شوق البارت ٤٨

 شوق للكاتبة أسماء عبد الهادي 

شوق البارت٤٨

#شوق

بارت٤٨

#أسماء_عبد_الهادي

__

سمعت دقات على باب غرفتها فابتسمت قائلة بخفوت 

_تعالي يا ميار ادخلي 

فتح الباب وقال مبتسما وهو يحمل في يده كوبا من اللبن الساخن 

_لا دا انا خالد 

_خالد.. 

_ايه مالك اتصدمتي ليه ارجع تاني ولا ايه 

_لا لا مش قصدي اتفضل 

جلس جوارها وتعمد أن يكون قريبا أكثر من زي قبل 

فتنحنحت هي بحرج وقالت بارتباك

_فين ميار 

_أخدت علاجها ونامت وأنا قلت اجيبلك كوباية اللبن دي وأسهر معاكي شوية ايه رأيك 

ازدردت ريقها وقالت بتوتر

_مفيش مشكلة . بس انت مش عايز تنام !! مش هتنزل شغلك 

ظل محتفظا بابتسامته مستمتعا بتوترها ذاك لقربه هذا منها 

_لا انا مش نازل الفترة دي هقضيها معاكم هنا 

__اا طب والشغل

_لا متقلقيش عساف هيسد ف الشركة معاكي 

صمتت هي أما هو فظل يطالع عينها بتيه شديد وكأنه غاص بفكره في أعماق بحر حبها 

فأصيبت فداء بالتوتر أكثر فادعت أنها منشغلة بشرب الحليب 

لتسمعه يقول وكأنه مغيب .. فعينه تفضحه وتفضي سر قلبه العاشق 

_فداء 

رفعت بصرها لتبصره فتتلاقا اعينهما فيتوه فيهما أكثر وهي تشرد لبعض ثواني 

ومن ثم تخفضهما بحرج وتقول بتلعثم 

_كنت عايز تقولي ايه 

أحس خالد أنه ان بقى ثانية واحدة معها فستنهار قوى صموده بالكامل 

فنهض مبتعدا عنها وقال بحمحمة ليدعي الجدية 

_احم ااا... فداء خلصتي كوباية اللبن 

ابتسمت له فداء بخفوت_ هخلصها وهرجعها المطبخ متقلقش 

ليقول هو بإصرار

_لا أنا هقف انتظر لما تخلصيها علشان ارجعها زي ما جبتها واطمن انك نمتي 

هزت راسها بخفوت وبدأت تنهي شرب اللبن 

ليقول هو بنفاذ صبر 

_فداء أنا مش هستنى أكتر من كدا أنا هحدد فرحنا كمان أسبوع بالله عليكي مترفضيش 

هتفت هي باستغراب

_فرح ايه ما احنا متجوزين اصلا انت نسيت انك ردتني يا خالد

_دا صحيح بس الظاهر انك نسيتي إني معملتلكيش فرح 

همت لتتحدث ليقول هو معترضا كلامها 

_عارف ان الظرف مش مناسب ... بس مش هيكون فرح هيصة وحاجة كبيرة.. هيكون على الضيق بينا ويشاركنا فيه كل حبايبنا وتطلي بالابيض زي أي بنت بتحلم انها تطل بيه مش هحرمك من اللحظة دي 

_وميار يا خالد

_ان شاء الله الوضع معاها هيكون تحت السيطرة وهخلي شوق تكون عينها عليها كمان.. بس وافقي يا فداء علشان خاطري انتي بقيتي الهوا اللي بتنفسه .. انا من غيرك زي السمك من غير الماية.

هنا أخفضت فداء رأسها بحرج مع ابتسامة خفيفة رسمت على محياها 

جعلت وجه خالد يتورد من فرط السعادة لموافقتها 

حتى أنه لم ينتبه لنفسه الا وهو يحيطها بذراعيه كتعبيرا عن سعادته بموافقتها .. لتتخشب هي في مكانها من اثر صدمتها بما فعله 

ليدرك هو فعلته فضحك وقال بتلقائية 

_ايه بتبصيلي كدا ليه ... انتي مراتي ولا هو عيب ولا حرام 

_ على اوضتك يا خالد 

قال بعند

_ طب ايه رايك مش نايم غير معاكي هنا 

__

في اليوم التالي 

في المصحة حيث مهند 

تعالت ضحكات شوق 

_ بس برافو عليك يا واد يا مهاند خطتك نجحت والواد ركبه كانت بتخبط في بعضها .. انت طلعت حكاية 

