انا وابن عمي Vs حبيبي

 اسكريبت حصري لمدونة روايستا 
للكاتبة أسماء عبد الهادي

وقفت ياسمينا تسلم على صحاباتها

_هاي بنات انا جيت اسم عليكم علشان خلاص مسافرة 

سارة 

_ليه كدا يا ياسو هتسافري وتسبينا 

_والله غصب عني يا حبيبتي بابا مصر اننا نرجع البلد علشان اهله وحشوه وعايز يقضى معاهم فترة الاجازة 

هيام قالت 

_ ييي يعني رايحة الصعيد يا ياسو... يعني هتروحي تقعدي وسط المعزات والبقرات .. لا دا بجد شىء مقرف اوي

ضحكت ياسمينا 

_ ههه مش للدرجة دي يا بنتي بالعكس المكان هناك ساحر جدا .. انا صحيح مروحتش هناك من أيام ما كنت صغيرة علشان بابا اللي كان بيروح يزورهم لوحده.. لكن ليا ذكريات جميلة عن المكان الأرض الخضرا والزرع اللي يرد الروح والهدوء والسكينة وبساطة الناس.. متعة كبيرة جدا ..ومبسوطة اني هروح أغير جو وأرجع تاني 

هيام 

_ ربنا يكون في عونك يا بيبي .. مس يو كتير

_ وانتوا اكتر حبايبي .. تحبوا اجيبلكم ايه من هناك

ضحكت سارة

_ هتجيبلنا ايه من هناك فرع شجرة ولا ايه 

هيام ضحكت 

_ معاكي حق يا سارة هو كدا فعلا

ضحكت ياسمينا 

_ والله انتوا مأفورين الموضوع كدا يا بنات 

سارة 

_ خلاص يا حبيبتي متزعليش تروحي وترجعي بالسلامة

_ الله يسلمكم يلا باي 

ركبت عربيتها ورجعت الفيلا 

لقت باباها في انتظارها 

فوزي 

_ ها يا ياسو خلاص جاهزة 

_ اه يا بابتي يا حبيبي انا خلاص سلمت على صاحباتي وزمان دادة أمينة جهزت شنطتي هطلع اجيبها وهننطلق علطول 

_ طب مش هنتغدى الأول يا ياسو 

_ نبقى نتغدى في الطريق يا بابتي 

_ ايه شكلك متحمسة 

_ مش الفكرة والله يا بابتي بس تغيير روتين وكمان حابة اشوف عيلة حضرتك واتعرف عليهم لاني مش فاكراهم خالص

_ انا اللي غلطان في حقك يا بنتي اني معرفتكتيش على اهلك من زمان  بس اعمل ايه مامتك الله يرحمها مكانتش بتوافق اخدك معايا 

_ خير يا بابا اديني اهو هروح واتعرف عليهم.

___

بالفعل انطلقوا ف طريقهم وفي نص المسافة وقفوا ف استراحة علشان يتغدوا 

وهناك ياسمينا قالت 

_ بابتي هروح أشوف حاجة ساقعة ناخدها معانا في الطريق الحو حر اوي 

_ اوك يا روحي

راحت ياسمينا ووقفت قدام الثلاجة وعجبها نوع بيبسي معين هي بتحبه بس كان في الرف اللي فوق وهي مش طايلاه 

لسه كانت هتنادي على مسؤول المكان 

فلقت اللي بيناوله ليها وبيقول 

_ اتفضلي .. كنتي عايزة داي تقريبا 

_اه ثانكس ممكن كمان واحدة لو سمحت 

_ اه اوي اوي.. اتفضلي يا استاذة 

_ ثناكس جدا .. انت صعيدي مش كدا

_ ايوة اكده بالظبط اني صعيدي وافتخر 

_ اه اهلا بيك يا.. انت اسمك ايه 

_ اسمي مصطفى 

_ وانا ياسمينا مبسوطة اني اتعرفت ع اول واحد صعيدي في حياتي 

ضحك مصطفى

_ ههه طب حلو اوي دي تتكتب في في موسوعة غينيس بقا 

_ هه لا وكمان دمك خفيف لا انا كدا هحب الصعيد 

_ لا من ناحية هتحبيها داي هتعشقيها عشق ديه أني معرفش أعيش براتها ولو ليوم واحد 

_ مم شكلك كدا مسؤل السياحة هناك 

_ ليه 

_ يعني بتحاول تخليني احب الصعيد وجوها 

_ لانها اكده فعلا ولما تروحي هتشوفي بنفسك 

_ مم تمام اشوفك هناك 

_ قوليلي انتي هتروحي في ضيافة مين علشان اكون عارف وناجي نرحبوا بيكم 

_ العمدة بدر الطميري تعرفه 

_ الا اعرفه مين في البلد كلاتها ميعرفش العمدة سيد الناس 

_ طب حلو اوي

_ انتي تقربيله ولا ايه 

_ اه تقدر تقول كدا انه يبقة عمو اخو بابتي .. بس العجيب اني مش عارفاه لسه رايحة اتعرف عليه وع العيلة 

