ميرا وسر القطعة الأثرية

للكاتبة أسماء عبد الهادي 

اسكربت

ميرا كانت بتخبط على الباب البيت
_ انتوا يا بشر ياللي في البيت افتحوا أنا جيت
فتحت مامتها وهي بتهز راسها بيأس من بنتها المجنونة اللي مش بتعقل أبدا
_ يا بنتي كبرتي وبقيتي عروسة ولسه بردو هبلة مش هتعقلي ابدا
قالت بدلع
_ بقا انا هبلة يا مامتي...وبعدين ايه يا مامتي الحق عليا اني بعملكم جو في البيت الكئيب ده .. دخليني دخليني هموت من الجوع يا مامتي ..طابخالنا ايه يا ست الكل بنتك واقعة اوي

_ طول عمرك يا بنتي هي عادتك ولا هتشتريها .. ادخلي ادخلي يا أخرة صبري
دخلت ميرا واترمت على الكنبة بتعب
_ ياااه يا ماما كان يوم متعب جدا ، لفينا فيه كتير جدا ما بين الموقع ده والموقع ده لحد ما دوختهم قصدي دوخنا كلنا
جه أخوها أحمد وقال
_ انتي جيتي يا مصيبة

_هتعبر الكلمة دي اطراء منور يا ميدو باشا .. اختك اتنفخت النهاردة دي كان يوم علقة اوي اه ياني يا رجلي

_مش عارف ليه شامم ريحة حد بيشتكي من الشغل ها
ضحكت ميرا وقالت
_ هكدب عليك لو قلت لا ، اختك انتفخت يا ميدو واللي كان كان..عاا

ضحك أحمد
_ ممنوع اسمعك تشتكي ها.. انتي اللي اخترتي الكلية دي بكامل ادراتك  وياما حذرتك انا ومراد انها مش سهلة ومرهقة ومفيش فايدة دماغك انشف من حجر الصوان
_معاك حق اخترتها بكامل ارادتي وقوتي العقلية بس انت عارف اختك مجنونة ومفيش عقل اصلا ازاي تصدقوها يا ابني

جه مراد اخوها
_ في دي معاك حق احنا ازاي وافقنا واخذنا على كلامك وانت مجنونه وعلى الله حكايتك.
_خلاص بقى انت هتفضل انت وميدو تقطموا في هو انا يعني كنت اعرف  اللي فيها صحرا وصبار وسحالي وحر كمان أنا يوم كمان واتحول زومبي من الحر... لا وايه كل ده سيرا على الاقدام قال ايه علشان نكتشف الكنوز الدفينة تحت الأرض، ده شكلي انا الي هندفن تحت الأرض ... وحسرة عليها وحسرة عليها ... ياعيني عليكي يا ميرا  مش كنتوا واقفتوا على كلية الشرطة زيكم كان زماني متستتة فيها

ضحك احمد ومراد عليها

قامت تجري وراءهم
_انتم بتضحكوا على احزاني طب ربنا ما سيباكم استنى علي بس احمد قال

_ايه يا بنتي انت مش كنتي بتقولي مهدوده ومفيكش حيل يخرب بيتك اتهدي بقى

_ اهو قرك علي ده اللي جابني لورا
فضلت تقولي اتهدي اتهدي لحد ما اتهديت فعلا اااه يانا ياماماتي يانا.

هنا  نادت مامتهم
_ يلا يا اولاد الاكل جاهز جريت بسرعه  وقعدت على السفره اول واحده وهي_ بتسقف يا حلاوتك يا ماماتي ايه اللي مدلعاني
_كلي يا اختي على الله يطمر
_هيطمر  هيطمر يا ماما متقاطعيش انتي بس يا مامتي ناوليني ورك الفرخة ده هموت عليه واحجزيلي التاني لحد ما اخلص ده احسن اخواتي  هيهجموا عليه هجوم التتار دلوقتي
مامتهاقالت بصدمة
_ شوف البت بتحلق ع الاكل ازاي
مسكها اخوها مراد من قفاها وقال _بنت انتي نتعدل ها نتعدل

_اا .. حاضر ..ححاضر بس بالله ابعد ايدك اللي عاملة زي المرزبة دي عني

سابها مراد فقالت بصوت واطي
_اوف الحمد لله ربنا نجدني من الطور لما يهيج
_بتقولي حاجة يا ميرا
_ايه لا لا ابدا ، بقولك خد الورك التاني حلال ايه
وبصت عليه لقته في ايد أحمد أخوها فصرخت
_عااا لاااا انت استغلالي على فكرة يا ميدو انا كنت حاطه عيني عليه

مراد بسخرية
_مش قلتي حلال عليا
_هو ايه لا دا انا بس كنت بجر ناعم معاك بس اخوك الطفس أخده ياكش يطفحه بقا ها.

