الجرح اللي غير حياتي

 الجرح اللي غير حياتي 
للكاتبة أسماء عبد الهادي 

اسكريبت
الجرح اللي غير حياتي 

أسماء عبد الهادى ام عائشه:
_ تحت أمرك يا اسر باشا
_ اعطي أمر بالهجوم فورا وغطوا عليا الجانب الايمن
_ بس يا فندم عددهم كبير جدا مش ...
_ اعمل اللي بقولك عليه انا بعون الله هقدر ع المهمة دي
_ مفيش شك في دا يا بااشا  كلنا عارفين قدراتك بس ننتظر الدعم كدا انتحار لينا كلنا
_ مفيش وقت لانتظار الدعم كدا هيفلتوا من ايدينا اتحركوا حالا
_ تمام يا فندم

وبالفعل بدأ الهجوم وابدى الظابط أسر ورجالة مهارة عالية وقبضوا على معظم العصابة
وخلاص آسر كان هيمسك رئيس العصابة لقاه طلع مدية وضرب بيها آسر ايده فوقع آسر عل. الارض بركبه

_ اسر باشا انت كويس
_ وراه الحقوه بسرعة متخليهوش يهرب منكم.

بعد العملية رجعوا ع المركز
_ برافو عليك يا حضرة المقدم انت أبديت مجهود عظيم انت ورجالتك
_ لا يا فندم المجرم قدر يهرب للأسف انا بعتذر لحضرتك
_ لا انتوا عملتوا لللي عليكم، الأسف ع الدعم اللي اتأخر وأنا حسابي معاه عسير جدا... ايه دا يا اسر ايدك بتنزف ازاي سايبها كدا
_ لا دي حاجة بسيطة
_ بسيطة ازاي اتفضل بسرعة انزف المستشفى بتاعتنا داويها
تمام يا فندم
خرج آسر وهو متضايق انه لاول مرة يفشل في مهمة والمجرم يهرب منه
فراح بيته ودخل اوضته ونام
بس فجأة انتبه ان ايده بتنزف جامد فجاب فوطة وحطها عليها، وقرر انه يروح مستشفى تعقمله الجرح



،نزل المستشفى
وسأل الممرضه عن دكتور
_ فين الدكتور المسؤل هنا يشوف الجرح ده
فقالت _مفيش يافندم دكاترة فى الوقت الحالى
صرخ فيها _ازاى يعنى مفيش... مستشفى طويله عريضه زى دى مفيهاش دكاترة

الممرضه_الشيفت اتغير يافندم ،الدكتور زمانه على وصول ممكن نص ساعه ويوصل ،بس فى دكتورة امتياز موجوده هنا لو تحب حضرتك تدخلها

قال بسخرية _دكتورة وكمان امتياز وعايزاني ادخلها!
_يافندم دى دكتورة ممتازة والله ،ارجوك وافق الجرح شكله صعب
بص لايده اللي بتنزف جامد
_طيب وامري لله هي فين خلينا نخلص

شاورتله ع مكان الاوضة  _من هنا يافندم اتفضل

خبط ودخل
وقال باستخفاف
_هتقدرى تتعاملى مع ايدى دى ولا ادور على حد تانى
بصت له بضيق وقالت_ ورينى ايدك

شهقت وبعدين قالت بانفعال _يانهار ابيض الجرج شكله صعب جدا ،انت انسان مهمل ازاى سايب ايدك بالمنظر ده ،

نادت على  الممرضه
_مس عالية جهزيلي المعقمات وادوات خياطه الجرح والشاش والقطن بسرعة

رد آسر  بضيق_الزمى حدودك معايا ،انتى الظاهر متعرفيش انا مين

ردت بلا مبالاه متجاهله كلامه _ممكن حضرتك متحكيش كتير وتسيبنى اشوف شغلى ،اتفضل اقعد هنا على الكرسي دا

قعد آسر على الكرسي
فالدكتورة سارة قالت

_ممكن ،تقلع الجاكيت ده وتشمر ايدك لو سمحت ،
قال برخامة
_طيب

سارة بدأت تنضف ع الجرح وتعقمه وهي بتقول
_ازاى جرح كبير وعميق زى ده ومش شايفه اى تعابير للالم فى وشك

اسر _متكبريش الموضوع ده مجرد جرح عادى انا متعود على اللى اصعب منه ،انا جيت بس لان النزيف مش راضى يقف