_ تعارف موفق ان شاء الله .. هتنوري البلد يا استاذة ياسمينا 

_ لا استاذة ايه قولي ياسمينا عادي ما انت خلاص انا اعتبرتك اول صاحب ليا هنا.. بس قولي انت بتشتغل هنا 

_ لا لا أني كنت جاي اهنه أخد طلبات وراجع شغلي

_ اوك مش هعطلك باي 

مصطفى بسعادة 

_مع السلامة توصلوا بالسلامة.

___

رجعت ياسمينا لوالدها وبعدها رجعوا تاني كملوا طريقهم 

نامت ياسمينه في الطريق 

ولما وصلوا باباها صحاها

_ ياسو حبيبتي خلاص وصلنا

_ايه دا انا نمت ولا ايه 

_ولا يهمك الطريق كان طويل عليكي فعلا 

فضلت تبص حواليها مستمتعة بمنظر الشجر والزرع لحد ما وقف عربية باباها عند بيت كبير أشبه بالسراية 

_واو يا بابا دا عامل زي القصر الملكي.

_ عجبك

_ خرافة عجبني اوي 

_ ولسه لو شفتيه من جوة .. جدي الله يرحمه كان زوقه عالي اوي في اختيار كل قطعة

_ لا يا بابتي انت كدا هتخليني اندم اني مجتش هنا من زمان 

قطع كلامهم 

اخو فوزي اللي رحب فيه 

_ يا اهلا وسهلا يا مراحب بفواز اخوي 

خرجت ياسمينا بسرعة و بمرح 

_هاي عمو ازيك انا يا ياسمينا بنت اخوك 

 سلم عليها

_اهيه ايه الجمال والحلاوة داي يا بت اخوي والله بتك كبرت وبقت عروسة زينه يتهافت عليها الخطاب 

فوزي حضن اخوه

_ مش ملاحق فعلا على الخطاب كل يوم والتاني... ازيك يا خوي ليك واحشة والله 

_ وانت كمان يا حبيبي.. بس لاه بتك مهتخرجش برات العيلة أبدا أني خلاص هحجز لهطة القشة داي لولدي

_ واني ألاقي لبتي أعز ولا أغلى من ولدك يا خوي 

ياسمنا تدخلت في الحوار وقالت

_  في ايه يا جماعة ما  تصلوا على النبي كده دا انا لسه باحط اول خطوه ليا في البلد تقوموا تجبولي عريس بالسرعة دي 

ضحك الاخين وبصوا لبعض 

بدر_ معاكي حق يا بتي ادخلي ادخلي لسه بدري على الكلام دون 

جت مراته وقالت 

_ هي فين الجميلة اللي صيتها وجالها واصلني اهنه من قبل ما تخط بابنا... يا ميت اهلا وسهلا بالغالية .. تعالي اتفضلي يا بتي نورتينا وآنستينا 

سلمت عليها ياسمينا 

_ مرسي يا انطي لزوقك تسلمي 

___ 

دخلوا جوا واتعرفت يا سمينا على أهل البيت وبعدين استأذنت تطلع اوضتها علشان تنام وترتاح 

مرات العمدة بسيمة فضلت تبص للساعة 

_ انت فين يا ولدي اتأخرت ليه وفوتت معاد وصل عمك

جه ابنها الكبير

_ ايه يا ماي مالك اكده واقفة شاردة 

_ اخوك فين يا ولدي واتأخر ليه 

_ زماناته جاي يامه قلقانه عليه ليه 

_ لانه يا ياسر داي تبقى قلة زوق منيه لما يغيب عن استقبال عمه وبت عمه اللي اول مرة تاجي اهنه البلد 

_ انتى عارفة ولدك  جاسر مهيعملش الا اللي يلد عليه راسه دماغه ناشفه زماناته جاي وهيحب ع راس عمه كمان.. متشغليش بالك انتي .. وروحي ارتاحي يامه انتي تعبتي في عمايل الوكل 

_يعني هما أكلوا حاجة يا ولدي .. البنية جت مفرفرة وطلعت نامت 

_معلهش لما تصحى هتأكل ما لذ وطاب 

__

رجع جاسر من شغله فسمع اتنين من البنات اللي بتخدم ف السرايا عندهم 

_ البنته المصرواية جمالها يهبل ..ايه من ايات الله تقول للقمر قول واني هقعد موطرحك 