ضربتهة امها على دماغها
_بتقولي ايه يا بت ده بدل ما تقولي بالهنا والعافيه يا اخويا يا حبيبي

_ليه كنت خلفته ونسيته ده اكل الورك بتاعي يا ماما
_يا بنتي ما انتي نايبك في ايدك لسه ما خلصش
_ما انا كنت هخلصه يا ماما وادخل ع التاني
ميدو
_انتي يا بنتي مش زي بقية البنات رقيقة وكيوت ليه ها ليه
_مين قال كدا انا اصلا رقيقة وكيوتة وبسكوتاية ف نفسي خالص
_اه ده عند ام ترتر انا الحمد لله شبعت وداخل اوضتي عايزك بقا زي الشاطرة تلحقيني بقا بموباية الشاي وتجيبها لي في اوضتي ماشي يا حلوه
_بس انا لسه باكل
_ بعد ما تخلصي يا ميرا كوبايه الشاي تجيني في اوضتي ماشي
_طيب طيب يا باي كنت الشغالة الفليبينية بتاعتكم
__
ميرا خلصت اكل وراحت عملت طبخ عملت كوبايه شاي لميدو اخوها فسمعت مراد  في اوضته بيقول
_ ميرا اعملي حسابي  كمان
_ده ايه الغلب دا بس يا ربي انا بدل ما اكون البنت الوحيدة في البيت واتستت واتدلع مشغلني الخدامة الفلبينية والملطشة بتاعتهم .. طب كنتوا وافقوا ادخل شرطة🙄

عملت الشاي ودخلته لميدو وبعدين مراد
__
تاني يوم في الجامعة
كان عندهم تدريب عملي عن إعادة ترميم قطعة أثرية معينة
الدكتور وقف في وسط القاعة وشاور ع رف موجود فيه آثار متنوعة وقال
_شايفين القطع الاثرية دي .. كلها عايزة تترمم والمطلوب منكم تطبقوا اللي درستوه في الترميم وتصلحوا القطع دي وترجعوها تاني زي ما كانت بنفس الدقة والمهارة وبالادوات اللي قدام كل واحد فيكم
يلا اتفضلوا واحد واحد يختار قطعة من المعروضين

ميرا في نفسها
_وربنا انا اللي جبته لنفسي طب انتوا طاللبين نرمم القطع الأثرية اومال مين اللي يرمم احزاني اااه يا ناي عقلي كان فين وانا بؤصر ع الكلية دي  كان مالها قاعدة البيت ها كان مالها

راحت للدكتور وقالت
_مستر بقولك ايه أنا ممكن بدل ما أرمم القطع الأثرية دي أروح أرمم أحزاني وأخلع من السكشن دا ها ايه رأيك

بصلها بحدة
_احنا جايين نهزر هنا يا أنسة ولا ايه
_ها لا خلاص خلاص، ابو اللي يزعلك يا باي

ولما وصلت للرف لقت ان كل الطلبة أخدوا القطع ومتبقاش ليها غير صندوق قديم من الفخار وشكله مفيهوش حاجة مميزة ولا ملفتة الا شوية رسومات فرعونية قديمة وبس
_ايه دا هو متبقاش غير الصندوق المعفن دا وقال قطع أثرية قال دا انا لو هصمم واحد هصمم أحسن منه .. عامة هاخدك وخلاص مش هأخدك لسواد عيونك لكن انت اللي فاضل ما انا عارفة حظي .. يلا بقا كله رايح