ردت بضيق _جرح بسيط ازاى ده ممكن يحتاج اكثر من ١٥غرزة
اسر بلا مبالاه _وايه يعنى

سارة استغراب_حضرتك انسان غريب انا مصادفتش في حياتي حد كدا قبل كدا

قال بصرامة _انتى هتحكى كتير ليه ، اخلصى ولو مش عارفه ياريت تعترفي بدا وتوفرى عليا وقتى ،انا قايم ...الظاهر انك مش بتعرفى تعملى حاجه

سارة بحده _خليك زى ما انت ،انا هتغاضى على وقاحتك دى لبعدين بس الاول نقفل الحرج ده لانه ممكن يعمل مضاعفات لو اتأخرنا عن كده

فضل اسر مكانه وسارة كملت تقفيل الجرح وقالت في نفسها

باستغراب
_ ايه الانسان العجيب  ده ازاي يتحمل الالم بالشكل ده ...ده لو حد  حد ثاني كان صوته جاب اخر المستشفى من الوجع ... انسان غريب فعلا

ولما خلصت قالت _الحمدلله خلصت والنزيف وقف ،الحرج كان مقرب جدا من الشريان وكان ممكن يعرض حياة حضرتك للخطر ،ممكن حضرتك تاخد بالك من نفسك اكتر وبلاش التهور اللى انت فيه ده ،لانه الظاهر ان حضرتك شايف نفسك زيادة عن اللزوم، حتى على حساب صحتك اللي هيا أمانة في ايديك

رد بسخريه _حاضر هبقى اقول للمجرمين اللى بطاردهم لما يضربونى يضربوا بشويش علشان الدكتورة اللى بتعالج ايدى قلبها رقيق ومش متحملة تشوف المنظر ده قدامها

بصتله سارة باستغراب_هو حضرتك ظابط

اسر بسخريه _والله ،امال لابس الهدوم دى ليه منظره مثلا، ولا لابسهم اتصور بيهم

سارة بصت على هدومه اللي لاول مرة تنتبه ليها_سورى ماخدتش بالى انا رمزت ع الجرح وبس

بصلها آسر باستهزاء ونزل من ع الكرسي وأخد جاكيتته واتحرك علشان يمشي

سارة _استنى ،انت رايح فين انا لسه مخلصتش

اسر بضيق_لسه ايه تانى ،انا زهقت

سارة اتضايقت من عجرفته
ناولته الروشتة وقتلت بعملية  _اتفضل روشتة العلاج  ،تقدر حضرتك تمشى دلوقتى وتيجى كمان ٣ايام علشان اطمن على الجرح


اخدها منها ومشي من غير ولا كلمة

فقالت بصوت عالي علشان يسمع

_الحرج هيسيب اثر فى ايدك لو حابب بعد كده مش تشوف الاثر ده ،ممكن تروح لدكتور تجميل هيقدر يخفيه

بصلها اسر شوية ومشي من غير ولا كلمة 
يارة بضيق _ايه البنى ادم المعتجرف ده ،ده حتى مقاليش شكرا ،بجد قليل الزوق

دخلت دكتورة زميلة ليها فلقتها ع الحالة دي من الضيق_ ايه يا سارة  مالك ضاربه بوزك ليه
سارة بزهق
_متخديش فى بالك اتاخرتى ليه ،المفروض انى امشى من نص ساعه
_استنى بس قوليلى ،الضابط الحيلوة ده كان خارج من عندك صح

سارة بامتعاض_اه ياستى كنت بخيط له جرح فى ايده

زميلتها بهيام _يابختك ،ده شكله حلو اوى
سارة بضيق_فى ايه يازفته ما تتلمى

_ايه يابنتى ،ده شكله عريس لقطه ،كنا عرفنا نوقعه بدل النحس اللى احنا فيه ده

سارة قامت تروح وقالت بضيق_لا انتى الظاهر جرى لعقلك حاجه ،انا ماشيه سلام
____
اسر روح بيته يرتاح وحاول ينام قبل ما يطلع النهار وينزل شغله لكن معرفش ما قدرش ينام فضل يفكر في  ساره اللي احتلت جزء كبير جدا من تفكيره بل استحوذت على تفكير كلها لحد ما خلاص الشمس طلعت وبعدها عينه غفلت غصب عنه ونام بعد كم ساعه صاحيه وبص في  الساعه وقال بضيق
_ استغفر الله العظيم انا اول مره اتاخر كده
منك لله ياللي كنتي السبب... يعنى تغلسى عليا ف المستشفى وكمان تطيرى النوم من عينى وتكونى السبب فى تأخيرى ،لا كده كتير