_ صحيح يا بت شوقتيني اني اشوفها اني كنت ملخومة في تحضير الوكل في المطبخ جوا 

_ هي طلعت نامت دلوك لما تصحى هتشوفيها 

_ ااه يااني لو ربع جمالها ديه 

جاسر لوا بوءه وقال بضيق 

_ نامت عليها حيطة قال جميلة الجميلات قال هتلاقيها نافشة ريشها كيف الطاووس ومحدش هيعرف يكلمها 

دخل فشاف ابوه وعمه فسلم عليه وباس ايده 

_ حمدا لله على السلامه يا عمي.. معلهش كنت في مشوار تبع الشغل وتوي راجع دلوك.. متأخذنيش يا عمي

فوزي

_ ولا يهمك يا جاسر يا ولدي انا مقدر ظروف شغلك 

بدر الطميري

_ فاتتك شوفت عروسة كيف البدر منور تبارك الخلاق...

رد بسخرية_ عروسة مين يا بوي اني معايزشي عروسة المولد وانت عارف 

ضحك فوزي

_ يخص عليك يا جاسر بقى بتقول بت عمك وقدامه عروسة المولد

_ اسف ياعني مش قصدي إساءة بس هتلاقيها جاية بقا وعاملة في نفسها العمايل اشي علية بوية ع وشها واشي لابسة ايه ولا ايه 

فوزى بضيق

_ لا انا شايف انك متتكلمش وتشوفها وبنفسك وبعدين احكم

 بدر_لا يشوف ايه ويحكم ايه بعد قولة العمدة .. اني خلاص قررت ان ياسمينا لجاسر وديه اخر كلام 

فوزي_ بس اصبر بس يا عمدة لما اخد راي ياسمنة

_ لاه وهي هتلاقي أحسن من جاسر ولدي فيه.. جاه ومال وحسب ونسب.. خلاص خلص الكلام في اكده ولا عنديكم كلام تاني 

فوزي وجاسر مكانوش عارفين يردوا يقوولو ايه 

جاسر طلع اوضته وهو متضايق ومخنوق 

_ تطلع مين داي علشان تفرض عليا بالشكل ديه اكده لاه وكمان مصراوية لا من توبي ولا تعرف عاداتنا وتقاليدنا بس هعمل ايه هقدرش اكسر كلمة العمدة حتى عمي فوزي مقدرش يعارض كلامه

__

طبقت ياسمينا نوم لتاني يوم الصبح

ومصحتش  الا ع خبط ع الباب من مرات ياسر 

_ايه يا حلويات انتي هتفضلي نايمة اكده اكتير احنا عايزين نتصاحبوا وبتسامروا ونقعدوا مع بعض

ياسمينا بنوم

_هي الساعة كام 

_ناموسينك كحلي الساعة ١٠ الصبح 

قامت مفزوعه

_يا خبر كام انا نمت كل دا 

_ايوة ديه زي ما تكوني كنتي ف غيبوبة 

جت بسيمة وقالت

_بعد الشر عنيها يا بت يا نعمة قومي يا بت شوفي اللي وراكي وسيبى جميلتنا في حالها تثوم وقت ما تحب 

نعمة

_واه واني منيش جميلة يا عمتي بسيمة 

بسيمة

_ااه شوفي من أولها اكده لؤم وغيرة السلفات هيشتغل

نعمة

_لاه وربنا ماهو اكده أني حبيتها وارتحتلها وهعاملها زي اختي تمام 

بسيمة ابتسمت 

_وديه المتوقع من واحدة في طيبة قلبك يا بت يا نعمة ولا انتي ايه رايك يا ياسمينا 

ياسمينا

_ولو اني مش فاهمة انتوا بتحكوا ف ايه الا ان اه نعمة شكلها طيبة والظاهر كدا هنكون اصحاب 

بسيمة 

_بنحكي عن خطوبتك انتي وولدي جاسر يا بتي... وربنا ما هلاقيله عروسة زينه اكده زييكي 

ياسمينا بصدمة 

_ايه 

نعمة بفرحة 

_مبروك يا عروسة عدى العمة وعمى فوزى اتفقوا خلاص عل قراية فاتحتكم 

ياسمينا ف نفسها 

_كدا يا بابتي تعملها من غير ما تأخد رايي! 