مسكته ميرا وبدأت تنفذ اللي اتعلمته علشان تصلح الصندوق وترجعه زي ما كان ولما رمتته مسكت الفرشة وبدأت براحة تشيل التراب اللي عليه فعطست ٧ مرات
_ايه دا هو التراب الفرعوني سره باتع ولا ايه اعطس ٧ مرات ليه
ولما صلحته خلاص وانتهت حبت تفتحه علشان تشوف فيه ايه خرج منه زي دخان خفيف وجه في وشها بس هي منتبهتش
_وكمان فاضي ممم وانا اللي كنت مفكرة هلاقي فيك حتى خاتم فالصوا بتاع الاميرة ميريت آمون ولا حاجة يلا حظوظ

رفعت ايديها وقالت
_دكتور انا خلصت ترميم القطعة اللي معايا
قرب منها الدكتور وبدأ يفحص الصندوق وقال باعجاب
_مم لا برافو شغل رائع جدا احسنتي، انتي دلوقتي تقدري تتفضلي خلاص
_يس هو دا الكلام انا بقول أروح أخربها بقا بالمناسبة دي

خرجت من المعمل وطلعت ع الكافيتريا وطلبت أكل كالعادة ولسه هتآكل جم اصحابها البنات
_اللي ياكل لواحده يزور
ضحكت بسخافة
_ايه دا انتوا خلصتوا انا انا كنت هستناكوا بس قلت أسلك زوري بس لحد ما تيجوا
_اه تسلكي زورك ب٧ ساندويتشات يا مفترية
_ايه دا أنا طلبت ٧ امتا طب وربنا ما فاكرة
_ميرا علينا بردوا كلنا عارفين انك طفسة
_طب وربنا انا المرة دي مظلومة انا مش فاكرة فعلا انا طلبت كم ساندويتش .. خلاص بقا يا بنات
_هنسامحك بس نأكل معاكي منهم
قالت بضيق
_ماشي موافقة ربنا على الظالم والمفتري

ولما خلصت البريك رجعوا تاني على المحاضرة اللي عليها الدور
وهناك ميرا محستش بالدنيا ونامت بعمق تام
ولما خلصت المحاضره البنات صحوها فصحيت فقالوا
_ايه دا يخربيت شيطانك انتي ازاي تنامي في المحاضرة
برقت بعنيها
_انتي بتهرجي انام ايه

_ميرا انتي كنتي نايمة طول المحاضره وفضلنا نصحي فيكي ومفيش فايدة الحمد لله ان الدكتور منتبهش ليكي كان شكلك هيبقى زبالة اوي
_هار اسوح انتي بتتكلمي جد انا نمت فعلا وربنا ما فاكرة ولا حسيت بدا

مسكت صاحبتها مراية وقالت
_بصي شوفي نفسك كويس هتلاقي اثار النوم
_ايه دا فعلا انا نمت بس ازاي وانا كنت سامعة شرح الدكتور والطلبة وهما بيتوشوشوا

_مين دا انتي كنتي نمتي فعلا وكان ناقص نجبلك مخدة ولحاف ياختي
_قولوا والله ياختاي ازاي دا حصل

_لا انتي بجد غريبة النهاردة بجد.
_بقولوكم ايه يلا نروح بس وصلوني لحد باب البيت لأحسن أنام وانا مش دارية بالدنيا
_اوك يلا
راحوا عند موقف الميكروباص
وهناك  جم يركبوا جت ست عجوزة باين عليها انها فقيرة ومحتاجة
_ساعدوني يا بنات، انا ست كبيرة وغلبانة ومش لاقية حد يساعدني ولا يأخد بإيديا

البنات جم يساعدوها وكل واحدة فتحت شنطتها علشان تساعدها باللي تقدر عليه
ميرا قالت بصوت كله جديدة
_لا الست دي نصابة اوعى حد يعطيها حاجة

واحدة من البنات كتمت بوء ميرا
_شش بس يا ميرا حرام دي شكلها فعلا غلبان
_اوعى يا علا قلتلك نصابة...

