكملي مرة واحدة 

_خالد متردد يا مهند مش قادر ينسى اللي حصل 

_والحل ايه اتصرفي يا شوق 

_الحل انك تصبر لما خالد يتأكد بنفسه انك اتغيرت وجدير بأنه يعطيك أغلى حاجة في حياته.. وبصراحة معاه حق أنا لو منه.. مش هعطي أختي لأي حد كدا بسهولة الا لما يثبتلي انه يستحقها 

ليهتف أمير بحنق 

_ايوة زي ما بتعملي معايا مش كدا.. مانعة عني الميا والهوا 

ضحكت شوق 

_ده انت حبيبي يا أمير الأمرا 

_لا ما هو واضح 

اما مهند فشرد  في خطة ما وقرر تنفيذها بنفذه

لتهتف شوق لعساف الذي كان يتابع بصمت 

_وانت يا كبيرهم مش عايز تتجوز انت كمان 

فكر عساف قليلا قبل أن يرد 

_مش هخبي عليكي فكرت في الموضوع لكن أنا مش جاهز دلوقتي لسه قدامي وقت لحد ما أكون مستعد لخطوة مهمة ونقلة فارقة زي دي 

_يا سيدي على الناس العاقلة الراسية .. اسمع منه يا واد انت وهو واتعلموا 

مهند بحنق 

_اسمع ايه دا معتوه .. انا لو استنيت لما استعد واوصل للي بحلم بيه هشيب قبل ما اتجوز.. اتجوز الاول وبعدين نكمل حياتنا ونبنيها سوا 

أيد أمير رأي مهند

_ اول مرة اوافقك في رأي .. اؤيدك جدا .. ها سمعتي يا شوق 

شوق

_ كل اللي بتقولوه وجهات نظر تحترم يا ولاد والله ربنا يوفقكم ويصلح حالكم .. بس مش عايزاكم تتسرعوا الصبر حلو وكل شىء مكتوب عن ربنا بالساعة والدقيقة .. أني كل اللي عايزاه عايزاكم أحسن ناس في العالم بحيث لما تتجوزوا تكونوا جديرين بالمسؤولية .. ياما شباب كتير اتجوزت وقدرت تجهز شقتها وعندها شغلها ومكسبها لكنهم بيفشلوا في ادارة الحياة الزوجية اللي مفكرينها حقوق وواجبات وبس .. أني عايزاكم توصلوا لمستوى النضج اللي من خلاله تقدروا تعيشوا حياتكم الزوجية صح.. وتقدروا تتغلبوا على اي مشكلات ومصاعب هتقابلكم.. الحياة الزوجية

السعيدة شعلة بتقيدها نار المحبة، وتشيلها يد المسؤولية.... الزوجة فيها نبع الرومانسية والحنان، والراجل مصدر القوة والأمان... السعادة الزوجية زي زهرة جميلة  عبقها مبينتهيش، ولا أوراقها  بتدبل بمرور الزمن ... أني بسعى ليكم لحياة وسعادة ابدية مش حياة زوجية جامدة يعتريها الروتين ويغلفها التعود...  العشق لوحديه مش كفاية ..الاحترام والتقدير المتبادل والسعي ورا اسعاد كل طرف للتاني ديه أساس وعمود البيت بعد اكده... عايزاكم تفهموا اكويس المرحلة اللي داخلين عليها قبل ما تبدؤا فيها علشان أكده أني بأيد رأي عساف في انكم لسه قدامكم شوية كمان لحد ما تكونوا مستعدين لمسؤلية زي دي اتمنى تكونوا فهمتوني 

اعجب مهند بما قالته اخته واقتنع به لكنه ما زال مصرا على نيل قلب ميار في اسرع وقت وبأي طريقة كانت 

__

 بعد الحاح مطول من ميار لخالد بطلب سيارة وتعلم قيادتها 

أخيرا سمح لها خالد بركوبها 

_تمام هتسوقيها انتي بس انا هكون معاكي 

_لا علشان خاطري يا خالد عايزة اعتمد انا ع نفسي واسوقها لوحدي وانت مش معايا.. هلف لفة بسيطة وهرجع علطول .. قول موافق علشان خاطري

_ماشي يا ستي زي ما تحبي بس خدي بالك من نفسك وسوقي بشويش 

_حاضر متقلقش 

قادت سيارتها الجديدة بسعادة  ففجأة تجد نفسها تصدم أحدهم ولا تدري انه هو من تعمد ذلك 

فتنزل من السيارة بصدمة 

_يا خبر انا اسفة اوي .. انت انت كويس!! 