حست انها مخنوقة فقررت انها تنزل تحت تتمشى 

_ااا انا عايزة انزل اتمشى شوية في البلد 

بسيمة 

_افطري يا قلبي وابعد واحدة من البنات يفرجوكي ع البلد 

_لا لا انا هروح لوحدي وهرجع بسرعة وبعديها افطر 

_هتوهي يا بتي 

_ لا متخافيش عليا مش هتوه ان شاء الله 

_زي ما تحبي يا نضري 

نعمة _وربنا انتي مدلعاها مش زيي علطول بتعطيني بالبولغة 

_انجري يا بت قدامي خلي الحلويات داي تغير خلجاتها 

نعمة

_شايفة يا ياسمينا حماتك بتعاملني ازاي وخليكي شاهدة بس بردك بحبها وبموت فيها ستي وتاج راسي 

بسيمة

_اني نظرتي ف الناس متخيبش واصل من يوم ما شوفتك يا بت يا نعمة وقلت داي هتكون مرة ولدى البكري ياسر داي اللي هتليق بسه وتصونه 

_تسلمى يا عمه وربنا كاتير الكلام ديه عليا 

ابتسمت ياسيمينا لانها حستهم طبيبن بس فضلت متضايقة لانهم خطبوها من غير ما ياخدوا رايها او تشوف خطيبها حتى 

لبست ونزلت 

وفضلت تتمشى شوية وهي سرحانة 

لحد ما سمعت حد بيحكي قصة لأطفال صغيرين 

فراحت وقعدت وسطيهم وقالت 

_الله القصة دي الظاهر انها حلوة اوي ممكن اسمع معاكم 

اللي كان بيحكي القصة للاطفال هو جاسر واللي ابتسم على تصرفها الطفولي وقال 

_ممكن طبعا اتفضلي 

ابتسمت 

_انا خلاص قعدت وكنت هتكمل القصة اجباري طبعا.. كمل انا سمعت لحد ما على بابا حاول يفتح باب المغارة 

_لا انتي الظاهر متحمسة للقصة اوي 

_اه انا بحب القصص جدا ولو تشوف المكتبة اللي عندها كلها قصص وروايات وكتب بجميع انواعها 

اعجب بيها جاسر

_ممم جميل جدا .. كويس اني لقيت حد بيحب القراءة زيي هو حضرتك جديدة هنا 

_اه فعلا انا جديدة هنا جاية زيارة وماشية ممكن تكمل بقا 

_اه طبعا هكمل كمل جاسر القصة وطول الوقت مبسوط انه شايف الفرحة في عين ياسمينا اللي ميعرفش انها بنت عمه والبنت اللي ابوه عايز يخطبهاله 

خلصت القصة والعيال جريت تمرح وهي مبسوطة فجاسر قال

_تعرفي كتاب نار تحت الرماد 

_اه طبعا وقريت كل كتب دكتور مصطفى محمود  أحمد خالد توفيق وغيرهم 

_ممم لا الظاهر انك مثقفة فعلا 

_طب انت قريت بقا رواية اهدتني معاقا تحفة 

_مم مش بقرأ روايات بس بم انك اتكلمتي عنها يبقى هقرأها 

_رواية جميلة وكلها حكم ومواعظ لأسماء عبد الهادي هتعجبك 

_تمام اقرأها واقولك رأي بكل صدق 

_تمام .. يلا سلام اشوفك ع خير.. هتكون هنا بكرة ف نفس المكان!! 

_ان شاء الله 

_هو انت مدرس ولا ايه 

_لاه بس بحب أجمع العيال وقت فراغي أكده واحكيلهم حكايات زمان اللي كلها عبر وحكم 

_خلاص يبقة هتلاقيني حاضرة معاكم علطول 

_تنورينا يا اهلا بيكي 

__

رجعت السرايا تاني 

بسيمة 

_ كويس انك معوقتيش يا بتي تعالى يلا علشان تأكلي بدل ما تقعي من طولك انتي مكلتيش حاجة من اميارح يا بتي 

قعدت ياسمينا ع السفرة 

وبدأت البنات تحط لها الأكل 

واحدة من الشغالات

_منورة يا يا ست هانم

 بنت تانية_ انتي حلوة اكده ازاي 

ضحكت ياسمينا 

_ على فكرة انا عادي يعني مش بالجمال اللي بتقولوا عليه 

بنت مم البنات 

_ الله على التواضع يا ناااس 

ضحكت ياسمينا وقالت 

_ طب يا بنات هتأكلوني ايه لاني جعانة اوي 

البنت 

_ ديه فطير مشلتت معمول بالسمنة البلدي والزبدة الفلاحي وديه عسل أبيض وعسل اسود وبيض بلدي ومِش عمايل ايديا وحياة عنيا

البنت التانية 

_ داي تصبيرة اكده لحد ما الغدا يجهز والعمدة وسيدي الحاج فوزي يجي وكل الرجالة وتتجمعوا ونحطلكم كل ما لذ وطاب