أجابها مبتسما 

_عيب عليكي دا أنا مهند 

_حيث كدا بقا قولي أعمل ايه مع أهله 

_هقولك 

_تمام هنفذه بالحرف ان شالله يخليك ليا  يا قلب ونن عين أختك

_شوق 

عيونها يا حبيبي

_مفيش أخبار جديدة عن ميار وحشتني اوي 

_ميار الحمد لله خرجت من المصحة ودلوقتي بتكمل علاجها مع خالد في الفيلا 

نهض من مكانه حيث كان يجلس جوارها على الاريئكة 

_دا احسن خبر سمعته.. انا كمان خارج من هنا .. يلا شوفيلي حاجة البسها علشان نمشي 

_استنى يا ابن المجانين انت رايح فين 

_ايه هخرج انا كمان مش بتقولي ميار خرجت 

_وانت مالك ومال ميار ايه دخلك بيها 

_هو ايه اللي ايه دخلك بيها.. ميار دي الحب يا بنتي 

_يا راجل قول كلام غير ديه واترزع اقعد مكانك 

_شوق انا ماشي مش هفضل هنا ثانية 

_انت يا ولا هديك بالبلغة وعلى دماغك اتنيل اقعد 

_ايه يا بنتي بس 

تحدثت بجدية 

_مهند انت مش هتخرج من اهنه غير لما تخلص كورس علاجك والدكتور يسمح ليك بالخروج غير كدا يبقى بتنفخ في اربة مخرومة 

_يا شوق انا لازم اشوف ميار بقولك وحشتني 

_ما اني سمعت يالا كني طارشة وعارفك انك بتتنيل نحبها بس وبعدين 

_وبعدين ايه 

_انت جاوب على سؤالي 

_هطلبها من اخوها وهتجوزها 

_واخوها هيوافق بدا خالد اصلا مش طا..

قاطعها مهند بحنق وقد فاض به الكيل 

_ عارف متكمليش هتقولي مش طايقني مش كدا علشان اللي عملته بس دا كان زمان انا دلوقتي اتغيرت واهو اديكي شايفة حابس نفسي بين اربع حيطان علشان اتنيل اتعالج علشان خاطر اكون انسان كويس وأليق بيها وتتشرف فيا.. عايز ايه تاني ها .. قوليلي خالد عايز ايه تاني انتوا عايزين ايه تاني اتكلمي ياشوق .. ساكتة ليه ولا اكلتي سد الحنق دلوقتي

صمتت شوق بحزن من أجله ، ليمسكها منهد من ذراعها بقسوة وهو يصرخ في وجهها 

_ اتكلمي ساكتة ليه يا شوق . ليه خالد هيرفضني تاني.. عايز ايه أكتر من كدا.. مين فينا مش بيغلط هفضل اتعاقب على غلطة عملتها وانا مش داري لحد إمتا اتكلماااي.

في ذلك التوقيت حضر عساف ليأخذ شوق ليوصلها ليوسف فشاهد ما يفعله مهند بها... فنزعها سريعا من يديه وأوراها خلف ظهره ليحميها من أخيها وقال وهو يرفع يده تحاه أخيه بغضب كي يضربه 

_مهند انت اتجننت ازاي تعامل اختك بالاسلوب دا

لتمنعه شوق وتمسك بيده قبل أن تطال أخيه

_لاه يا عساف اوعاك ياخوي تمد يدك على اخوك.

_انتي مش شايفة يا شوق كان ماسكك وبيزعقلك ازاي.. هو نسي نفسه ولا ايه

_واني مش زعلانة منيه.. اني متفهمة وضعه كويس اوي

ليهتف عساف بحدة وهو يرمق أخيه بغضب 

_اعتذرلها ..