داخل الحمام واخذ شاور ولبس هدومه واستعد علشان ينزل وهناك في المكتب

صاحبه قال اسر باشا
_ ايه اللى جابك النهارده ،انت امبارح ايدك اتصابت جامد فكرتك هتقعد تستريح النهارده فى البيت

اسر قال بحدة_على كدا بقا هنقضى كل الايام راحه فى البيت مهنتنا دى لاتخلو من الاصابات يابنى

_عندك حق ،بس جرحك كان بينزف جامد ،على الاقل كنت تيجى فترة مسائيه

بصله اسر بضيق_روح شوف شغلك ياحضرت الظابط

في مكتبه وكمل شغله وفجاه نطت صورتها قدامه وجت له رغبه ملحه اني اشوفها بالليل

ولما اروح المستشفى لو سمحت دكتوره ساره موجوده لا يا فندم هي مش جايه الليلة بعدها بكره الصبح ان شاء الله

هارجع بيته وهو متضايق وقال
_ هو انا ايه اللي عملته ده ازاي اروح لها ما كان شغلها واسال عنها انا اتجننت ولا ايه اعقل يا اسر

ثاني يوم الصبح نزل على شغله وكالعاده قعد على مكتبه واول ما مقرر يبدا شغله ما قدرش لانه فضل برده يفكر فيها حساب مكتبه وركب عربيته وراح لها على المستشفى

في المستشفى سال عليها لو سمحت دكتوره ساره موجوده ايوه يا فندم موجوده طيب تمام انا عايز احدث كشف عايزه اطمئن على يدي حاضر يا فندم ثانيه واحده اديها خبر


دخلت الممرضه شويه
وبعدها خرجت
_ تفضل يا فندم حضرتك تقدر تدخل دلوقتي.

دخل وقعد عند المكتب اول ما شافته افتكرته علكول فقالت بجديه_ ها اخبار ايد حضرتك ايه
قال وهو بيبص ليها _كويسه الحمد لله

سارة استغربت من نظرات ليها فقالت_المفروض حضرتك تيجى بكرة مش النهارده

اسر بارتباك _انا جيت النهارده علشان اشكرك لانى نسيت اشكرك يومها ،كنت مش عارف مالى

سارة _ولا يهمك انا كنت بقوم بواجبى ،الف سلامه على حضرتك

اسر _طيب تمام ،عن اذنك

سارة باستغراب_بس انا لسه مشفتش الجرح

اسر_ ما انا هاجى بكرة زى ماطلبتى ،عن اذنك

سارة فى نفسها _غريبه ،ماله ده

فى اليوم التالى جالها اسر  مره ثانيه وقعد وقال بلباقه
_ازى حضرتك يادكتورة

سارة _الحمد لله

وبعدين قالت فى نفسها _هوا بيتحول ولا ايه ده مكانش كده يوم خياطه الجرح، مكانش باللباقة دي ... ماعلينا

اطمأنت سارة على الجرح وقالت _تمام اوى الحمد لله استمر على العلاج لحد ما يخلص والف سلامة على حضرتك

اسر _اه بس انا مجبتش العلاج اصلا

سارة  باندهاش _نعم ،بس ايدك ماشاء الله اتحسنت بسرعه جدا انت كدا ازاى

اسر _عادى يعنى ،انتى مكبرة الموضوع ليه

عرفت سارة ان هذا الضابط اللي قدامها يمتلك قوة بدنيه فائقه جدا  فقالت_تمام ،خلاص مفيش داعى ان حضرتك تيجى خلاص ،ايدك كويسه جدا

قام اسر وقف وقال _تمام شكرا مرة تانيه

سارة بابتسامه عملية _العفو ،نورتنا حضرتك

رجع اسر ورجع على شغله ويوم وراء يوم حاسه اني اتعلق بها وانها مش راضيه تخرج من دماغ ولا قادر يوقف تفكير فيها

فى المشفى

زميلتها بغمزة_انا شايفه أن الضابط الحيلوة ده ،رجليه اخدت على هنا اوى ،هوا فى ايه بالظبط

سترة بلامبالاه_عادى يعنى

_لا طبعا مش عادى ،الموضوع كبير وكبير اوى كمان ،قرى واعترفى

سارة _اعترف بايه يابنتى والله انتى غريبه اوى

_افهم من كده انه مدخلش دماغك ،صحيح ،هوا اسمه ايه

سارة _مش عارفه ،مجاش فى دماغى انى ابص على الاسم اللى فى الروشته

_علشان انتى غبيه ومش وش نعمه

سارة بنرفزة وهى بتخرجها من مكتبها _صدقى انا اللى غلطانه علشان قاعدة معاكى قومى يابنتى من هنا ،قومى