في الوقت دا جه مصطفى وقال 

_ اني جيت يا أهل الدار يامه يا ست الدار يا بسيمة 

بسيمة جت استقبلته 

_ حمدا لله على السلامه يا مصطفى يا ولدي 

_ كيفك يا ماي اتوحشتكم 

_ منيحة بشوفتك يا ولدي.. اتأخرت ليه اكده 

_ كانت ظروف شغل يامه واضطريت ابات اهناك ليلة امبارح 

_ الف حمدا لله على السلامة يا ولدي .. ها تعالى يلا سلم على بت عمك وكلك لقمة وبعديها حصل ابوك وعمك في المندرة هناك 

_ ماشي يامه 

قرب مصطفى من السفرة وقال ببسمة

_ ازيك يا بت عمي منورة النجع كلياته والله

ياسمينا قبل ما تلف وشها 

_ الله يسلمك 

وبعدين لما شافته 

_ ايه دا مصطفى مش معقول انت ابن عمو بدر 

_ بالظبط أكده اني ولده الأصغر الكبير ياسر والوسطاني جاسر وأني اخر العنقود 

سايمينا بمرح

_ سكر معقود .. بس ليه مقلقتليش لما اتقابلنا 

ضحك مصطفى

_ علشان اشوف المفآجئة اللي على وشك داي منورة يا بت عمي 

_ لا دا انت الظاهر حكايتك حكاية 

قعد ع كرسي جنبها 

_ حكاية ورواية كمان احكيلي بقا عحبتك بلدنا .

_ يعني لسه ملحقتش شوفتها كويس ايه رأيك تأخدني تفرجني ع البلد كلها!

_ مفيش مانع بس اكل لقمة الاول واروح اسلم على عمي وبعد اكده اعملك اللي انتي عايزاه 

_ درش ايه دا اللي في المش اللي بتقول عليه البنات

_ ديه مش بدوده يا ياسمينا 

_ نعم انت بتهرج 

_ لاه بحق وحقيقي حتى شوفي اهي الدودة هتلعب في الطبق 

ياسمينا قامت بسرعة ترجع 

ضحك مصطفى

_ ايه يا بت عمي مالك قرفتي ليه اكده 

_ حرام عليك يا مصطفى معدتي قلبت بسببك 

_ اني بهرج معاكي مش حقيقي هنأكل بردك دود ما تشغلي عقلك 

_ بقا كدا انت بتشتغلني طب وربنا ما سايباك تعالى هنا 

هرب منها مصطفى وفضلت تجري وراه ويضحكوا 

في الوقت دا جاسر رجع 

وسمع صوت 

_ في ايه يامه ايه الصوت ديه 

بسيمة

_ اهلا يا ولدي ديه اخوك مصطفى وبت عمك تقريبا اكده اتصاحبوا بسرعة بيمرحوا مع بعض 

جاسر كشر

_ من اولها اكده لحقت تأكل عقل مصطفى.. ايوة متعملهاش ليه مش مصراوية وتضحك ع جمهورية.

_ دي دمها شربات ورقيقة اوي يا جاسر هتحبها لو شفتها 

_ حبها برص يامه داي بت مايصة مش سامعة صوت ضحكتها عامل ازاي.. كنها غازية قبر يلمها 

_ لاه يا ولدي متدعيش عليها أكده حرام 

_ اسمعي يامه اني استحالة اتجوز البو داي ولو ع جثي 

_ بعيد الشر عنك يا ولدي.  بس اعطي لنفسك فرصة وشوفها واتكلم معاها الاول ابوك خلاص عطى كلمة

_ لاه خلص الخلاص.. جوزها لمصطفى لايقه عليه اتنين مخابيل زي بعض اني عايز واحدة عاقلة ومثقفة 

وبدأ يفكر في البنت اللي حضرت معاه القصة اللي كان بيحكيها للأطفال فقال ببسمة 

_ وخلاص عرفتها ولقيتها ومش هخطب الا هيا يامه 

_ هي مين يا ولدي 

_ واحدة اكده حسيتها نفس دماغي يامه ودخلت قلبي علطول 

_ بت مين دي يا ولدي 

_ معارفش بس هي مش من اهنه جاية زيارة ومعاودة 

_ يعني مصراوية زي بت عمك اشمعنى بقا بت عمك مش عاجباك 

_ لا دولن بينهم فرق السما عن الارض ايش جاب الغازية للمثقفة داي يامه 

_ يابني شوفها الاول 

_ لاه يامه وديه اخر كلام عندي اني طالع اريح لحد معاد الوكل علشان عندي مشوار مهم العصرية 

_ ماشي يا ولدي.