طالعه مهند بغيظ 

ليكرر عساف كلامه 

_اعتذر لاختك يا مهند .. اختك الكبيرة مهما كان اياك ترفع صوتك ولا ايدك عليها لأقطعهالك مفهوم 

أمسكت شوق ذراع عساف 

_بس بقا يا عساف علشان خاطري هتزعلني منك اكده 

أما مهند ففتح خزانته وأمسك بقميص منها وقال 

_أنا ماشي 

لتقف شوق أمامه 

_مش هتمشي يا مهاند مش هتمشي أبدا من إهنه الا لما تخلص علاجك 

القى مهند ما في يده وقال بانزعاج 

_انتي عايزة مني ايه .. عايزة مني ايه 

أمسكت شوق بيده وقبلتها بحنان 

_عايزاك أحسن واحد في الدنيا دي كلها... كمل علاجك واطلع من اهنه اول ما الدكتور يسمح بديه وأني بنفسي اللي هخدك من يدك وأطلبلك ميار من خالد .. وهفضل وراه لحد ما يوافق كمان، بس كمل للاخر يا مهاند بلاش توقف وانت في نص المشوار علشان خاطري

صمت مهند قليلا وأمسك بيد أخته وقبل كلتاهما وقال بعد ان هدأت ثورته 

_انا اسف يا شوق 

تنهدت شوق براحة وضربته على رأسه 

_يخربيت شيطانك خوفتني عليك وربنا قلبي وقع في رجليا من الخوف عليك.. خفت تنتكس وترجع تاني للي كنت عليه 

_سلامتك قلبك يا قمر انتي 

_قمر بالستر يا خوي اتلهي 

_طب الحفلك اني لو مكنتش حبيت ميار وخطفت قلبي.. وانتي مكنتيش اختي كنت وقعت في حبك من اول تعامل ما بينا 

_يا راجل 

_يا بنتي متستقليش بنفسك انتي فيكي سحر كدا بيجذب قلوب الناس ليكي وبيعلقهم بيكي ازاي معرفش 

هنا تحدث عساف بجدية 

_مش قلتلك محدش يشوفك وميقدرش ميتعلقش بيكي يا شوق

_لاه يا ولاد الكلام ديه كتير عليا أني اكده هتغر في نفسي 

جاء أمير وقبل رأس أخته وقال

_من حقك يا جميل انت تتغر وتتدلع ويتعملك كل حاجة حلوة 

_حبيبي يا أمير الأمرا.. ربنا يخليكم ليا يا حبايب قلبي 

__

في اليوم التالي 

كانت شوق تجلس في بيت والدة محسن الإمام وفي يدها ورقة الزواج العرفي الخاص لمحسن وعفاف وقصت عليها ما فعله ابنها

_وادي زي ما حضرتك شايفة الورقة الفالصوا اللي بيناتهم والتنين معايا أهم قارنيهم ببعضهم علشان متقوليش اني بكدب عليكي او بلفق التهم لابنكم... بس أني چيت أقولك انك لو خايفة ع ابنك من أنه يرجعلك في كفنه أو يجيلك خبره بأي طريقة ولك أن تتخيلي أبشع الطرق كماني ... أهلها مهيتهاونوشي أبدا في حق بنتهم هيقتلوها وهيقتلوه بدم بارد كماني ..واني خايفة ع البت زي ما انتي خايفة على ولدك

كانت ام محسن تسمع ما تقوله شوق بقلب وجل وأعين زائغة خائفة 

لتردف شوق 

_والحل في يدك انتي يا مدام .. خلي محسن يكتب على البت رسمي وقدام اهل البلد اهناك.. وبعد اكده لو عايزاه يسيبها مفيش مشكلة المهم يكون البلد عرفت ان البت اتزوجت والمشكلة اتحلت .. وباكده تكوني نجيتي ابنك من التار والانتقام الاعمى المحتم .. عن اذنك يا هانم الكلمتين اللي جيت علشانهم خلصوا 

لحقت بها ام محسن 

_استنى يا ..

_اسمي شوق 

_اا استنى يا شوق انا موافقة .. من بكرة هجيب محسن وأبوه ونيجي  نكتب على بنتكم بس بالله عليكي بلاش فكرة التار والانتقام دي.. انا مليش غير محسن 

تنهدت شوق براحة لانها استطاعت حل مشكلة عفاف.