وبصت للست العجوزة
_لو مش مشيتي من هنا هبلغ البوليس حالا
الست مشيت وهي بتعيط
_حرام عليكي يا بنتي يعني الكل كدا جاي عليا
علا اشفقت على البنت
_ لا لا يا طنط متزعليش هي كانت بتهزر تعالي اتفضلي اركبي وحقك علينا

ميرا مسكت ايديها
_علا انتي بتعملي ايه
_اسكتي يا ميرا دي ست كبيرة وغلبانة مينفعش نعاملها بقلة زوق كدا

_لا نصابة وهتشوفي .. اركبي ياختي وخلي بالك من شنطتك
ركبوا الميكروباص
وطول الطريق ميرا بتبص للست بنظرات غير مريحة ومتبتة على شنطتها
ولما نزلوا من الميكروباص
سمعوا اتنين شبان كانوا راكبين معاهم
_ايه دا ساعتي فين دي كانت في ايدي
التاني
_محفظتي.. محفظتي
ميرا قالت
_شوفتي
علا
_مين قال انها هي بلاش نظلم حد من دون دليل
ومشوا شوية وفجأة شافوا نفس الست العجوزة دي في ايديها ساعة ومحفظة وفلوس وبتعطيها لواحد تبعها
_خد دول اللي طلعت بيهم من الميكروباص امسك لما اروح الحق ميكروباص تاني

_لا برواة عليكي

هنا ميرا بصت لعلا والبنات
_شوفتوا
علا فتحت بوؤها
_دي فعلا نصابة برافو عليكي يا ميرا وانتي عرفتي منين انها نصابة فعلا
هزت ميرا كتافها
_مش عارفة مجرد احساس
وطلعت الموبايل وكلمت مراد أخوها
_مراد في واحدة ست عجوزة نصابة مكونة شبكة سرقة ومعاها راجل كمان بيساعدها واكيد اكتر كمان، في شارع ... ياريت تبعت رجالتك هناك

_ميرا انتي متأكدة من الكلام ده
_طبعا انا شوفتها بعيني ومعايا البنات شاهدين
_طب ابعدي من الطريق ده وانا هتصرف.
_ماشي سلام
__
البنات مشيوا لحد ما وصلوا بيت ميرا
_اهو يا ستي وصلناكي للبيت زي ما طلبتي
_متشكرة اوي يا حبايبي تسلموا يلا سلام .
__
ميرا خبطت ع باب الشقة وكالعادة بالدوشة بتاعتها
_انتوا يا أهل الدار، يا ساكني هذا البيت، يا مامتي، يا ميدوو يا بشر افتحوا أنا جيييت

فتحت مامتها وحطت أيدها على بوء بنتها
_ششش اسكتي فضحتينا يا موكوسة
_ابه يا مامتي ما انا كل يوم كدا ايه الجديد يعني، ها طبخالنا ايه النهاردة
_شش اسكتي عندنا ضيوف يا زفتة انكتمي.
_الله ضيوف .... بجد مين؟؟
_ده واحد صاحب أخوكي ميدو جاي يطمن عليه
_يطمن عليه ليه هو ميدو كان تعبان وانا معرفش
_معرفش بقا تقريبا مشافوش بعض بقالهم فترة انتي مالك ادخلي وعلى اوضتك ومسمعش صوتك لحد ما يمشي مفهوم
_طب والأكل
_هدخله اوضتك يا طفسة اطمني
_اه ان كان كدا ماشي.

دخلت ميرا وبصت وهي ماشية على صاحب أخوها ودخلت اوضتها
غيرت هدومها وقعدت تلعب بالموبايل لحد ما مامتها جابت لها أكل
_الأكل أهو يا ميرا علشان متفضحيناش وتقولي جعانة