__

تاني يوم الصبح 

ياسمينا خرجت ف نفس المعاد علشان تسمع القصص اللي بيحكيها جاسر وبردو متعرفش انه هو ابن عمها 

انضمت ليهم وقعدت معاهم 

_كويس اني جيت بدري علشان الحق القصة من اولها 

جاسر بابتسامة 

_احنا كنا في انتظارك علشان نبدأ 

_تمام يلا كلنا آذان صاغية 

بدأ جاسر يحكيلهم القصة والكل كان مستمتع 

وبعد ما خلص والاطفال بدأت تنسخب واحد ورا التاني ياسمين وقفت وشكرته 

_شكرا جدا ع الوقت الممتع اللي بقضيه وانا بسمع القصة بجد اداءك ممتاز 

_ديه من زوقك تسلمي.. عل. فكرة أني قريت الرواية وخلصتها كلياتها في ليلة واحدة 

_بجد بالسرعة داي عملتها ازاي 

_ماهي لو مكانتش حلوة مكنتش هقدر اكمل منيها صفحة واحدة

_معاك حق هي حلوة جدا 

_لا انا الظاهر هخليكي ترشحيلي روايات تانية اقراها في وقت فراغي 

_بكل سرور معاك قاموس كتب وروايات 

_ده شىء عظيم اوي 

_يلا سلام اشوفك بكرة مع قصة جديدة

_في امان الله 

__

رجعت ياسمينا السرايا وفضلت تدور ع مصطفى 

_انطي بسيمة فين مصطفى

_فوق يا بنيتي في اوضته 

_تمام يا انطي انا هطلعله

_واه يا بتي كيف ديه عيب 

_واي نوت انطى 

_هو ايه ديه 

_ليه عيب 

_ازاي ندخلي اوضة شاب غريب اكده حتى لو كان واد عمك 

_لا انا كنت هخبط عليه بس مش هدخل مش تقلقي 

_طمني قلبي يا بتي ماشي اتفضلي.. بس انتي عايزاه في ايه 

_يفسحني في البلد يا انطي 

جت نعمة 

_مش من باب اولى يا ياسمينا خطيبك هو اللي يقوم بالمهمة دي ويفريجي البلد 

يايمينا بضيق

_نعمة من فضلك انا ما صدقت انهم نسوا الحوار دا.. جاسر مين اللي خطيبي فكك دا حتى مشفتوش .. يلا سلام طالعة لدرش 

طلعت وخبطت ع باب اوضته 

_مين 

_انا يا درش افتح 

مصطفى فتح الباب بصوت منعوس

_مين االمزعج اللي قلق منامي 

ياسمينا_ يخص عليك يا درش بقا انا مزعجة 

_ ايه دا ياسمينا معلهش اني فكرت واحدة من البنات اللي شغالة اهنه..

_ لا دا انا وعلى فكرة حتى لو واحدة من البنات اللي بيشتغل هنا مينفعش نقولهم كدا 

_ معاكي حق فعلا 

_ مش تزعلهم علشان خاطري

_حاضر اني محقوقلهم

_ ومحقوفلي انا كمان 

_ ليه خير

_ وعدتني انك هتفسحني  وكدبت عليا

_ معلهش عصب عني امبارح لما روحت اسلم على ابوكي ابوي سحلني في الشغل هناك رجعت مش شايف قدامي ولسه مطبق لدلوك بقالي جوز ليالي منمتش

_ خلاص صعبت عليا 

_ يعني مش زعلانة 

_لا هسامحك بس بشرط تنزل علشان تفسحني 

_ بس كدا خمس دقايق اغير خلجاتي وهوديكي أجمل الاماكن اهنه 

_ اوك انا في انتظارك 

لبس مصطفى ونزلوا مع بعض 

في الوقت دا ياسر كان بيزعق لجاسر

_حديت ايه الماسخ ديه اللي قولته لأمك يا اخينا انت 

_ مهواش ماسخ يا خوي لان داي الحقيقة 

_ حقيقة ايه وزفت ايه يا جاسر انت جرى لعقلك حاجة 

ياسمينا لمصطفى

_ درش بجد دا جاسر اخوك اللي عايزين تجوزهولي

_ هو بعينه ايه رايك يا بنت عمي 

_ بصراحة متوقعتش ابدا انه هو 

_ ليه انتي شوفتيه قبل اكده 

_ هقولك بعيدين بس اسمع بس بيقولوا ايه 

جاسر 

_ ايه اجرمت لما قلت اني مش موافق اني اتجوز بت عمي البت الهايفة المايعة داي 

ياسمينا بغيظ

_ انا هايفة ومايعة

مصطفى بتوتر 

_ اا انا بقول نروح نشوف طريقنا احسن يلا 

_ لا اصبر لما اسمع بيقول عليا ايه تاني 

جاسر

_ اني استحالة اتجوز واحدة زييها ميهمتش غير الفسح والخروج والسرمحة داي حاجات مقبلش بيها 

_ وتكسر كلام ابوك عاد

_ وتدبسوني فيها ليه .. ما عندكم مصطفى انا  مالي انا .. جوز قرود لايقين ع بعض خروجي من الحوار

ياسمينا 

_ بقا كدا يا جاسر

مصطفى في نفسه 

_ يادي السواد داي شكلها هتقوم حريقة اهنه 

ياسر

_ يا واد ابوي افهم ابوك خلاص قرر مش هيتنازل وكمان انت الوسطاني اللي عليك الدور كيف يعني نجوز الصغير قبل الكبير

جاسر

_ بتحصل عادي وفيها ايه .. من الاخر اكده اني مش هتجوز الا على مزاجي

_ وايه هو مزاجك ان شاء الله..