وما ان تتحقق من ملامحه ليتجهم وجهها لتقول بعبوس 

_هو انت 

ليقول بمكر مدعيا الألم الشديد 

_اااه ااه رجلي مش قادر دي تقريبا اتكسرت 

_ايه .. انا اسفة اوي والله مش قصدي

طب اتصرف ازاي انا دلوقتي 

_لا هموت .. عندي كرشة نفس الحقيني 

_لا لا بالله عليك مش تموت ..طب طب هات ايدك اوديك المستشفى

_اه وديني المستشفى وخليكي جنبي .. لاحسن اموت في أي لحظة 

_بعيد الشر عنك هتكون كويس ان شاء الله 

ابتسم لنفسه بمكر فها هو يحقق مراده وسينال ما يرنو له بقليل من الخداع الزائف

امسك بيدها والوجع الى ان استقر جوارها في السيارة 

قادت السيارة سربعا لتصل للمشفى 

ليقول 

_لا سوقي ع أقل من  مهلك انا مش مستعجل لو هنوصل في سنة مش مهم المهم اني اكون معاكي 

_ايه بتقول حاجة

_اا اه لا بقولك سوقي براحة علشان رجلي ااه دي باينها اتكسرت 

قالت بخوف 

_اا انا اسفة اوي والله.. دي اول مرة اركب فيها العربية وابعد شوية لوحدي 

 مهند في نفسه _وده من حسن حظي انا متعرفيش انا في قمة سعادتي ازاي لما لقيتك لوحدك علشان كدا قلت لازم استغل الفرصة لصالحي واديني اهو بقيت جار القمر 

وجدته ينظر لها صامتا 

_ااه حضرتك معايا انت سامعني .. اانت كويس 

_لا مش كويس انا بتوجع من الألم 

_ يا خبر هنوصل.. قربنا  للمستشفى متقلقش 

رد في نفسه 

_ مش شايل هم الدنيا وأنا معاكي 

_ مهند بليز سامحني والله مش قصدي انا زعلانة علشانك اوي 

_ لا محصلش حاجة دا من حسن حظي انا 

_ ازاي 

_ لا متخديش في بالك 

_ انا هكلم خالد اخويا 

_ لا لا كله الا خالد 

_ليه 

_ اا علشان انتي سايقة يعني وكدا وبعدين مش مستاهلة تقلقيه انتي هتيجي معايا نطمن على رجلي وبس كدا 

_ ان شاء الله هتكون سليمة 

_  مش شايل هم أبدا 

وعندما وصلا للمشفى قرر مهند أن يرتب مع احد الأطباء بإدعاء أن قدمه قد كسرت ليظل ف المشفى بعض الوقت وينال اهتمام ميار 

لكنه تفاجىء بالطبيب يقول 

_ في شرخ بسيط في الساق محتاج تفضل في الجبيرة مش اقل من اسبوعين 

صدم مهند بما قاله 

_ نعم رجلي اتصابت بجد.. يادي النيلة انا اللي جبته لنفسي .. بس مش مشكلة كله يهون علشان اكون جار القمر  

لتبكي ميار لاجله 

_ايه .. عاا .. انا والله العظيم اسفة 

كاد ان يمد يده ويسمح دمعاتها ويحتضنها لكنه تذكر شوق وتوجيهاتها فتماسك عن آخر لحظة وقال 

_حصل خير انا كويس وزي الفل قدامك متعطيش كدا.. 

_لا انت اتأذيت بسببي انا 

_طب تحبي أقوم اتنطط قدامك علشان تتأكدي اني كويس 

_لا لا علشان خاطري بلاش تتحرك علشان تخف بسرعة

_حاضر اللي تقولي عليه هعمله.. بس متسبينيش خليكي معايا علشان تهوني عليا .. ااه رجلي 

_ح... حاضر حاضر هفضل معاك.. هكلم خالد استأذنه و ...

قاطعها قائلا 

_لا ملوش داعي تكلمي خالد ويعرف باللي حصل.. يكفيني اني اشوفك كل يوم.. كم ساعة تقضيها معايا هنا تهوني عليا الوقت 

_انت هتفضل هنا لحد ما تخف مش هترجع البيت 

_لو رجعت هتيجي تزوريني!! 

_اه طبعا ..دا انا السبب في اللي حصلك 

_يبقى قشطة اوي هرجع البيت

_تحب اوصلك 

_ياااه دا من دواعي سروري 

__

كانت في طريقها لفيلا قاسم لتدلف ليوسف لكنها وجدت سيارة تقف بالقرب منها معترضة طريقها فاستغربت ذلك 

ووقفت محلها لترى ما الأمر  ... لتجد أحدهم يقترب منها و.....