_يا حبيبتي يا مامتي تسلميلي هو ده الكلام
بدأت تأكل وهي مستمتعة
وبعد شوية خبط ميدو
فقالت
_تعالى يا ميدو
فتح ودخل
_عرفتي ازاي انه انا اللي بخبط مش ماما
_عادي يعني .. المهم قولي الواد اللي كان معاك مشي؟
_واد بتقولي على ظابط واد
_ميدو كان عايز منك ايه
_وانتي مالك
_لا بجد قولي لانه مش سالك على فكرة
_يعني ايه
_قولي بس عايزك في ايه
_جايبلي يا ستي ملف قضية بيشتغل عليها وطالب مني امسكها بداله
_اوعى توافق
_وانتي مالك انتي اوافق ولا لا
_اوعى توافق يا ميدو الظابط ده عاكك الدنيا وعايز يلبسها فيك
_يا سلام وانتي عرفتي منين يا فلحوسة انتي
_اسمع مني بس
_بت يا ميرا اطلعي من دماغي بقولك
_ميدو اسمع كلامي بلاش تمسك القضية دي واعتذر منه
_لا انتي مجنونة رسمي انا ماشي
احمد خرج من اوضة اخته وبالرغم من انه مكانش مهتم لكلام اخته وحاسس انها بتقول اي هري وخلاص الا انه قرر انه يتحرى الدقة في القضية دي ويحقق فيها من غير ما حد يعرف، وبعد كم يوم اكتشف ان القضية دي ما هي الا مجرد تموية لرجال الشرطة عن قضية تهريب في مكان تاني، ولما راقب الظابط اللي كان جايله البيت عرف انه متورط معاهم فقال بشر وتوعد
_يا ابن الاية ده انت طلعت فعلا مش سالك زي ما البنت القردة ميرا قالت.
خلص شغله وراحلها البيت
خبط واستنى ترد فلقاها بتقول
_تعالى يا ميدو
دخل وهو مستغرب انها فعلا عرفت مين اللي بيخبط لكنه مهتمش وقال وهو مبتسم
_انا جيت علشان اشكرك لان بكلامك خلاني احقق ف القضية بمنظور تاني واكتشفت انه خاين فعلا

ميرا قامت اتنططت ع السرير
_شفت مش قلتلك
_بس انتي عرفتي ازاي يا مصيبة

قالت بغرور
_با بني متستقلش بيا ده انا ميرا
_طب بلاش تتنفخي اوي كدا يا ختي
_لااا انت مش هتوه أنا عايزة مكافئتي عل الانجاز العظيم اللي عملته دا
_عايزة ايه
_تأخدني تفسحني لاني حاسة بالملل
_لااا انا بقالي كم يوم مش بنام بسبب القضية دي
في الوقت ده
جه مراد وقال
_بتعملوا ايه
_اهلا مراد كنت بقنع اخوك يفسحني ومش راضي يرضيك يرضيك كدا يا مراد

ميدو قال بجدية
_كنت غاطس فين بقالك كم يوم انت كمان
_كنت بتابع شبكة النصب اللي فى البلد يخربيتهم  دول ولا كأنهم منظمة محلية مكونين شبكة تقريبا في كل مكان ،والحمد لله قدرت اتابعهم انا ورجالتي
وبص لميرا
_برافو عليكي يا ميرا انك نبهتيني ليهم دول محترفين ومش بيبان عليهم دا ابدا
ميرا فضلت تتنطط وتقول
_برافو عليا برافو عليا
مراد واحمد جم يخرجوا مسكتهم وقالت
_ع فين تعالوا مبحبش الشكر كدا حاف
مراد
_عايزة ايه يعني
_فسحوني
_لااا عندك احمد أنا مش فاضي
_انا مش هتراجع يا مراد وهتفسحوني انتم الاتنين والا هصوت وهلم عليكم الدنيا واقول انكم بتعذبوني وبتحطوا السيخ المحمي في وداني

ضحك أحمد
_هه انتي بتقولي ايه يا مصيبة
_هتفسحوني والا!!

مراد قال بجدية
_ماشي يا ميرا بس خليها ليوم الاجازة معلش انا حرفيا مش فاضي
_ماشي الاجازة بعد يومين هستنى وامري لله
__
في الكلية تاني يوم
كان فيه مجموعة من الشباب بيعلنوا عن بروجرام لرحلة لدهب وبسعر رمزي جدا وبيلفوا ع الطلبة
_احنا بندعم الطلبة اللي زينا وعملنا رحلة بسعر خيالي جدا حتى شوفوا البروجرام بتاعنا والباصات مكيفة وبالوجبات كمان
طلبة كتير عجبهم العرض دا واشتركوا ودفعوا الفلوس

صاحبات ميرا
_الله العرض مغري اوي ما تيجوا نطلع سوا نغير جو
_موافقة والمبلغ كويس جدا ولا ف الاحلام.. ها يا ميرا ايه رايك
_لا
_لا ايه
_ميرا ايه اول مرة اشوفك مش متحمسة لاي رحلة تسمعي عنها
قالت بلا مبالاة وهي بتشرب العصير
_مفيش رحلة ولا حاجة دول بيضحوا ع الطلبة وبيأخدوا فلوسهم ووقت التجمع هيختفوا