__

بعد اسبوع في حفل زفاف فداء وخالد في يخت فاخر على النيل 

اجتمع كل الأصدقاء وسط فرحة الجميع وخاصة خالد الذي كان سيطير من الفرحة طيرا، فترى السعادة تكاد تقفز من عينيه 

أمسك بيد فداء وقبلها بكل حب 

_أنا مش مصدق نفسي يا قلب خالد وعمره كله أخيرا شفت البسمة والرضا على وشك.. أخيرا حسيت إنك بتبادليني نفس الشعور .. أخيرا رضيتي بيا ياااه أنا أسعد انسان في الدنيا

طالعته بنظرة مختلفة نوعاً ما عن سابقيها وهي تقول بكل صدق 

_سامحني يا خالد مكنتش قادرة أشوف حبك دا في الأول.. لكني أخيرا شوفته .. شوفته واغرمت بيه كمان. 

ازدادت ابتسامة خالد وكان أن ينهض من مكانه ليقولها بعلو صوته 

_ يااااه أنا بحلم أكيد ..انا ...

سحبته فداء من يده وهي تنظر حولها بحرج

_ خالد اقعد بطل جنانك دا .. الناس هتبص علينا 

_ ناس مين دول كلهم منا وعلينا اسكتي دي فرصتي 

_ لا يا خالد بالله عليك مكنتش اعرف انك مجنون كدا 

طالعها بهيام 

_ مجنون بحبك يا عيون خالد وروحه كمان.

___

 جلس أمير مع أيات على طاولة خاصة بهما وقال مشيرا على خالد وفداء

_ شايفة خالد طاير من الفرحة ازاي.. انا بقا اكتر منه.. وهتجنن أكتر من جنونه دا كمان يوم ما شوق تفرجها علينا وتوافق نعمل فرحنا احنا كمان 

تحرجت آيات وتخضبت وجنتاها وقالت وهي تبحث بأعينها عن شوق 

_ هي ابلة شوق فين مش باينة 

أمسك أمير بكفة يدها وقال 

_ بتتهربي من عيوني ليه ها.. ملكيش دعوة بشوق دلوقتي ركزي معايا انا وبس وانسي شوق دي خالص 

_ واه انسى أيلة شوق . طب ازاي اني أنسى روحي ولا انساش أبلة شوق أبدا 

أعاد امير ظهره للخلف وقال بتمنى

_ الله يا بختك يا شوق طب والغلبان اللي معاكي ده ملوش نفس يسمع كلام حلو من دا 

_ واه بمناسبة ايه تسمع كلام من ديه 

مطت شفتيه وقال بحنق 

_ لا لا سمح الله مفيش مناسبة خالص .. انتي يا بت عايزة تجننيني 

ضحكت آيات على هيئته المتبرمة 

فقال أمير مغتاظا 

_ انتي بتضحكي وأنا هموت من الغيظ وانا قاعد 

_ سلامتك من الغيظ يا أميري بعيد الشر عنيك 

_ ايه انتي قلتي ايه 

_ قلت سلامتك 

_ لا اللي بعدها 

_ بعيد الشر عنك 

_ با بنتي لا ركزي اللي في النص قلتي ايه 

ضحكت آيات 

_ واه يا أمير انت عايز ايه 

_ الحمد لله يارب ابتدت تندع اهي.. ورامي وراكي لحد ما تنطقي 

___

وقفت شوق مع ميار التي بدت كقطعة من القمر بطلتها وخروجها لأول مرة للعالم الخارجي 

_ أخيرا القمر حل علينا يا ناس ونور ليالينا من تاني.. الحمد لله يارب 

رمقتها ميار بسعادة وهي تنظر حولها باستمتاع عجيب 

_ انا فرحانة اوي يا شوق اخيرا خرجت وهكون انسانة طبيعية زي أي حد 

_ الحمد لله يا حبيبتي.. الصبر حلو يا بنتي وكل حاجة بتيجي بالصبر الحمد لله ربك كبير..

تنفست ميار بعمق 

_ رغم اني فرحانة اني خرجت بس خايفة

_ خايفة من ايه يا قلبي

_ خايفة مقدرش اتأقلم مع اللي حواليا .. خايفة اواجه العالم الخارجي انا مش متعودة عليه .. انا حرفيا معرفش حاجة عن اي حاجة

_متخافيش يا قلبي كل حاجة هتيجي وحدة واحدة والإنسان مش بيتعلم مرة واحدة.. ومفيش حد يعرف كل حاجة كلنا هنفضل نتعلم مواقف ودروس على مدار حياتنا... متشغليش بالك باي حاجة من دي وعيشي حياتك بطبيعتها وتلقائيتها وعادي لما تواجهك مشاكل... الانسان مش بيتعلم الا لما يغلط ويتعلم من غلطاته والخبرات اللي مر بيها.. وكمان كلنا هنا معاكي واكيد مش هنسيبك يا قلبي هنوجهك للصح .. اومال يابت أني بعمل معاكي ايه ولا لازمتي ايه عاد مش علشان أصلح وارمم اللي بتكسروه 