_طيب متزوقيش
فكرت زميلتها انها تحاول تجذب انتباهه هيا طالما سارة مش عايزة تعمل ده
ثاني يوم اسر راح لسارة المستشفى وسال عنها
_ لو سمحتي دكتوره ساره موجوده

_ لا يا فندم هي ما جاتش النهارده

_ليه ما جاتش
_مش عارفه ما عنديش علم بصراحه

راح لزميلتها  _خير مالها  دكتورة سارة غايبة ليه،حصلها حاجه
زميلتها بمكر_ لا بس اخدت بريك النهارده

اتنفس اسر براحه_طيب الحمد لله ،عن اذنك

_حضرتك انا مكانها ،ممكن اعرف حضرتك بتشتكى من ايه علشان اقدر اساعدك

اسر _ها ،لا ،انا ماشى عن اذنك

قامت من مكانها جريت وراه_استنى بس يا حضرتك الضابط

اسر _خير

_اسمك اسر مش كدا

اسر بامتعاض_اه

الدكتورة بهيام_الله اسمه حلو اوى ولايق عليه

اسر _افندم ،حضرتك عايزة حاجه

قالت بارتباك _لا ابدا ،بس حضرتك لو بتشتكى من حاجه انا ممكن اساعدك

اسر  بضجر_لا انا كويس ،عن اذنك

مشت وراه تاني_ط..طيب .. حضرتك تحب ابلغ سارة بايه لما ترجع

وقف اسر وقال باهتمام_هيه اسمها سارة!

الدكتورة فى نفسها _اقسم بالله الاتنين اغبيا ،حاسة بنظرة الاعجاب فى عنيهم ومكلفوش نفسهم يعرفوا حتى اسماء بعض ،ده باينه مرار طافح

قالت بخبث_اه ياحضرت الضابط اسمها سارة ،تحب اجيب لحضرتك عنوانها

اسر باستعجال ولهفة _ياريت

،وبعدين انتبه لنفسه فقال_لا .لا شكرا عن اذنك

الدكتورة _طب والله ظنى كان فى محله الضابط ده هيموت عليها ،يابختك يا سارة ،ويا ميلة بختى انا
رجع اسر شغله واتاكد انه  فعلا متعلق في سارة  فنادي على العسكري
_يا عسكري عايزك تجيبلي معلومات كامله عن الاسم ده


_ حاضر يا فندم

وفي خلال ساعتين كان عند اسر ملف شامل بكل المعلومات عن ساره

فبدا يقرا فيها بتمعن شديد وبعدين ابتسم وقال
_ كل المعلومات والتقارير عنها تشرف انا شكلي فعلا احسنت الاختيار علشان كده ما فيش داعي اني انتظر اكثر من كده انا لازم اكلمها في موضوع الجواز


ثاني يوم راح لها المستشفى وقف محتار وهو بيهرش في راسه
_طب  ادخل لها المكتب دلوقت على اساس ايه انا ايدي بقت كويسه خلاص ومبقاش عندي  اي حجه ادخل بيها

وفجاه لقى طفل صغير واقف لوحده فجا له فكره وقرر يستغلعا لها راح للولد الصغير وقال له
_ايه رايك يا حبيبي اجيبلك حاجه حلوة بس تدخل معايا عند الدكتورة الامورة اللى جوا

الولد بانكشاح
_ موافق ايدك على الحاجه الحلوى

مد اسر ايده في جيبه وطلع فلوس وقال له_خد الفلوس دى هات اللى انت عايزة

فرح الولد واتحرك من مكان علشان ينزل يشتري الحاجه الحلوه اسر مسكوا من هدوم وقال _استنى يالا رايح فين

_هروح اجيب حاجه حلوة

_لا يا خفيف بعد لما نطلع من عند الدكتورة

الولد بامتعاض_ ماشى

دخل اسر بصحبه الولد لاوضة الكشف

وقعد وقعد الولد على رجله_معلش يادكتورة سارة ،ابن اختى ،تعبان شويه وكنت جاى اطمن عليه

ضحكه سارة ودي حاجه الولد

بص لهم أسر باستغراب _هوا فيه حاجه ،انا قلت حاجه بتضحك

سارة _حضرتك متأكد أن الولد ده ابن اختك

اسر بارتباك_اه..اه طبعا امال يعنى هيكون مين

يارة  بجديه_الولد ده يبقى اخويا يا حضرت الضابط ،اكدب كدبه غيرها

اسر حس انه في مواقف محرج قوي فمسك الولد من هدومه وقال بانزعاج_مقلتليش ليه انها تبقى اختك