_انتي بقولي ايه يا ميرا
_ده رايي براحتكم عايزين تروحوا ويتنصب عليكم اتفضلوا
واحدة من البنات
_لا طالما اشتغالة فأنا مش طالعة
أما بنت تانية
_لا انا مش هضيع الفرصة دي من ايدي
ميرا
_انتي حرة انا حذرتك مترجعيش تعيطي
علا بصتلها باستغراب
_ميرا انتي عرفتي منين ومالك بتتكلمي بثقة ليه كدا
_مش عارفة عادي يعني
بنت قالت
_عادي اخواتها ظباط ويمكن نبوهها لحاجة زي دي.
__
يوم الجمعه وتحديدا الساعه 6:00 الصبح مراد كان نابم لقى اللي بتفتح عليه الاوضه وبتحاول تصحيه
_ مراد مراد اصحى
_ ايه يا بنتي في ايه بتصحيني ليه _ايه النهارده اجازه
_ ايوه عارفه عايزه ايه

_ مراد انت قلت لي انك هتفسحني انت واخوك يوم الاجازه طب ايه بقى

_اتزفت قلت ...هي الساعه كم دلوقتي _الساعه 6:00 الصبح

_نعم يا اختي انتي بتهرجي

_ ايه في ايه
_بجد بتصحيني الساعه 06:00 الصبح انتي جرى لعقلك حاجه

ميرا ضحكت في بلاها وقالت.
_ ما هو علشان نلحق اليوم من اوله _ميرا انت عارفه لو ما اختفيتيش من قدامي دلوقت هاعمل فيك ايه

_ لا انت بتهرج بقى انت وعدتني انك هتفسحني
_ وعدتك اه بس مش الساعه 6:00 الصبح يا  متخلفه
امشي يا بنت اطلعي بره خليني انام

كانت لسه هتتكلم برق لها بعينيه بسرعه  وقفو ع الباب بخوف وهي _بتقول الساعه 10:00 بالدقيقه هاجي اصحيك ثاني ما ليش دعوه _اطلعي بره يا ميرو
ميرا خرجت وهي بتبرطم
_ يوه هو والله شكلهم هيضيعوا علي يوم الاجازه بس يا انا يا هما

__
الساعة عشرة بالدقيقة كانت ماسكة كوباية ماية وكبتها على وش مراد وطلعت تجري تهرب برا الاوضة
_ لما الحق أهرب لانه لو مسكني وهو متعصب مش بعيد يخلص عليا

وسمعته وهي في طريقها لاوضة أخمد بيقول
_ ميرراااا
وراحت لاوضة أحمد  وقفلت الباب بسرعة واستنت لما خلاص مش سامعة صوت لمراد وكبت الماية فوق ميدو وجريت بردو برا بسرعة
ولسه بتخرج لقت اللي بيمسكها من قفاها وبيعلقها في الشماعة ورا البااب
_ ياختااي الحقوني أخويا علقني حرفيااا
_ انتي لسه شوفتي حاجة يا زقتة وربنا ما سايبك
_ يخص عليك يا مراد دا انت انا اختك حبيبتك قلبك فشتك وكرشتك كمان
_ اسكتي الله يقرفك بتقولي ايه
_ اه نسيت انك مش بتحب الكرشة طب نمشيها ممبار مثلا أصلي جعانة اوي
_انكتمي مسمعش صوتك
_خلاص خلاص انا اسفة يا مراد مش هعمل كدا تاني
_اول واخر مرة انتي سامعة
قالها وهو بيزعق
فقالت
_طيب خلاص وربنا سمعت بتزعق ليه هو انا طارشة
جه ميدو اللي كان متغاظ منها واول ما شافها ضحك وقال
_ايوة كدا خير ما عملت يا مراد خليها متذنبة كدا طول اليوم خلينا نرتاح دي صداااع
_لااا وربنا ما يحصل ده انا عملت كل دا علشان اتفسح فسحوووناي نزلوووناااي

نزلها مراد وقال
_اكتمي مش ناقصة صداع ع الصبح ادخلي جهزي نفسك لحد ما أفطر ما انا اللي جبته لنفسي كان لازم انشك ف لساني واقولك هخرجك

صرخت وقالت
_لااا
نط ميدو مين مكانه
_ايه يا مصيبة يخربيت شيطانك فزعتيني
_مفيش فطاار هنا هنفطر برا.. يلا انت وهو اتفضلوا البسوا بسرعة

مشي مراد وهو بيهز دماغه بانزعاج وميدو
_يارب صبرني على المصيبة دي يارب.