ضحكت ميار وقالت وهي تتذكر كل المواقف التي فعلتها شوق ووقوفها مع الجميع 

_ انتي لازم تمسكي في ايدك مطرقة مُصلح وتصلحي بيها كل اخطاءنا 

ضحكت شوق 

_ صدقي يا بت معاكي حق.. مبدهاش غير اكده فعلا 

في تلك الأثناء أتى اتصال لشوق من توبا 

فقالت شوق 

_ توبا شكلها جت تعالي نروح نجيبها مش هتعرف تطلع لوحديها 

قابلهم عساف في الطريق

_ رايحين فين يا شوق 

_ في واحدة صاحبتنا يا عساف تحت ونازلين نستقبلها 

_لا متنزلوش في الزحمة دي.. انا هروح اجيبها 

_ طيب يا حبيبي متحرمش منك .. هي بطيخاية جميلة أكده هتعرفها علطول.. واسمها توبا واني هكلمها اقولها تطلع معاك

 __

هبط عساف لأسفل وبدأ يبحث عن تلك البطيخة التي وصفتها أخته وفجأة رآها تنظر يسرة ويمنة بتيه فتمنى أن تكون تلك هي صديقة أخته التي تتحدث عنها 

تلقائيا وجد نفسه يتوجه نحوها وقال بقلب متحمس _ انتي توبا صاحبة شوق !

تورد قلبها عندما رأته أمامها وأجابت وهي لا تستطيع أن تخفي ابتسامتها الفرحة لأنها تأكدت أنه أخا لشوق 

_ حضرتك عساف أخو أبلة شوق 

 اجابها بمرح على غير عادته الجادة مع الغرباء 

_ شوفتي الدنيا صغيرة ازاي.

ابتسمت بسعادة 

_ فعلا 

_ بس تعرفي انها صدفة حلوة اوي

_ شكرا يا أستاذ عساف ده من زوقك.

 بادلها نفس الابتسامة الهادئة التي زادته وسامة وزادت قلبها اضطرابا 

_تعالي اتفضلي شوق منتظراكي فوق 

_تمام 

صعدا لأعلى الدرج ليقول 

_انتي تعرفي العروسة ولا ايه 

_اه أبلة شوق عرفتنا على بعض وبصراحة كل اصدقاء ابلة شوق لذاذ أوي 

_اه فعلا لذاذ بشكل 

كان يقصدها هي لكنها لم تنتبه لذلك 

وعندما وصلت حيث شوق رحبت بها كثيرا  

_اهلا يا بطيختي الجميلة نورتي يا قلبي .. شكرا يا عساف يا خوي

تحرجت شوق من تلك الكلمة أمام عساف فهمست لشوق وهي تضغط على يدها 

_اا.. ما بلاش الكلمة دي قدام استاذ عساف 

ضحكت شوق 

_ايه يا بت مالك مكسوفة اكده مش كنتي بتحبيها 

_لا بينا وبين بعض بس 

_ماشي تعالي نقعد مع آيات يلا يا ميار

وتوجهت بهم تجاه طاولة آيات 

_واد يا امير الأمر احنا عايزين نقعد اهنه.. اقعد انت مع اخوك يلا 

رفع أمير أحد حاجبيه بغيظ 

فقالت 

_ايه مالك بتبصلي ليه كدا 

_تعالي عايزك 

أخذها جانبا

_في ايه بقا ممكن افهم 

_ايه يا واد.. صاحبة ايات عايزة تقعد معاها 

_حبكت دلوقتي .. يعني معرفش أقعد مع حبيبتي شوية 

_واد يا أمير متخلنيش أقلب عليك ها.. مهواش وقت تلازيق دلوك 

قال بغيظ وهو يبتعد حيث يقف أخيه 

_ماشي يا شوق ماشي 

ضحكت شوق وهي تعاود اللحاق بالفتيات

_وربنا انت نكتة يا امير يا خوي .

