قصة إسلام الشعرواي ربنا يرحمه

 قصة للعبرة للكاتبة أسماء عبد الهادى
قصة وحكاية إسلام الشعرواي 

قصة وعبرة

_يابني ارجع للي كنت بتعمله

_لاا وعهد الله ما راجع أنا كدا ميت فل وعشرة

_ميت فل ايه هو انت بقيت لاقي تاكل، بقى انت اسلام ب ما كانت الغردقة كلها نفر نفر تتكلم عنك وعن الفلوس اللي معاك.. بص لنفسك دلوقتي بقيت فين مش عارف حتى تاكل عيش حاف 

_مش مهم عيش حاف المهم انه جاي من الحلال.. الحلال طعمه أحلى مليون مرة 

_انت فقري وهعتيش وتموت فقري

فلاش باااك 

_ يلا يا اسلام شد شوية العربية صاحبها مستعجل عليها 

اسلام اللي كان نايم تحت العربية بيصلحها 

_ حاضر يا معلم اصبر عليا تأخد حاجة حلوة .. اديني خمسة بس وأكون خلصتها

خلص ومسح ايده 

_ اهو تمام خلصتها وبقت فلة شمعة منورة

_ طب شغل الموتور كدا ... لا براوة عليك يا واد يا اسلام العربية بقت عال

_ عيب عليك يا معلم 

جت ام اسلام 

_ اسلام خد يابني الساندويتشات دي انت على لحم بطنك من الصبح 

_ تسلمي يامه من يد ما نعدمها 

__ 

تاني يوم جه واحد بعربية حرفيا متدشدشة 

_السلام عليكم ..يا اسطى العربية زي ما انت شايف كدا هتعرف تصلحها 

_ موعدكش الصراحة اركنها هنا عرفنا كان بها مكانش هتتباع في الخردة واستعوض ربنا فيها 

_ لا حول ولا قوة الا بالله دي كانت بتقضي مشاوير شغلي 

_ معلش المهم انك خرجت منها سالم واي حاجة تانية تتعوض

الراجل مشي اسلام قال 

_ سيبهالي يا اسطى هجرب اصلحها 

_ متشغلش بالك بيها هتضيع وقت في الفاضي هبيعها حديد وخلاص 

اسلام بص ع القطع السليمة اللي فيها وعينه لمعت وقرر انه يصلحها 

وبالفعل راح لمكب الخردة وبقا يطلع الأجزاء اللي شايفها تنفع تاني وبدأ يصلح في العربية

بعد كم يوم المعلم شافها

_عربية مين دي يا اسلام زبون جديد ولا ايه 

_ لا دي العربية اللي صاحبها عامل بيها حادثة فاكرها 

_ العربية اللي كنت هرميها في الخردة !

_ هيا بعينها 

_يخربيتك يا واد يا اسلام ده انت طلعت عفريت العربية رجعت جديدة وهتتباع بشىء وشويات ...لا ده انت بالنظام ده فتحت طاقة القدر بأديك انت ممكن تأكل من الشغلانة دي الشهد 

_ ازاي 

_ هجمع ليك الخردة كلها وكل اللي تحتاجها وترككبها انت بمعرفتك ونبيعها وكأنها جديدة 

_ ايوة بس هي مش أمان مش هتكون ثابتة

الراجل بخبث

_ هي مش قدامهم جديدة لانج اهي

اسلام عينه لمعت أكتر

الراجل قال

_ فكر في الالوفات اللي هتكسبها من ورا الحوار دا 

وبالفعل اسلام بقا يجمع العربيات ويركبها وتبان وكأنها جديدة الا انها في الحقيقة مجرد هيكل  وشكل وبس.

اسلام اتنقل نقلة كبيرة بسبب الحرفة دي وبقا صاحب أكبر اجانس عربيات ومشهور في الغردقة كلها 

وبعد ما كان معدم وفقير بقى عايش حياته بالطول والعرض ومقضيها مرة في الجونة ومرة في مارينا ومرة ف الساحل

اسلام حياته اتغيرت وباع ضميره ونسى ربه علشان الفلوس، الملاهي الليلة بقت شىء أساسي في حياته

وفي مرة جاله واحد 

_ اسلام باشا العربية دي لسه شاريها وللاسف عملت بيها حادثة واتغدغت لميلون حتة زي ما انت شايف وسبحانه من نجاني

_ ولا تحمل اي هم هترجعلك عروسة  في ظرف اسبوع 

اسلام اول ما بدأ بشتغل فيها 

_ ايه دا ..دي العربية اللي انا مقفلها قبل كدا 

وبالفعل قدر اسلام يصلحها زي ما هو بيعمل وبيوهم الزبون دايما انها عال العال

الراجل انبهر لما شاف العربية 

_ لا مش معقول انت عملتها ازاي انت تستاهل حلاوة على كدا اطلب اللي انت عايزه

الراجل ركب العربية وقال

_ اسلام باشا انا عازمك بالمناسبة دي عندي في البيت ايه رايك 

_ تمام موافق 

راح البيت معاه 

_ اتفضل احب اعرفك دا ابني باشمهندس حسام .. ودي بنتي دكتورة نفين .. ودي بنتي الصغيرة دكتورة نغم 

_ اهلا وسهلا بحضرتك 

اسلام في نفسه 

_ ايه دا الراجل ماشاء الله معلم اولاده أحسن علام وأدب اللهم بارك وانا في ثانية كنت هطيرلهم أبوهم بسبب العربية واللي بعمله فيها حد الله بيني وبين الحرام تاني انا مش هشتغل في الشغلانة دي تاني توبا.

اسلام ساب اكل المال الحرام وقرر يرجع لربنا ويشتغل ويشقى بالحلال 

وفي يوم بعد سنين تنقل من الشغل دا للشغل دا وهو مصر على رضا ربنا وبس بقى يرفع ايده ويقول 

_يا حي يا قيوم برحمتك استغيث اصلح لي شأني كله ولا تكلني إلى نفسي طرفة عين

اتعرف عليه اتنين لواءات وشغلوه معاهم في شركات العقارات وواحدة واحدة لقى نفسه مدير معاهم وعلامة من علامات مرسى مطروح بس بالحلال 

وهنا عرف انه ممكن يوصل لحلمه مهما بان قدامه انه صعب لكنه مش مستحيل وطريق العيش الحلال امتع مليون مرة من الحرام اللي مش بيدوم

لقمة الحلال صعبة لكنها مليانة بركة وخير