الولد بلا مبالاة _انت مسألتنيش

اغتاظ اسى منه _طب هات الفلوس مفيش حاجه حلوة

الولد _لاا ،ياعمو ،انا عايز اجيب حاجه حلوة

ساره وقفت وزعقت لاخوها الصغير
_سيف نهارك مش فايت،انت اخدت منه فلوس ،تعالى هنا

سيف كده بسرعه يستخبى في اسر_اسف اخر مرة

سارة _والله ما هسيبك تعالى هنا

اسر حاول يساعده  _خلاص يادكتورة حصل خير ،عادى يعنى انا زى اخوه

سارو بضيق_مش كان ابن اختك من شويه

سارة_خلاص بقا عديها

سارة_ممكن اعرف حضرتك عايز ايه ،وليه كل يوم الاقيك جاى هنا باى حجه رغم انك مش محتاج كشف ولا حاجه ،لو سمحت ده مكان شغل مش للعب والسرمحه

قال اسر بجديه وقرر انه خلاص مش هيخبي مشاعره_بصراحه بقا ،انا معجب بيكى

ساره فتحت لوءها باندهاش _نعم ،وده من امتى أن شاء الله ،انت متعرفنيش غير من اسبوع بس

اسر _من اول يوم شفتك وانتى دخلتى قلبى ،حاولت اخرجك من دماغى معرفتش ،مقدرتش يعدى يوم عليا من غير ما اشوفك

اتوترت  ساره وقالت برتباك_لو سمحت مينفعش الكلام ده واتنفضل امشى

اسر _انسه سارة انا مليش فى اللف والدوران ،تتجوزينى !!

سارة وشها جاب الوان وضربات قلبها زادت ومقدرتش تتكلم

اسر  _ها ،موافقه !!

بصت ع الارض بخجل
اسر قال _لا ما هو لاما توافقى برضاكى لاما هتوافقى غصب عنك ،انتى خلاص دخلتى قلبى ومش هعرف اخرجك منه

سارة بضيق _ازاى يعنى هتجبرنى على الجواز منك ،طب انا مش موافقه

قال بحب_بس مش ده اللى شوفته فى عنيكى اول ما طلبت للزواج

سارة _وحضرتك شفت ايه بقا

اسر _شوفت أن انتى كمان معجبه بيا ومتأكد انك هتوافقى ،اصلا استحاله ترفضى طلب زى ده وخاصه انى شاب وسيم وطول بعرض ظاابط يعنى عريس لقطه زى ما بيقولوا

قالت سارة بضيق_مغرور

ابتسم اسر وقال_اعتبر أن دى موافقه منك ،بلغى عمى فى البيت انى جاى النهاردة بالليل مع اهلى ،سلام يا عروسه

ساره بصيت لو تنحت واول ما هو خرج ابتسمت بسعاده لانها فعلا اتعلقت بك هي كمان من اول يوم شافته

وبالفعل اسر راح لوالد سارة
_يا عمي ممكن تجوزني بنتك
_ كده خبط لزق يا ابني
انا ما باحبش الامور الروتينية  البطيئه دي وخير البر عاجله
انا هاقول لك كل حاجه عني ومش هاخبي عنك انا اسمي اسر رتبتي مقدم عندي ٣٥ سنة وحيد وعايش لوحدي بعد ما فقدت أغلى حد عندي وهي امي من سنة مولود يتيم مشفتش بابا لانه مات وماما حامل فيا ومن يوم موت امي وانا فقدت الاحساس بأي شىء حتى بطعم الحياة
وتأكد ان بنتك يارة يا عمي هي اللي رجعت ليا طعم الحياة من تاني، علشان كدا قررت إني أعيش حياتي الجاية كلها معاها وليها هيا وبص

وبعد كم سنة كان آسر ماسك طفل في ايده وواقف جنب سارة اللي كانت لسه والدة بيبي كمان وقال

_حمدا لله على السلامة ياللي كنتى احسن حاجه حصلتلى فى حياتى ،حتى الجرح ده محبتش اروح لدكتور تجميل رغم الحاحك عليا بده  لانه هو اللى بيفكرنى بيكى بيفكرنى باحسن يوم فى عمرى اول يوم اشوفك فيه يا سارة يا حب عمري