___ 

بعد فترة توجهت شوق مع الفتيات لينهئوا فداء على عرسها 

وبينما تقف ميار معهم اذ وجدت يدا ما تسحبها بعيدا عنهم ....في غفلة من الجميع

استغربت ميار تلك الفعلة ونظرت أمامها لتجده يرمقها باشتياق بالغ 

_وحشتيني اوي 

دققت النظر به ومن ثم قالت بصدمة 

_اا انت مهند صاحب خالد 

هم ليتحدث ليجدها خائفة منه وتتراجع للخلف ليقول هو 

_متخافيش أنا مش هعمل فيكي حاجة أنا جيت اعتذرلك واعتبرلك عن أسفي 

_انا هسامحك علشان خاطر انت اخو شوق بس 

_الله على شوق وعلى جمال شوق وعلى رقة شوق وعيون .. أنا بموت في شوق 

ردت ببراءة 

_مين مش بيحب شوق 

علم انه إن ظل على هذا المنوال فسيحظى بالكثير من الوقت معها 

_شوق دي حبيبتي.. حكتلي عنك كتير

_ بجد شوق حكتلك عني!! قالتلك ايه بقا؟ 

_ قالت كتير .. قد ايه انتي رقيقة اوي وطعمة اوي، وعسل اوي و ..

وجد مهند حذاءا ينقض على راسه دون هوادة 

_ وايه كمان يا ابن الممحونة.. دا انت ليلتك مطينة بطين النهاردة 

وضع يده على رأسه بتأوه 

_يادي الخيبة اتقفشت.. ما تخفي ايدك عليا الفترة دي يا شوق انتي عارفة اللي فيها 

_انت ايه اللي جابك اهنه يا واد انت.. وايه اللي خرجك من المستشفى اصلا انت بتستهبل يا مهند 

لتهتف ميار بتلقائية 

_مستشفى انت تعبان!! 

ليهتف هو بمسكنه 

_اه شوفتي انا غلبان ومريض وشوق مبهدلاني ازاي وبتضربني 

قالت ميار باشفاق

_لا حرام يا شوق بلاش تضربيه طالما تعبان 

_قوليلها يا قشطة انتي وربنا انتي بتفهمي مش زي ناس 

ضربته شوق على كتفه ثانية 

_اتلم يا ولا 

ليقول مدعيا الألم 

_ااه 

هتفت ميار بخوف 

_لا شوق علشان خاطري 

نظرت شوق بغيظ لذاك الذي يرمق ميار بنظرات هائمة وهو يقول

_الله على الرقة يانااس أموت أنا 

_وربنا يا مهند لو ما اتلميت لأنادي على خالد يشوفله صرفة معاك

_لااا ربنا يجعل كلامنا خفيف عليه 

_طب انجر من قدامي وحسابي معاك بعدين 

_لا مش دلوقتي لسه مشبعتش من القشطة دي 

أشارت له شوق بالحذاء 

_وقسما بالله لو ما اتحركت من قدامي لأكون...

قاطعها قائلا بحنق 

_خلاص ماشي يا باي عليكي .. مع السلامة يا قشطتي 

نظرت شوق حيث ينظر فوجدت خالد ينهض من مكانه ويتوجه نحوهم 

فقالت وهي ترى أخيها يبتعد 

_اااه يا جبان 

ليهتف مهند بغيظ

_مش مهند اللي يخاف يا شوق بس مش عايز ازعله يوم فرحه .

__

اقتبااااس 

_ ها لقيتوه 

_ دورنا عليه يا قاسم بيه في كل شبر في الفيلا وبردو مش موجود 

_ يعني ايه ازاي دا.. هيكون راح فين

لتنظر له شوق بخوف على يوسف وتقول في نفسها

_ يوسف .. بالله عليك متوجعش قلبي عليك

لتأتي جلنار وهي تمسك بيدها ورقة وتشير لابنها بقهر

_ تعالى شوف يوسف كاتب ايه .. شوف نتيجة عمايلك واهمالك ليه.. الولد كان أقصى أمنياته أن ابوه يحبه .. حتى بعد ما وقف على رجليه أخيرا ملقهاش الحب اللي بيتمناه الولد اتصدم يا قاسم وقرر انه يأذي نفسه 

انصعق كل من شوق وقاسم مما سمعاه 

_ ايه!! 

لتبكي جلنار بحرقة

_يوسف حفيدي لو جراله حاجة يا قاسم مش هحمل حد اللي حصله غيرك