__
لبسوا ونزلوا ع المطعم الاول فطروا وبعد كدا ميرا قالت
_عايزة بعد كدا اروح الملاهي

مراد قال بانزعاج
_ملاهي ايه في عز الضهر هننشوى يا ماما شوفي حاجة تانية والملاهي نروحها اخر النهار
ميدو
_اه تعالي نروح البيت والمغرب نرجع تااني
وقفو وقالت
_لا يمكن.. ماشي نروح الملاهي بعد العصر لكن دلوقتي ودوني مول عايزة اعمل شوبنج

مراد بتريقة
_شوبنج امشي يا بت قال شوبنج قال انتي دولابك هينفجر من كتر الهدوم اللي فيه
_مليش فيه انا عايزة اروح المول
ميدو
_يلا يا مراد مش هنخلص من زنها ، عدي اليوم.

وبالفعل راحوا المول ولفوا شوية وميرا كانت فرحانة جدا
وفجأة مر قدامهم واحد فميرا قالت
_الراجل ده مخبي سلاح معاه وجاي هنا يعمل مشاكل
رفع مراد حاجبه
_نعم
أما ميدو ففضل يضحك
_ده الراجل العجوز ده جاي يعمل مشاكل ده مش قادر يصلب طوله حتى هو اي هري وخلاص
ميرا بجدية
_مش راجل عجوز ده متنكر.. ومش بس جاي لوحده ليه معاه شركا وناوين على شر

مراد بجدية
_ميرا بلاش هزار سخيف في الحاجات دي
_انا مش بهزر يا مراد تقدر تتحقق منه بنفسك، بس ياريت من غير ما تثير الشبهات علشان شركاءه ميهربوش

مراد واحمد بصوا لبعض بجدية وقلق فهز مراد دماغه لميدو انه يتحرك
فراح ميدو وقرب من الراجل العجوز... وعمل انه بيحاول يجيب حاجة من رف عالي ووقع نفسه عليه وفضل يتحسس جيوبة واتأكد فعلا انه معاه
وقف وقال
_انا اسف يا حج حقك عليا هات ايدك اساعدك انا اسف اوي
الراجل عمل صوت حد عجوز
_ولا يهمك ياابني وبعد عن المكان
رجع ميدو بسرعة ووش جاد
_كلام ميرا صح يا مراد
اتفآجىء مراد
_ايه.. ميرا انتي عرفتي منين
_مش وقته الحقوه بسرعة اكيد هيأخدوا حد فدية
ميدو قال
_ أنا هروح وراه وانت وميرا شوفوا الباقي
مراد_لا ميرا خليكي هنا متتحركيش من مكانك ولا اقولك خدي تاكسي وروحي

ميرا كانت بتبص ع حد معين لابس لبس السيكيورتي فشاورت عليه وقالت
_مراد الراجل ده معاه
أتعجب مراد من مقدرة اخته معرفتهم لان مكانش عنده وقت للسؤال
فاتصل بسرعة وطلب دعم
وقال
_ميرا تعالي ورايا وراح ناحية السيورتي يراقب كل تحركاته
اما ميرا فكانت عيونها ف كل مكان فوق وتحت
وبعدها قالت
_مراد عددهم كلهم ٥ ثلاثة تحت واتنين فوق
مراد حددي مكانهم بالظبط يا ميرا

_عامل الزبالة اللي لابس برتقالي، السيلر اللي بيوزع دباديب وعامل النضافة اللي عند السور

الدعم جه بأسرع ما يمكن ووقفوا عند الأهداف اللي قالت عليهم ميرا بالظبط
وقبل تنفيذ الخطه استطاع رجال الشرطة منعهم وافشال خطتهم قبل ما تبدأ واتمسكوا كلهم

وكل ده ومراد وميدو بيبصوا لميرا بانهار
نيدو
_يا بنت اللعيبة عملتيها ازاي دي انتي تفوقي على رجالة الاستخبارات، اوعي يا بت تكوني تبعهم وانا اخر من يعلن

رفعت ايدها لفوق وقالت
_لا وربنا بس كان نفسي وانتوا اللي رفضتوا ادخل شرطة زيكم من اصله