_ عايزة واحدة محترمة مطيعة مثقة عاقلة وراسية اكده.. تفهمني وافهمها.. لكن البومة اللي جتلنا دي متنفعش 

مصطفىحط ايده ع وشه 

ياسمينا بضيق

_ درش انا بوما

مصطفى بتوتر

_ ها لا لا طبعا دا هو اللي بومه وفقر كمان سيبك منك 

_ طب اسمع لما نشوف هيقول ايه تاني تهزيق فيا 

_ انا بقول كفاية عليكي كدا 

_ لا مش ماشية الا لما اسمع كل حاجة

_ يا بنتي كبري دا اخوي ديه معقد وبيه دماغ لوحديه 

_ اسمع بس يا درش 

ياسر

_ وهتلاقيها فين اللي بالمواصفات داي ولا اقولك روح فصلها عند اي طرزي علشان تكون ع هواك 

_ بتقلس يا ياسر طب ايه رايك اني لقيتها 

_ يا راجل 

_ ايوة فعلا 

_ وهي مين بقا ربة الصون والعفاف 

_معرفش هي مين ولا بنت مين معرفش حتى 

_ طب اسمها حتى ايه 

_ دا كمان معرفوش 

_ والله عال اومال تعرف عنها ايه يا اخرة صبري

جاسر قال بحماس وفرحة_ اعرف انها بتشبهني كتير . بتحب القراءة زيي ...  وبتحب تسمع القصص مهتمة يالكتب والادب بشكل عام ودا نادر لما ألاقيه الايام داي.. واحدة عاقلة وهادية ورزينة

_ وعرفت ديه كله عنها فين ان شاء الله.. شوفتها ف اخر سفرية ولا ايه اياك .. لازمن تعرف ان ابوك مش هيوافق على كلامك ديه

_ شوفتها اهنه ف البلد.. كنت كالعادة بحكي للعيال حكاوي زمان ..جت وانضمت لينا.. ومش مرة واحدة دي كانت حريصة على انها تيجي تاني يوم ف نفس المعاد.. حسيتها  بتدعمني رغم ان كتير منكم شايفين ان اللي بعمله مع الاولاد دول تضييع وقت.. حسيتها فاهماني  وفاهمة دماغي وغير كدا وكدا لقيتها بنت محترمة يادوب يخلص الدرس بتمشي من غير لت وعجن ع الفاضي ولا كلام مايع ولا أي دلع مرىء من بتوع بنات اليومين دول ..

_ ياااه كل ديه حسيته بمجرد حضروها لحكاويك دا انت شكلك وقعت بقا ولا حدش سما عليك 

_ الظاهراكده يا خوي علشان أكده لازمن تخلصني من بت عمي علشان قلبي ينول مراده من اللي قدرت تحرك مشاعري تجاهها يارب بس هي توافق بيا 

_ موضوعك واعر اوي يا خوي 

_ لا مهواش واعر ولا حاجة انت وشطارتك مع ابوك وكمان اخوك اللي هيتجوزها يعني مش هتخرج من العيلة 

_طيب ماشي هشوف الموضوع ديه 

_لاه ضروري بالله عليك 

_الحب ولع في الدرا يا ولاد يقطع الحب وسنينه ماشي 

ياسمينا 

_يلا يا درش قبل ما يشوفنا ويعرفوا اننا سمعنا الحوار

_اخيرا اقتنعتي اننا مكانش يتفع نقف نسمعهم .. انتي أكده مرتاحة يعني لما اتكدرتي بكلمتين جاسر اخوي 

