أكل مال شريكه شوفوا نهايته كانت ايه

 قصص للعبرة للكاتبة أسماء عبد الهادي 

أكل مال شريكه شوفوا نهايته كانت ايه

قصة

كنت رايح مع بابا علشان جلسة الكيماوي بتاعته 

وهناك في الاوضة مع بابا شفت واحد كان نايم وباين عليه التعب كأنه ف ايامه الأخيرة 

كل شوية يصحى فجأة يصرخ مرة واحدة صراخ يرج ارجاء المستشفى كلها ويقطع نياط القلوب وينام تاني وبرجع يصحى بنفس الطريقة ويصرخ نفس الصرخة الموجعة

اشفقت عليه ورحت عنده اواسيه زي ما بعمل مع بابا عارف ان علاجهم مش هين 

_مالك يا حج الف سلامة عليك.. معلش الكيماوي صعب ربنا يعينك ويعفوا عنك 

ضحك بحسرة

_فكرك اللي فيا دا بسبب الكيماوي دا ولا حاجة من اللي بشوفه ياريتها كانت على العقوبة في الدنيا مكانش دا بقا حالي 

بصتله باستغراب فقال

_أنا هحكيلك 

فلاش بااك

 في معرض سيارات

_ يعني ايه يا حسن ايه اللي بتقوله دا 

_ يعني ملكش حاجة عندي الشراكة اللي بينا انا فضيتها واتفضل روح شوف حالك بعيد عني 

_ اشوف حالي ايه طب حتى قسم كل حاجة بالنص 

_ بالنص ايه ده تعبي وشقايا انا فيها سنين طويلة 

_ انا كمان تعبت وشقيت علشان شغلنا يكبر سوا ومحدش له فضل ع التاني 

_ قلتلك مكلش حاجة عندي واللي عندك اعمله..عايز تشكيني اشكيني ولو عندك ورقة واحدة... تثبت بيها حقك قدمها 

_ انت عارف اني كنت مستأمنك عل كل الورق والفلوس وعمري ما خونتك

_ قلتلك ملكش حاجة عندي هوينا  بقى 

مشي ورجع ع بيته  وحاول انه يسترجع ولو جزء بسيط من حقع بس انا كنت عامل حسابي حويس ومطالش مني ولا مليم 

والدنيا ضاقت بيه ومبقاش عارف يسد ايجار البيت ولا يكفي ديونه ولا يقضي مصاريف عياله 

مراته قالت 

_ هنعمل ايه احنا مش لاقين ناكل 

_ربك هيدبرها منه لله اللي كل فلوسي وتعبي وشقايا احنا  هنسيب المنطقة وهدور ع شغل في منطقة تانية.

 

وقبل ما يمشي فات عليا في المعرض وقالي كلمة واحدة

_ انا هشكيك لربنا ربنا يمهل ولا يهمل 

بصتله بلا اهتمام وكملت تجارتي وكبرت وربحت منها والدنيا احلوت في وشي 

_ كنت عارف ان الفلوس دي من حقي انا وربنا اهو مبارك فيها وكل شوية بتكبر اكتر واكتر 

وعدت سنين وسنين وبقيت راجل غني واولادي اشتغلوا معايا في التجارة والقرش جري ف ايديا مكنتش عارف ان ربنا بيبتليتي في الفلوس الحرام اكتر واكتر 

وبعدها اكتشفت المرض اللعين

وبدأت رحلة العلاج اللي ألعن منه 

كنت أنام وأقوم مفزوع وانا شايف مقعدي في النار 

عرفت ان ده حق شريكي اللي أكلته منه زمان 

سألت عليه لقيته مات للأسف 

كلمت اولادي يرجعوا لأولاده حقهم يمكن ربنا يخفف عني العذاب لكنهم قالوا 

 _انت ملكش عندنا فلوس دي فلوسنا احنا وتعبنا احنا.. نفس اللي قلته لشريكي زمان .. الزمن عاد نفسه تاني.. اترجيتهم علشان ربنا يسامحني لكنهم قالوا وبكل جبروت 

_يوم القيامة ابقا ردهم ليه .. وسابوني مرمي هنا في المستشفى الحكومي دي من يومها.. وانا على الحال دا .. وادي حكايتي يا ابني احكيها للناس علشان تتعظ منها.. انا انهيت خلاص يابني ادعيلي ربنا يخفف عني العذاب اللي انا فيه 

وَلَا تَأْكُلُوا أَمْوَالَكُم بَيْنَكُم بِالْبَاطِلِ وَتُدْلُوا بِهَا إِلَى الْحُكَّامِ لِتَأْكُلُوا فَرِيقًا مِّنْ أَمْوَالِ النَّاسِ بِالْإِثْمِ وَأَنتُمْ تَعْلَمُونَ