مراد
_طب ايه عرفتي ده كله وبالدقة دي وبمجرد نظرة واحدة ازاي
_مش عارفة
في الوقت ده علا صاحبة ميرا رنت وقالت
_ميرا كلامك كان كله صح الرحلة فشنك والكل اتنصب عليه واخدوا فلوسهم وهربوا
_ميرا مش قلتلك انهم نصابين
مراد وميدو
مسكوا اختهم من ايدها وقعدوها
_فهميما في ايه
_والله انا مش عارفة ايه اللي بيحصل بس كل اللي اعرفه اني بقدر أميز الناس اللي مش كويسة من مجرد اشوفهم
مراد _ماشي ممكن ابلع دي احساسك بيهم انهم مريبين ومصدر شك .. لكن اول ما تبصي الراجل تعرفي انه متنكر ومعاه سلاح كمان عرفتيها ازاي دي
_حقيقي مش عارفة يا مراد والله
ميدو
_ميرو قولي عملتي ايه او ايه اللي بيحصل معاكي واحنا مش هنعمل فيكي حاجة
_وربنا ما عارفة يا ميدو.. انا مرة واحدة لقيتني بعمل كدا
_طب لاحظتي دا من امتا
_اول مرة مع الست النصابة اللي عاملة شحاتة اللي قبضت عليها يا مراد
مراد_ ايوة.. طب قبلها حصل معاكي ايه مثلا
بعد كدا جالهم الويتر وقال
_تحبوا تشربوا ايه يا فندم
ميرا
_ده مش الويتر  ده مدير المطعم

المدير قال بارتباك
_ده حقيقي يا فندم احنا عندنا عجز ف الويتر ق الوقت الحالي فكان لازم اتصرف
مراد بهدوء
_ولا يهمك... ٢ قهوة، و١ هوت تشوكوليت
_تمام با فندم نورتونا
ميدو مسك ايد اخته
_تعالي هنا يا بت انتي مش طبيعية
ميرا بخوف
_وربنا ما عملت حاجة.. وبعدين ايه مالك متضايق ليه اوعى تكون غيران من الهبة اللي عندي دي
ضربها ع دماغها
_يا شيخة اتلهي قال غيران وهبة ايه دي انتي كمان
ميرا افتكرت حاجة
_اه يكونش دا من غبار الصندوق الغريب اللي كنت برممه ف السكشن ، اصلي بعدها عطست سبع مرات ونمت ف المحاضره اللي بعدها من غير ما حس

مراد وميدوا بصوا  لبعض بصدمة
فميرا قامت وقفت وقالت بزعر
_لاااا يالهوي انا اصيبت بلعنة الفراعنة يعني هموت عااااا لا مش عايزة اموت انا لسه صغيرة عااا

حطوا ايدهم على بوءها وقالوا
_اكتمي الناس كلها بتبص علينا فضحكينا اقعدي واهدي كدا

قعدت ميرا
_طب غدوني انا جعت انا لما بتوتر بجوع اكتر
مراد بانزعاج
_وده وقته مش لما نفهم في ايه
ميرا
_بقولك ايه متفكرنيش يا مراد لحسن انا خايفة على نفسي من اللعنة دي

مراد بجدية
_ميرا احنا لازم نشوف الصندوق ده ونسأل المختصين في الموضوع ده

وتاني يوم
نزلوا ع الجامعة وسألوا فعلا على موضوع الصندوق ده واكتشفوا ان من جواه مخطوطة خفية بتقول ان الصندوق لو وقع في الشخص الصح مرة كل الف سنة بيكون عنده ميزة انه يقدر يتعرف على الاشخاص اللي مش كويسين ويكتشف الكدب
والميزة دي هتفضل مستمرة طول ما الشخص نيته خير لكن لو استعملها في الشر هتختفي للأبد
ميرا فرحت جدا بالميزة دي وفضلت تتنطط
_عاشان تعرفوا ان اختكم قلبها طيب وحبوبة وانتوا كنتم ظالمني

بعد كدا اقترح مراد ان اخته تشتغل معاهم وكمان في  الاستخبارات وتستغل قدرتها دي في الخير فكانت في قمة سعادتها لانها اخيرا حققت حلمها ...