ياسمينا بسعادة وهي ماشية مع مصطفى

_ارتحت جدا واوي اوي كمان.. يااه متتخيلش انا فرحانة باللي سمعته قد ايه 

_يخيبك دا طلع فيكي كل القطط الفسطانة ومبسوطة.. صدق اللي قال القط ميحبش الا خناقه 

_ايه يا بني مالك 

_مالي دا ايه انتي يا بت معنديش اي شويو من الأحمر

_في ايه يا درش 

_انتي اتحولتي ليه مش كنتي متغاظة ديه قال عليكي قرد وبومة و... اقول كمان 

_بس اخر كلامه عجبني اوي 

_ليه ياختي كنه كان بيحكي عنيكي مثلا 

_بالظبط كدا 

_نعم! دا اللي هو ازاي يعني 

_يعني انا البنت اللي بحضر معاهم القصص والحكايات انا البنت اللي بيتكلم عنها جاسر

_لاه عنجد  ازاي ديه انتي يا بت عنديكي انفصام ف الشخصية 

_لا طبعا.. يا ردش افهم 

_جاسر كل كلامه الاول اللي قاله عليا ع اساس انه مشافنيش وميعرفنيش اما كلامه ف الاخر ع اساس شافني واتعامل معايا علشان كدا انا مش زعلانة منه.. الا اني عندي عتب ليه وعتب كبير كمان .. وعلشان كدا لازم اعاقبه على دا 

_وناوية ع ايه يا ختي 

ابتسمت بمكر

_هقولك 

__

مصطفى راح لاخوه 

_اني خلاص موافق ع جوازي من بت عمي وهخلصك من التهمة داي 

فرح جاسر 

_بجد يا درش ياااه دا انت شيلك جبل هموم من ع كتفي 

_ابقا عد الجمايل يا عم.. المهم يلا اجهز بقا علشان الليلة كتب الكتاب 

_ياااه بالسرعة دي 

_يا ابني اخوك مبيضيعش وقت واصل 

_ماشي ياخوي ربنا يسعد سعيد بسعيدة 

_عقبالك 

_ان شاء الله قريب 

__

وقت الحفلة بالليل 

مصطفى 

_جاسر مش هتشوف عروستي 

_يا عم اشوفها ليه ربنا يسعدكم 

_ يعني انت مشغتهاش ولا مرة 

_انا ولا مهتم بيها معلهش اعذرني يا خوي 

_طب تشوفها ..يعني علشان تكون عارف مرة اخوك مش اكتر اومال تكون ماشي جنبيها في الطريق ومتعرفهاش مثلا 

_ماشي هي فين شاورلي عليها

_اهي بص تحت هناك اهي اللي واقفة جنب شجرة الليمون 

_فين داي مش شايفها

وفجأة عينه لمعت لما شاف البنت اللي حبها 

_ايه دا هي طلعت صاحبة بت عمي ديه هو الكلام الصوح الدنيا اكده بقت سهلة عليا 

مصطفى 

_هي مين 

_اللي هناك اللي جنب شجرة الليمون دي صاحبة ياسمينا بت عمك 

_هي نفسها ياسمينا بت عمك يا بني ركز .. داي يسمينا اللي هتكون مرتي خلال لحظات خلاص 

انصعق جاسر وقال

_ايه انت بتقول ايه.. لا مش معقول اكيد فيه حاجة غلط 

مصطفى بمكر 

_اه فضلت اقنع فيها تسيب الكتاب اللي ماسكاه دا من ايدها  واقولها مش وقته بس مصممة تخلصه وتقول اجل كتب الكتاب لحد ما تخلصه شوفت جنان اكتر من كدا

جاسر كان هيموت من القهر 

_لا مش معقول مش معقول 

_في ايه يا ابني انت علقت 

حاسر عينه كانت هتدمع 

_ياسمين طلعت البنت اللي كنت عايز اتجوزها 

_انت هتجنني معاك انت مش قلت اتجوزها انت يا مصطفى مش عايز بنت عمك 

_لا مكنتش اعرف انها هي انا هتجوزها هتجوز بنت عمي 

_لااا خلاص فرصتك راحت دي بقت ملكي خلاص 

جاسر اداله باللوكامية 

_وربنا اطيرك اسمع يلا انا ضحيت ببنت عمي علشان افوز بيها واتضح انها وهي وبنت عمي واحد فهمت قد ايه انا كنت غبي 

_اخيرا اعترفت.. علشان بعد أكده متحكمش على حاجة من قبل ما تتأكد كويس منيها 

ياسمينا زينة البنات كلياتهم وبشهادتك انت قبل الكل وبغباؤك وتسرعك كنت هتضبعها منيك

واني علشان اللي عملته مكنتش هنولهالك وكنت هتجوزها اني بالفعل بس للاسف هي رايداك انت فهنياله يا عمنا 

جاسر فرح

_حقيقي يا درش 

_الليلة ليلتك يا عم وديه كان ملعوب فيك الكل عارفه علشان بس تتعلم الدرس كويس 

جاسر حضنه وقال بفرحة 

_ياااه رجعت قلبي ينبض من تاني كنت هموت من الصدمة 

مصطفى شاور لياسمين 👍

واول ما شافت جاسر بيبص عليها ابتسمت بحرج ودخلت ع جوا 

جاسر جري بسرعة وقال 

_استعجل المأذون يا واد ابوي عندي كلام كاتير في قلبي عايز افضفض بيه